船麵

食西餐還真的有點厭，牛肉牛筋丸船麵午餐。

千両寿司

未來三個星期在香港，要見吓朋友....✌️

同款手信

多謝日本Roha的手信，是銀優在日本放完假回韓買的同款Tokyo Banana🥰

ありがとう、嬉しいです。

好客之道

送完機，帶兩位日本Roha及一位日本住的港人車太去上環鳳城飲茶。

跟住去埋大館，公利飲庶汁，文武廟，再帶佢哋穿過香港公園去山頂纜車站....響應旅發局「香港好客之都」嘅精神😁✌️

宵夜雞煲

Fancon散場後同班車太飛的出旺角食宵夜(其實係我哋晚飯)雞煲到凌晨。

個個一開手機片都係尖叫聲🤣大家都在狂share爆鈕意外的每個angle露點相，一邊食雞煲....凌晨飛的返去只有兩小時睡眠，又要出機場送機。

終於下星期可以抖吓....

香港站！

Mystery Elevator香港場。

銀優特別喺台上講點解會加原本沒有的香港場，因為佢週圍都見到香港Roha嘅支持，所以特別爭取，週末租不到場地也星期五晚開，以香港作為亞洲段嘅尾站。🥹👍

主辦單位經驗有限，好多嘢都一片混亂。開show前兩星期才賣飛，零宣傳....咁急趕嘅情況下好彩大家都high爆，叫到聲撕力竭。銀優三次問：你哋咁叫法，喉嚨沒事吧？

Annie想見真人嘅心願也達成了。雖然佢坐得比較後，但見到爆鈕呢一幕🤣也賺到了。

睇第五次嘅Mystery Elevator，在老家主場睇，身邊坐滿朋友，最難忘都係呢一場！

Thank you for coming, and keeping your promise.

銀優特調

同車太們午餐，特登揀可以印咖啡圖案的地方。食物其實一般，杯咖啡才是主菜。

同之前另一間用冷咖啡打印唔同，呢度用熱咖啡所以打卡也要同時間競賽，否則過幾分鐘變痘皮銀優！

異物丼

返到香港依然忙，但都要揾時間交收。

海鮮Risotto味道不錯，但朋友食的和牛丼有兩粒硬的疑似瓷碟碎異物，扣哂分。

Ibuprofen應援

個Fancon主辦派的應援包，一大包沐浴露refill+膠樽我已馬上放棄帶返香港。Kit-Kat都正路，但.... Ibuprofen? 仲要丸同水比齊，收應援NSAIDS都真係好特別。

K22

返到酒店換件衫，約埋車太上頂樓K22晚飯。

呢個燈光迷幻+夜景酒吧應該係比人摸酒杯底，但我哋一行10人趕住餐廳last order之前醫肚，搞到餐廳震腳大亂，等到十一點幾先至開餐。

疑似炒Indomie嘅Mie Goreng，同埋有火龍果/紅菜頭/檸檬/蘋果/elderflower 的Purple Remedy。

特別日子印尼Mystery Elevator

看到第四場Mystery Elevator in Jakarta，個rundown已經好熟了。演出當日係彬尼離開一週年的第二天，知道佢心情沈重兼之前一晚也睡不著，大半夜發IG Story....開show打起精神沒有把情緒影響表演。

點解清場？

Fancon就在酒店隔離行幾分鐘就到的Tennis Indoor Stadium Senayan。第一排偏右的位置，今次沒有T台所以唔算太偏。

場地安排最大問題係sound check完之後兩小時空檔要清場，我哋不能坐在室內....好彩冇落雨啫，否則真係多得主辦單位唔少。

5星級早餐

平時自己訂酒店真係好少要加錢包早餐，但見Fairmont Jakarta的網上review讚呢度早餐「包羅萬有」，就豪埋佢！

正常5星酒店早餐，選擇確實好多。晨早流流有壽司卷同海南雞飯，都唔及多汁的紅肉火龍果來得吸引。

印尼糕點

地膽Roha家人送來的印尼糕點😋那個充滿班蘭同椰子香味的軟糕非常美味！甜品好滑，但味道相對較淡，唔敢落太多糖漿啦。

Sogo好買

商場內有Sogo超市，很好逛！地膽Roha介紹的牛肉鬆牌子叫Gloria😁，點都要幫襯一罐試吓。

當地牛油果好似木瓜咁大個🥑唔講真係唔知係牛油果。

另一個推介的係買Indomie....味道比香港賣的多好多，反正我完全未試過，推薦金裝的就只有三個味道，難帶也帶三包返香港。

貓屎咖啡林林總總，招牌甜品千層糕也買了原味，杏仁同班蘭味。

價錢拍得住Häagen-dazs嘅雪糕杯，那個Asinan Bogor味道原來係地道蔬果漬物....好特別。

Remboelan

同一間印尼餐廳Remboelan，兩日內幫襯三次！雖然商場內有好多其他餐廳，但當然要食地道印尼菜。三餐加埋才HK$220，抵食到....

多數都係濃味同炸物多，但炸魷魚真心好食，香脆到唔停得口。👍黃薑飯，沙嗲，魚肉春卷，炸魚/軟殼蟹配咖哩....呢個除咗係追星團，仲係車太美食團！