大雄聲音永別

「大雄」離我們而去了﹗

資深配音員盧素娟上周六因腸癌逝世，她在無線電視20多年的配音生涯中曾為不同動畫片的男女主角配音，最出名是演繹動畫《多啦A夢》男主角大雄。她離世的消息昨日傳出後，在以青少年為主的高登討論區引起震動，有逾200人留言表示懷念，有人留言﹕「感覺就好像童年好友離去一樣。」

其實自從叮噹改左叫《多啦A夢》之後，我已經無咁鍾意睇。因為覺得d人名唔同晒有d怪怪。以前既技安，阿福同靜兒都唔同譯法，對於我地呢d三字頭，叮噹陪住我地成長呢班"老餅"，而家既《多啦A夢》真係有d睇唔落去。

林保全（叮噹配音）仲更深入民心。佢個女當年都有做過無記2/3線姐仔，真係羨慕佢可以晚晚對住叮噹把聲。如果比我街上聽到呢把聲，一定追住佢簽名。

雖然今日至知盧素娟個樣係點，但真係令人懷念。(都唔知其實係真係懷念佢，定係懷念我地既童年......)