清假壓力

之前惠氏攪既Stress Management Workshop話，放假都係一種壓力，真係唔都你唔信。

趕完一輪budget同marketing plan之後，除左追數，就係望住淨番既近20日annual leave發愁。上年已經帶左5日落黎，一年加埋成30日假點放呀？!

以前會返加拿大時就話放差不多一個月假咁癲，兩次restructure之後，由20人division瘦身到得番8條友，莫講話放一個月啦，兩個禮拜都會好高難度。

好似余經理下星期同老婆去一個禮拜東京，都放唔低帶住部Laptop去酒店check Email。

有同事就唔夠假放，我就有假都無得放。如果有得transfer比同事，呢d順水人情怕乜做呀。

盡力放自己幾日假啦；不過睇怕點都放唔晒又帶唔到咁多落去，要forefeit d架啦。