鏞記雙併

中環鏞記燒鵝义燒雙併飯，$105份量唔大但味道不錯。茶只是比茶包所以不會收得陸羽咁貴。

古法灌湯餃是較花工夫的鐵片上蒸，個人比較喜歡北角鳳城。那傳說中的遠年陳皮紅豆沙，雖然$40碗頗貴，確實幾香。

冷門些……

海洋公園週日超多細路，雖然也巡了一個圈，看些比較冷門的：蟾蜍，金班蝶幼蟲(原來成功孵化的繭是透明的，大部份都不成功變成黑色繭)，紅蜻蜓，跑到無時停的赤掌獠狨，當然還有最大隻鼠科的水豚君……

牡蠣小屋

大阪炸串店JunG39新開的姊妹店牡蠣小屋，店舖比較光猛明亮。炸珍寶蠔定食跟本店的相似，追加了玉子燒及刺身2点；跟餐的Calpis Soda。

當然也有新鮮生蠔及鐵箱蒸蠔，留待晚市才試吧。

火車頭牛魔

意大利文開學，上課前先去 Fuhn隊碗火車頭牛魔金邊粉醫肚！

街市咸肉糭

未到農曆五月，來個咸肉糭早餐。街市買的，豆多料少，其實喜歡的是糯米荷葉香。

陸羽茶室

上次去陸羽飲茶，應該係廿多年前！我呢啲生客當然係直上二樓。預咗點心同茶錢都係上等人收費，但懷舊點心又確實比蓮香高一班。

白汁石班筒，蛋煎蟹肉角，滑雞球大包，生蹄汁奶卷……好味超飽！

小黃豆

唔夠一星期，又入去海洋公園探金絲猴BB小黃豆，努力嘗試攀爬……未能爬得隱嘅佢，真係連觀眾我都替他緊張。護理員全程望實，拍照，記錄，不時以對講機報告小黃豆在那棵樹，阿媽在不在身邊。二佬小花生再大一點也會同大哥一樣送返四川，否則會同老豆爭……望住佢地一家各自各精彩，不時又聚埋一齊好像開什麼家庭會議，有趣。

KaS with沙律

之前舊同事帶我吃過，今日輪到我帶剛轉來鰂魚涌返工的沙津Happy Lunch。

預訂了雖然細細粒但啖啖蟹肉的Crab Cakes，羊架不錯，Crème Brûlée也有水準。小店午市可以訂位算係咁。

玫瑰遲到

特登坐天星小輪去 K11 Victoria Dockside看看今日開始展出的8.5m高戶外玫瑰藝術裝置，但竟然枝玫瑰未送到亦未安裝！K11 Musea在社交媒體做哂宣傳，這樣甩轆都算很失策。

蝶豆花烏龍茶

試新嘢，冰荔枝蝶豆花烏龍茶。

海安咖啡室

差不多七十年歷史的上環海安咖啡室，以前是海員們的聚腳地。室外室內也很有歷史感，熟客頗多。特地來吃早餐：香葱碎牛炒蛋厚多士，料多到滿溢。

老闆娘聽見我點三花奶水(從前牛奶係奢侈品，所以老闆用三花淡奶溝熱水，讓海員多點營養)，推薦我加紅豆(仲好人到唔額外收錢)！初初怕奶水味道古怪，但加了紅豆根本係紅豆冰熱上，好味。

大阪Feel

當自己去咗大阪……章魚燒比一般細粒，但外皮香脆，不錯。串炸係一定的(魷魚，蓮藕，蟹腳，薯仔，豚肉雞蛋)，梅子茶漬飯，雪梨Frozen Beer。

大花紫薇

估唔到坑口也遇到盛開的大花紫薇。

檀島

在灣仔返學前，去老牌茶餐廳檀島來個酥皮蛋撻，拿破崙……後者較有驚喜，酥脆香口。

記憶中人生第一杯咖啡係十歲前梁老爸帶我喝的檀島咖啡，現在喝慣Nespresso反而覺得港式咖啡太淡。

小黃豆

行程有點趕也匆匆入海洋公園兜一轉，為的就是見吓三月才剛出世的小小四川金絲猴小黃豆！關閉了兩個多月等小黃豆識得爬樹才開放參觀。小黃豆是三弟，二哥小花生似乎有點失寵；原來大哥已送返四川。

短短一小時也見齊老安安吃竹荀，盈盈樂樂吃竹葉，同小孤獴萌萌的站崗……山頂嘅朋友，留侍下次再探。