姑丈走了

呢幾年親戚真係買少見少。早幾個月黎過香港既姑丈，今朝喺美國Texas既屋企安安靜靜地走左。

佢由發現肝癌，電療控制到病情，再復發，前前後後都有4年。原發性肝癌，比我老豆由膽管癌轉移過去既，叫做容易ｄ醫。但始終肝癌初期徵狀唔明顯，到發現時通常都無得攪。

姑丈年紀唔係好大，只有60多。身為兒科醫生，竟然連自己係乙型肝炎帶菌者都唔知道；直到發現肝癌至知。有時好多野真係避無可避。

呢兩三年見得多呢類生老病死既個案，雖然我做人仍然唔係好化，但覺得真係要活在當下。趁健康時做ｄ令自己開心既野，因為病既時候，有心無力，後悔就太遲喇。