"小分子，好吸收"

上海同事的爛gag：

電視台問caltrate廣告中"小分子"一詞何解，同事答案如下：

"小小分子不是小分子 我们在描述上钻了空子 小分子是科学定义 小小分子就是小小的分子 因为分子本身也是很小的 "

但他是很認真的去答我們，難道這樣去回覆電視台嗎？(汗)

扭曲藝術

2樓的同場加演，數件比例看上去扭曲既模型；唔係太窄長就係太肥矮，或者傾斜。

企得穩唔塌下都唔容易噢。

車呔藝術

時代廣場地下及二樓大堂，有個名為"Imagination-Reality"的展覽。最特別係主要展品都係用鋼及車呔所製。

2樓的都是頭像為主，地下則是全身的大型動物像。

用車呔都可以做出動物毛髮的紋理及層次感，利害。

夏天進補

韓國人既concept有點另類：認為夏天流汗多，身體會較弱所以要進補。所以據Connie講，夏天有三個時令日子，韓國人會食補一點的食物如人參雞湯。









我地就係咁柴娃娃地去時代廣場"阿里郎"食主打人參雞湯($130)；雞仔骨肉分離，有水準。
當然無可能只係食一味人參雞咁寡啦：韓式煙鴨胸沙律($220)，燒青花魚($100)，炒粉絲($90)，綠豆豬肉餅($80)，冷麵[凍湯蕎麥麵]($100)
送的香草雪糕，雖然唔算韓式，但好滑。

是晚談得最耐兼大家最有興趣既話題，係買車位投資收租!

毒蕃茄殺人事件

見無線訪問SMAP被電視台大整蠱，將d零碎側拍片段輯成一個單元劇"毒蕃茄殺人事件"，主角們自己還懵然不知，好奇心下點都要搵黎dl望望。











尋晚地鐵內用PMP睇，見5子知自己被整後面黑黑，倖倖然睇番自己被整經過，忍唔住傻婆一樣笑左出黎。

故事：

綜藝節目「SMAP吃遍全世界蔬菜」的主持人大下容子被殺害於自己家中。

據檢測，她的胃中殘留了毒番茄的成分。而在節目中一起吃番茄的SMAP成員（中居正廣，木村拓哉，稻垣吾郎，草剪剛，香取慎吾）作為嫌疑人是警方調查的主要目標。

平泉成警官等人為了找出兇手殺人的動機展開了調查，開始分別監視5名成員的一舉一動。在無人島上自由亂跑的中居，只吃番茄度日的木村，在街頭全力狂奔的草剪，把自己關在卡拉ok包廂的稻垣，還有打扮成繩文人的香取，5人各自的私生活慢慢被曝光。並且也逐漸知曉了某位成員與天下容子之間存在之親密的關係……

其實犯案過程好牽強，臨尾嫁禍比中居既真凶，行凶動機無交代；雖然大整蠱要堆砌成故事唔容易，但編劇們實在可以將個故事設計得完整點。

$250/5項自選料理

去完書展，同Charlotte到城市花園"自然派"捉埋在家執屋既阿二出黎晚飯。

"自然派"午市同晚市價錢差一截，最唔抵係硬放下來的"小食"，收$15碟有點掠水。

$250/5項的自選套餐，當然選d標價最貴既項目：

牛肉鍋，雜菜蠔仔鍋，豬排煮蛋，明太子雞翼，鹽燒三文魚頸

連平時午市的9折卷都不能用，所以下次食日本菜都係返老銅吧。

大東踩場書展

好多年都無逛書展，為左汪大東會到場做宣傳並親手派發限量版的MUA閃石tee，週日下午同Charlotte各自迫入會場。

連M字額都有站台演講

大東6點多先入場，即時惹黎好大騷動，燈牌尖叫聲中人人舉機，場面混亂。

搔擾到隔離講職業安全的師奶speaker，於是全程都酸葡萄地對住大東發話，單打不絕：

"哇，多得阿汪生阻住出入口，你地都係坐低慢慢聽我講啦"

"我加幾多條事業線，都敵唔過汪東城先生啦；應該請佢過黎幫我帶旺個場"

"邊個要汪東城攬枕既舉手!!你地又有邊個鍾意周秀娜呀？"

"無申請(活動)？告發佢啦"

好彩大東唔多識聽，我地聽到火滾。

用$824買左限量tee既Charlotte，近距離見帶左深紅con，4隻黑指甲油既汪大東，有點似punk的vampire，好型。頸上的骷髏絲巾，懷疑係沙律所送既添。

送走大東，自己都不忘有點斬獲：Darren Shan的vampire系列，同幫梁師奶買的宗教書。

平靚正壽宴

兩批各自見完自己老細(言生/大東)既人，為次日牛一既Annie到灣仔"富臨飯店"慶生。
剛翻新裝修不久，地方闊落光猛。套餐反而唔夠散點抵，所以對住個小菜menu豪點：

蘇格蘭聖子皇($196/打)，乳香小排骨($48)
金銀蛋莧菜($52)，瑤柱上湯雜菜煲($56)

生猛大連鮮鮑魚(果皮蒸)($148/打)，籠仔海皇豆腐($65)

沙薑雞(壹隻)($88)，波士頓龍蝦(烏東底)($98)

薑汁酒炒芥蘭($48)，野菌一口牛($58)

當然甜品係拳頭咁大的壽包。

價錢平，份量大，味道不俗；難怪座無虛席。