三C宴

大婚都未睇完就要趕住出銅鑼灣的紀利華木球會(CCC)，約左Gigi屋企同朋友們晚飯。呢個行會員制既會所，唔駛一定要打cricket先可以入會，肯比錢就掂；因為內有中西餐廳，兼最剎食的跑馬地地點，所以唔少人都願意花錢入會，貪其免費停車場。

好彩阿拔訂了間房，有兩部電視比我繼續睇大婚送飯。

是晚係為一班小朋友而設既飯局，個個都帶晒啲細路出黎晒冷。年紀最細既係Gigi大佬的細公子，肥嘟嘟，好好笑容。

$2550一席的菜單：

鴻運燒味大拼盤，波羅咕嚕肉，頭抽乾煎海中蝦，沙參玉竹老雞油追湯，大海中班兩味(西芹炒球/果皮蒸頭腩)，瑤柱扒鴛鴦蔬，金皮鹽香雞，欖菜腰果雞粒炒飯，古法馬拉糕，紅豆沙

放假睇大婚

因為梁師奶有街去要烏烏餓著肚子等那遲來的午餐，我便告個假早點返去餵狗，順便睇威廉王子大婚。

明珠台3pm開始直播BBC。婚禮前各地民眾點喜氣歡騰，大家點樣猜新娘婚紗設計等都cover；幾小時毫無廣告時段真係前所未見。

等到久違了的皇室成員到達西敏寺，一對新人宣誓交換介子，都已經黃昏了。要出去晚飯的我，唯有熄電視出門。

好彩晚飯酒樓有電視，我挑了個好位邊食邊趕得切睇呢個萬眾期待的"露台之吻"。

蛋雕技藝展

放半晝假唔只睇Lego，同阿丁過檔德福趕下一場：蛋雕技藝展。

梁師奶早前睇過highly recommended；雖然佔地唔大，但都幾值得去欣賞。

唔同類型既蛋，有玫瑰，花邊，動物，公眾人物；有d較簡單，但有部份真的很神，例如玫瑰花的立體花瓣，雀鳥羽毛的紋理等。

都係那句，呢度只上載幾張精選的，建議到facebook睇full album。

嘆為觀止

知道太古城中心有好大型既Lego展，特地告了下午假約埋阿丁先到food court隊個quick lunch，飽肚後才有力氣大拍特拍。

世界各地名勝都有，真的細緻到令人讚嘆。好彩zoom鏡可以拍到detail，每一個都真係要細細欣賞。

相片太多，請到facebook瀏覽；只放幾張較全景的上來。Connie，呢個展覽到5月2號，就響你屋企對面，唔好錯過。

$1貴妃雞

稻香的"$1雞"做到月尾，晚上約左Upjohn舊同事晚飯，平平地黎捧場。

雞係細size，但肉算嫩滑；$1又唔限你叫幾隻(不過要食完一隻先可以再點，都算合理；免得大家眼闊肚窄)，想點？

其他菜式只可以說不過不失，符合對稻香既期望：

夠味但唔爽口既"大埔生啫唐生菜"($58)， 瑤柱花膠雜菜煲($68)

細細隻既"滋味黃金蝦"($78)，脆皮豆腐($28)

八月芳大廚推介

約左代理的business lunch，懶得行，就響德宏樓下的"八月芳"黎個4人"大廚推介套餐"($568)

"清，爽，正"(原隻鮑魚，辣味青瓜，荵油海蜇)

用茶壺茶杯上的"清燉杞子土雞湯"
頭抽頻倫雞，古法蒸海石班
花膠瑤柱浸翠苗，煎烹胡椒包
賣點係不落味精及選用較健康的食油，其實味道唔錯；只係4人餐變化唔大，常食有點悶。

綠揚套餐

世界真細小，原來logistics的同事Elsa個仔同Gigi的仔女係老死，亦都係因為facebook而發現呢重關係。

Elsa幫我分擔左SAP的大部份煩瑣工作，加上近日頻頻幫我們向廠追貨開火，在情在理都要請佢食個晏。

雖然得3個人，但在綠揚邨的午市4人套餐最平$308都有，而且選擇甚多；3條女隊個4人餐都抵過每位計的個人餐啦。

冷盤5小拼(醉雞，荳板酥，荵油海蜇，素鵝，涼拌鴨掌)，火腿蝦仁炒飯

Size很足的沙鍋雲吞雞
雪菜毛豆百葉，雖然係4人餐但有5隻的梅菜包和鍋貼
每人一杯淡口的木瓜雪耳水

莫講話4個人，如果包點飯麵那欄選多點飽肚的，5個女仔都夠食呀。