當「後遺症」遇上「天拿水 」












整整一個月既挨更抵夜，隨住施丹臨尾加時失心瘋用個光頭撞對方心口，攪到紅牌出場，間接令法國輸波而導致我媽聲四起下落幕。

今朝我同香港起碼過半無告假既人一樣，行屍走肉地返工。實在太多野做，有假都唔敢告。

德宏6樓有一個單位搬走左，一出電梯天拿水味就撲面而來。不過對精神有少少恍惚既我，high天可能反而有提神作用！

對面裕利仲好笑，問太古管理處借左把大牌檔式大型鐵風扇，開大度門整日對住吹。每次我去「揸水」時都聽到隆隆聲，真係想過去開番枱坐低，叫個recep整碟椒鹽賴尿蝦，豉椒炒蜆，再加多楂生啤！