眼高手低的晚宴

尋晚係Practising Pharmacist Association週年晚宴，P記拿左個大獎，買左一圍枱邀請我地去助慶。

Dress code標明係Formal，比個面穿個套裝出席；場內三數個男仕甚至打煲呔添，非常隆重。

但，場地係尖東既富豪酒店，而且只係寥寥7圍，感覺好冷清。食物更加不值一提，侍應service更加係水準以下。唯一有點另類係一味脆皮牛坑腩，點咖哩汁；從未見過酒席會出呢度咁痲甩既菜色，但又幾好味喎。

當晚大家皮笑肉不笑地嘻哈左一整晚，台上懶formal咁扮獎，台下各人自顧自去串門子。只有個souvenir比較有心思：穿左藥劑學會畢業袍既貓頭鷹公仔。