迷你廖太飯局

週末為食團相約雞功房天后店私房菜，加埋沙律變了一枱迷你廖太飯局。

除了招牌醬油雞配滑溜腸粉底，龍蝦忌廉湯，蟹鉗，原隻蟹泡飯鮮味到冇朋友……桃膠燉原個雪梨非常清潤。

滿足！

Galapagos

收埋嚟賣的稀少生產Nespresso Galapagos，職員努力地講解了赤道海洋氣候，火山岩，低海拔種植到高海拔香氣……來justify比平時飲開的貴三倍定價！我反而欣賞盒上那Galapagos象龜殼上紋理。

重新包裝的Lungo用了櫻花配合rebrand後Tokyo的名字，濃度提升了，一併買回來。

Japchae

尹老闆得奧斯卡可喜可賀，撩起條根去吃尹食堂2的名物之一： Japchae

豬潤米

有營但邪惡的晚餐：豬潤米，蛋白杏仁茶

晚餐＝第一餐

梁師奶出院半日又再入院，陪住佢等上ward忙咗大半日，放學後才吃第一餐；屋企對面新開的Toast Box：海南雞喇沙參參。

消暑湯飯

天氣熱，來個消暑陳皮鴨腿湯飯。

AZIZA

香港頗冷門的埃及菜，Aziza兩間店都在港島西區。店細細，裝修好異國風情。牆上還有一對超型嘅地府犬神Anubis。午餐Shawarma Lamb，送Iced Tea；味道不錯。

小樹

好難得見到樹懶早上醒來，她叫「小樹」今年10歲；護理員有BB腰凳，等她坐得舒服。

樹熊也來個爬樹秀，熟睡伸脷的蜥蜴，老伯臉的大魚，海象的飛吻😘

花與蝶

海洋公園的新花卉展覽，地方唔大但好多打卡位！

龍記雙併

中環龍記乳豬义燒brunch!

澳牛Brunch

久違的澳牛brunch，加多碗蛋白燉鮮奶，頗甜，應該加了不少糖。

裕鵝莊

數月無見的舊同事聚餐，尖沙咀很不錯的燒鵝(下庄)，皮脆啖啖肉，配邪惡combo鼓油皇鵝腸……澳門炒飯蝦醬味濃，浸芥蘭同陳皮紅豆沙桃膠落得不少。可encore的小店。

廣島蠔鍋

上堂前的晚餐：泡菜廣島蠔鍋，雙色刺身飯。鍋物裏的蠔少不免會過熟。

Between下午茶

兩個女人，一個下午，食多過行。去完孫中山紀念館，醫學博物館，又在大館Between坐低下午茶。吉列豆腐三文治，抹茶撻，薑黃杏仁奶。

古典露台

上星期來甘棠弟沒有發現UG可以出露台，經職員提醒才發現呢個舒服闊落嘅古典露台！對住內街，不覺噪雜。

鯛沾麵

午餐續灘：鯛沾麵。出場個乾冰效果有氣勢，用的是粗麵更加有咬勁，沾醬好濃的魚香味。

Grain of Salt

同朋友中西區hea遊，第一站係以營養師設計健康菜單作招來的Grain of Salt。Yoghurt Bowl，豆腐野菌餃子，Beetroot Cocoa Latte。雖然健康，定價偏貴，午餐係唔會有飽肚感，必須要續灘！

安利Late Lunch

安利的late lunch：魚蛋牛筋撈粗，樽裝忌廉。

鶴咀

鶴咀，天氣晴。

由筲箕灣坐廿分鐘巴士到鶴咀路，下山雖然不時要避泥頭車同私家車，海岸線心曠神怡唔辛苦；唯一係行石灘要專心以免拗柴。雷音洞海浪聲被窄窄洞口擴大，蟹洞的倒影加浪花超靚，香港最古老燈塔同那曾被誤會以為係海威的鯨魚骨……回程上斜好彩中途有冰凍豆腐花同豆漿降溫。