捽腳









兩個麻甩佬想熟落d可能會約埋去骨場，女既就會含蓄ｄ.......去捽腳！

經卡盧士介紹既新相識既朋友仔Ellena，公司就響同一棟Devon House。放工掹衫尾跟佢出老銅糖街附近一間叫「足道」既地方做腳底按摩。

之前其實都有做過幾次，唔覺太特別；所以會比較鍾意Body Massage。但有人柴娃娃一齊去又唔介意去踩呢個場囉。

全程50分鐘，由開始浸腳到按完起身，由百事可樂到追星花痴實錄，我諗場內既寧靜氣氛比我摧毀得蕩然無存！真係難為在場既其他客人。

卡盧士個死仔早收工，唔肯等兩位靚女而甩底。哈，無左條佬樂得清靜；我地照原定計劃去Goldmark既居酒屋「一門」食飯。環境有ｄ似東京既「鳥良」，都係叫ｄ類似既野：鹽燒雞翼，凍豆腐，蟹肉燒玉子，雜錦壽司，鯛魚湯，梅子Sour......雖然坐Bar枱，唔影響我地兩條女發牙痕到差不多11點。

哈哈，當感性既雙子座遇上理性既獅子座，果然係好多諗法唔一樣。 但唔一樣得黎，起碼係有ｄ可以交流到而唔係搭錯線嗰種。