打爛飯碗

賴都要歸咎於Carlos哥架喇。

上星期四佢介紹左廣告公司Maxus既同事，去太古城屈臣氏做骨質測試。因為新請既promoters太dude，而令我同余經理兜左佢地。(就好似d馬伕帶兩條新女時，試鐘唔岩就飛一樣!!)

今日幫佢d同事訂staff purchase，其中有張單訂3枝Caltrate Plus單枝，貨倉竟然送左3 pack Caltrate Plus孖裝! 哇，買3送3(本身staff purchase仲有7折)都未算離譜，更誇既係：送貨哥仔竟然叫我照收左佢！仲話個倉請埋晒ｄ新丁，成日都會執錯貨。

如果比著其他任何客，咁抵既事一定照收兼諳住半邊咀笑啦。但好衰唔衰，我就係呢隻product既廠本身!! 連執錯貨都因為費事煩而叫人照收，無輪我地同裕利都蝕啦。想唔做金手指都唔得。二話不說打比Hudson同ｅ貓張野比佢老細投訴。

結果，執錯貨既未知會點，但送貨既哥仔聽日唔駛返喇。

其實佢對我講野咁放肆估計應該係：

1.佢唔知道我地係廠本身；即係連Wyeth係乜都未知。可能只認為我地係一般office。
2.佢亦都唔知我係乜水。哈，可能見我坐門口間房，又著得咁casual，當我係receptionist掛。

我唔常訂野，都比我遇正咁好彩，唔篤佢出黎，都對自己同對面唔住啦。