牛丼下午茶

打風前夕，去梁師奶屋企關好窗戶，佢37樓超當風……希望打完風唔好變水塘。

去和牛燒肉一郎來個平價牛丼下午茶當晚餐，返去等掛波。

代言人埋枱

三個Signiture Meals都試哂，第一張小卡收工！

約埋車太去將軍澳食濕way午餐，有人壯膽就係唔同嘅，將立牌搬到枱邊幫代言人穿上圍裙打卡😂

店內有幾個妹豬注視我們發花癲，借埋圍裙比佢地同另一位美少女粉打卡，皆大歡喜！😊

一日兩餐

今日真係早晚兩餐 Subway!

為咗同另一款綠衫立牌打卡，黃昏去中環碼頭外賣晚餐。如果香港好似日韓咁有大蝦潛艇堡更好！

Subway Hong Kong

下午茶會小姪女

暑假尾聲姑媽同小姪女(當然仲有弟婦)去O'delice下午茶。3個人4份下午茶餐：Bavette牛扒配薯條，紐西蘭青口白蘭地忌廉汁，燒豬腩牛油果三文治，芒果Tiramisu..... 唔可以睇小發育中少女的食量！😅

港版小卡

今朝屋企附近Subway一開門就入去買Signiture套餐！車生早晨，等咁耐終於香港也有活動了。

香港小卡vs韓版，底下多了條banner同後面多咗句英文(同新加坡版一樣)。

咖啡千層

做完facial的下午茶點：咖啡千層蛋糕。

炸雞again

午餐：味似鹽酥雞的炸雞定食。

搬家電

約咗舊同事們上去梁師奶屋企搬走一些合適的小家電，罐頭等……希望減少浪費，環保些。

搬前同搬後都在樓下商場順便聚一聚。下午茶時段吃午餐烤肉set超抵食，晚飯都慳返！

Sensu早餐

Egg Benedict Brunch

藍天布丁

週日的河船團友飯聚。蛋包飯好食，人多可以開心share.....軟殼蟹扁意粉整隻蟹好似蜘蛛咁趴在上面有些古怪😂海膽豆腐，炸雞軟骨同南蠻炸雞也不錯。

很夏天氣式的盛夏藍天布丁✌️

應援禮物

昨晚車太們互送的應援禮物……實在太有心思！有些馬上折來用/食，有些真的唔捨得用🤭

如果穿著那條圍裙月底去香港濕way食堡，可能真係會有人來問我要買幾多至有😂

太多謝！💕

Noonnoo燈籠

晚飯前仲有手作Noonnoo燈籠時間😊

中秋節點都要掛出來✌️

百日宴

車太群組的百日宴，在佐敦的菲律賓會玩了大半日。好用心的籌備同佈置，真係好似去飲咁！Noonnoo蛋糕，還插上花心思的八月生日壽星同車生的合(成)照😍

多謝各位的禮物💕🎁

水煮魚

惹味水煮魚午餐！$88量算頗大，配玫瑰柑桔梳打。

魔性點頭

試了Home:ings的海帶冬菇湯做晚餐，幾夠味！廣告的魔性點頭效應，邊翻熱也忍不住點頭。🤭

嘗試找呢個牌子的炒飯同餃子.... 行咗多間超市同網上都揾唔到。

洋蔥湯窩夫

做完Spa後的下午茶/Early Dinner: 法式洋蔥湯，雪糕窩夫。

Spa Date with Sharon

多謝OpenRice，約埋弟婦享用了兩小時Spa.... 🌹🛀💆

海鮮手切麵

午餐：石牆道海鮮手切麵！麵質彈牙，好味。