SOGO生日餐

有sogo card既，每年生日月份都會收到吃生日餐的邀請，同行朋友消費滿$100，自己那指定的set dinner就免費。計落點都係兩個人去最抵，所以襯月尾offer未expire前，約埋乞臣上12/F La Serene食飯。









Free dinner：

餐湯(蕃茄湯)+燒汁美國豬柳+咖啡
另加：烤老虎蝦配冬蔭公忌簾汁煨意大利扁麵($128 set dinner)

臨月尾，差不多大半都係黎食生日餐，所以晚飯都要分兩輪。

後日就首次去東京既乞臣，路不熟加上完全不懂日文，自由行應該點到摸到，只係買野食野溝通有點難。差不多整頓飯的對話都係拿住列印出來的地圖教佢點去景點，應該收佢導遊小費吧。

小町便當

好耐都無去The SUN食晏，襯要去時代廣場附近睇個Centrum mascot，同Debbie & Michael坐的士去奢侈點食個lunch。

上菜奇快，而且選擇比以前多了很多，我無選擇障礙都覺得難以取捨；唔理，叫個乜都有點的"東京小町便當"($125)：

另外兩位的自選刺身壽司卷定食($118)，和壽司烏東定食($98)

不倒翁邊爐

唔去時代廣場，改試佐敦本店；地方無Times Square咁grand，但座位都算闊落舒服。

露姐帶埋兩位朋友黎，開紅酒差不多係佢地既指定動作，比較新鮮的係梅酒溝梳打水。












食物一貫新鮮，只係價錢偏貴，抵食唔算，但齋論火鍋料而言就唔係差：
自選鴛鴦鍋底($98)，日式野菜籃($68)，竹笙($58)，招牌四寶丸($88)，(小)金牌手切肥牛($168)，脆口炸腐皮($48)，翠肉瓜($38)，薯仔($38)，魚腐($48)，鮮魷魚($58)，脆肉鯇骨腩片($68)，加拿大象拔蚌刺身($298)，甘香肥牛粒($168)；醬油$18位。

善存Wedding Blogger茶聚

經PR公司攪，包左Piann個場邀請左18個寫blog既準新娘參加茶聚，邀請埋營養師教佢地點去做個至"營"新娘。

下午1點多就開始佈置會場，加左d鮮花擺設同婚禮味十足既backdrop，平時食開私房菜既地方變得有點不一樣。









阿媽忙緊外面打點，波士同阿Moon就悶響廚房陪老豆煮食。
特別為個event而訂製善存+benefit icons朱古力禮盒，每個blogger穫贈既小小gimmick。
聽完個talk，玩遊戲時間，幾位同事都響廚房外摟住兩小樂在其中；尤其係第一次見波士阿Moon的Kerry，非常興奮。
我只負責頒獎，多得Sinmei安排左個輕鬆任務比我。
終於都可以試試黃爸爸準備了一個下午的茶點：









蕃茄仔buffalo cheese配黑松露汁，生菜及菠菜葉柚子沙律，open finger sandwich：鵝肝醬拼草莓，大蝦拼金奇異果，Parma Ham拼蜜瓜，碎蛋煙三文魚

熱點：豬/牛/羊沙嗲，餃子雞翼，迷你sausage roll，炸魚柳，煙肉白汁意粉，各式蛋糕及果撻

女士們邊食邊聊，加埋工作人員同我地都添了又添，都剩下唔少食物；樂了係打包返去既Debbie同Kerry。

儀仗隊

前晚見8具死難者棺木落機，儀仗隊奏哀樂之際，忽想：點解香港回歸了十多年， 儀仗隊仍係穿蘇格蘭裙吹手風琴？

雖然中式的"dee打"好難想像，但政府機關也不再有"Royal"字開頭，和制服上去掉皇冠一樣，儀仗隊點解不變？(個人蠻喜歡佢地呢個look，其實亦唔想佢地改中式，只係有點奇怪)

"超熱"式性感

飛輪海下月頭發的新專輯Super HOT，第一首火辣辣MV登場：

大合照

終於等到WOW上傳了，哇哈哈：

$320

早前公司的Facebook"比個LIKE我"鬥多人like奶粉新推廣，po上去先有$20，經多番努力後拿到108個like，十大裡面排第二，贏了$300 coupon。

今日扮獎，多謝公司，多謝各位。我用coupon之時會想起大家的，哈哈。

悲憤

相信尋晚的黑色盂蘭節，700萬香港人同我一樣，既驚愕又傷痛。晚飯時望住LIVE直播，真係有點食不下嚥。

明明早上有好多位係可以用狙擊手向綁匪開槍，但遲遲唔行動；直至入夜後情況變得失控時，班廢柴特警好似小朋友玩家家酒咁，人命當兒戲。個槍手既要求只係要覆職，假裝答應後先逮捕佢有何難？點解要攪到流咁多冤枉血，拆散咁多家庭先收場？

今日大家既怨氣，與其罵個冷血槍手，更多人罵個無能政府同特蠢刑警。而且有死者係因為菲律賓警方鐵鎚及子彈所殺，更加激起民憤。

未來兩週的報紙雜誌，都會滿滿係家屬悲痛故事吧。

山寨版"嗟泥"

本來對"攪乜鬼"系列電影毫無興趣，但今次既然係點名喪抄Twilight同New Moon，見個trailer又好笑，$35幫襯早場入去笑一餐。

雖然有點白痴，但人物造型同特徵表情確實有原裝神髓，只不過係A貨。對百更加抄足小說，mix了騎呢情節令人捧腹。

一向對攪笑片種無乜期待既我，都笑左大半套戲，good job!!