新年快樂

2016年最後一天風和日麗，送舊迎新，明年繼續有兩位貼身狗奴才侍候，呵呵⋯⋯

炸廣島蠔飯

令人失望的炸廣島蠔飯，落太多黑椒去炒底下的配菜，我只吃到芥末沙律醬的酸味和黑椒辣味⋯反而抺茶杏仁豆腐還算中規中舉。

韓式擔擔麵

其貎不揚但偶爾會想食的韓式擔擔麵。

未買機，先買袋

機都未買，就上網睇想機袋；本在G-Market下了單但喜歡的顏色沒貨，在Pinkoi先買了個輕便的湖水綠頂住先。

多想幾日

一直過唔到自己那關買單反，因為機身實在重，無咩可能去旅行孭一日；但見新出的Canon M5無反機體積細，雖然唔算好輕，但都心思思想買去拍極光。

此機看表現未算特出，所以仍然心大心細；諗多幾日吧。

Boxing Day BBQ

週末為食團Boxing Day去西貢BBQ....由下午燒到入夜，午餐晚餐一次過攪掂。最正還是那蒜蓉法包!

Express送聖誕大禮

平安夜出發去福岡的細佬一家，去到機場HK Express先話overbooked問他們可否轉飛廣島，每人賠$1600外加交通費$800(小姪女咁細坐根本唔駛錢)；由廣島去福岡新幹線兩小時，反正他們去到旁晚也是，當然拿錢。

Santa Woo.....

麻辣Pre-X'mas Lunch

早收前的Happy Holiday Lunch....重慶麻辣雞球鮑魚煲仔飯，紐西蘭藍鮑魚海鮮燴意粉，雜菜湯煲。

CX申訴飯局

12月廖太飯局, 幫聖誕壽星女沙律慶生。

綠楊邨係奶奶飯堂, 有她這個熟客在, 當然不用趕住交枱。 整餐飯有一半時間大家細數國泰水準有幾差, 遲早我出差轉長榮試試。

多謝廖太們的英日韓台手信!

冬到Happy Team Lunch!!

猫頭鷹孖寶

多謝Calvin的廣島手信, 換了新iPhone才貼上這猫頭鷹孖寶....

林家飯堂

做冬+巢小姐慶生…♡呢排都係密密去大圍金潮軒，變了林家飯堂。

升級iPhone 7Plus

我可能係公司最後一批升級iPhone的人…7 plus, 未來兩年靠你了!よろしくね

鴛鴦湯圓

雖然就在屋企對面, 多年冇食過的福元鴛鴦湯圓, 依然皮薄爆漿…`(*∩_∩*)′

Bite Size Kelties

等了兩個多月，烏仔的餅餅終於到港。

價格不變但包裝小了1/3；那餅大小也一開二變成bite size....不過有貨就好，因為那餅是每天三點三同去街後期待的highlight。

Asian Cooking

新都城新開, 紅螞蟻期下的Asian Cooking…有點手忙腳亂係預咗, 但所謂的蟹肉炒粉絲連雪藏蟹肉也很零碎的舖在粉絲上, 完全沒有炒埋一齊。 不合格啦。

Happy Lunch with小姪女

等小姪女上完朗讀班, 去芽莊happy lunch♡(^ε^ )♡

CX Pad Thai

雖然都係CX Noodle Bar, 每個地方也有些地方特色: 泰國lounge有Pad Thai和Sago Dumplings。

Spasso

開完會, 趕住出機場前的quick lunch.....

享用成果

煮完當然要享用成果。 Blue Elephant做得烹飪學校, 味道差不到那裡去。 反而那别緻的餐具更有驚喜; 大象茶壺雖然特別, 我還是買espresso杯較實用。

Blue Elephant

Team building活動是去Blue Elephant學煮泰國菜。當然大部份材料已準備妥當我們只是切切撈撈而已。簡單的柚子沙律及冬蔭公沒有難度。 記念品除了必有的証書外, 還有湯料及圍裙。

Queen's Look

Team building活動之前, 先穿上民族服裝拍PCH APAC的年尾video, 我們各自像定鏡般要freeze 30秒讓camera man在我們中間遊走, 好似W的一幕空間凝固…

Laem Charoen

Group dinner徒步數分鐘去Central World Laem Charoen吃海鮮。 泰國的聖誕燈飾比香港還靚, 但四面佛旁的所謂聖誕市集非常把鬼。