政治飯

早兩日放工撞到對面裕利個General Sales Manager Joanna，提起阿Paul今日會落黎；CEO阿 Fred馬上話好耐無見佢，要約食飯。結果連同余經理，哥仔個老細Andrew，上Butterfield食餐政治午飯。

阿Paul食飯時都仲識講吓笑，唔會做野時咁嚴肅。不過佢實在太高(6呎3呀！)，拍埋一把年紀既阿Fred度一齊行，要微微彎低身黎講野，有ｄ攪笑。

Butterfield話晒都叫會所，雖然野食一般，但點都靜局ｄ。因為環境靜，就更加拘謹。話題仲要係圍繞住ｄ好鬼悶既job market，藥業sales trend，租金，零售業.....呢ｄ無興趣，但又迫住要搭訕既野。

"食"左成個半鐘，絕對講多過食。結果余經理因為無粉麵飯落肚，下午要閃去偷偷問Martha囉佢食淨既半份三文治黎頂住咁嚴重。

本來飯後要同阿Paul解話，同agree 2007年條數，但唔駛15分鐘就講完。因為佢教左我用另一種方法簡單地analyse個in-market sales。結果我要聽日自己一個死返工趕個worksheet比佢。再唔定條數，今個7月，我點可能死到成個budget比佢呀？