打賭

同個剛肥左10磅既好朋友打賭，如果一個月後即10月7號佢減得返8磅(我都已經build-in左兩磅buffer比佢啦，仁至義盡)，五舊水，你隨便囉去。

呢8磅，話易唔易，話難唔難。易既係我見過一個真人實例，唔駛一個月，晚晚食草加游水，輕易減到呢個磅數。當然難就難在決心同本來生活習慣。晚晚出街食，開夜又隊個杯麵，梗係肥啦。

同呢位仁兄打賭咁多次，無次贏到佢；而且仲越賭越大添。

哇哈哈，因為我太熟悉佢d生活習慣，睇黎今次我都有d贏面。夜晚食草？頭兩日因為同我賭就可能係威係勢，佢d三分鐘熱度一過，下星期一定固態復萌。

10月7號，祝我可以打破呢個「逢賭必輸」既命運。