Vasari Corridor

因為行呢條Giorgio Vasari為Medici家族由Office(Uffizi)往來屋企Pitti Palace的Vasari Corridor，重覆買了包含Uffizi門票。但呢條秘道由2016年關閉維修，剛剛兩個月前先至重新開放。加上我應該唔會再好似今次咁在佛羅倫斯住那麼久，所以把心一橫都係買票。

每個預約時段，20幾人入場。前後有兩職員包抄，可以影相但不能久留，行完成條走廊足足40分鐘。

走廊經過老橋，中間原來可以進入小教堂包廂。Medici家族的行動簡直係閉環式管理。 

同電影Inferno裏面嘅走廊場景掛滿油畫相比，維修後兩壁皆空， 聲稱回復幾百年前原來的模樣。

當年老橋本來全部都係肉檔小販，家族通過走廊覺得樓下太臭，結果變成珠寶商店。

Uffizi Gallery

烏菲茲美術館係其中一個必要去嘅景點，亦都係我張Firenze Card好麻煩地要打IDD去book時間入場嘅地方之一。

其實總共入咗去兩次，第一次係為咗去Vasari Corridor，另外再買票可以提早兩小時入場，匆匆睇過一轉，第二次就真係專心慢慢睇。

雖然不時借出展品去外國展覽，但那些名畫例如維納斯的誕生和春天，應該永遠不會外借，要睇就要親自嚟佛羅倫斯。

同羅浮宮相比，博物館裝修排埸差好遠。始終Uffizi係Medici家族嘅辦公室，同皇室宮殿相比有很大差別。

Lampredotto

第二朝走去中央市場內有名的Nerbone，今次試Lampredotto，係慢煮牛的第四個胃，亦都係最地道。呢個掂👍

加咗辣醬，但口感同味道非常好。 一大早就嚟，冇咁多人排隊。仲可以在對面坐低慢慢食。

Trippa

連續兩天吃的佛羅倫斯地道食物牛肚包。

先試百年街頭餐車Trippaio del Porcellino - Nencioni，點了比較濃味的Trippa。口感雖然不錯但好好好好鹹！ 雖然咁鹹，仍然遮蓋唔到牛肚嘅騷味。

聖母百花大教堂

聖母百花大教堂係佛羅倫斯地標，遠睇固然搶眼，近看那些大理石圖案同雕刻，靚到想爆粗！

買的套票不包含行上Dome或鐘樓，寧願之後登領主廣場相對沒有那麽辛苦的塔樓。

洗禮堂那有名的馬賽克頂維修中好可惜，大教堂穹頂上Vasari畫的最後的審判很震撼。那金光閃閃的天堂之門真身收藏在旁邊博物館內。

套票還包括了大教堂地底下的San Raparata遺址，多得它才順便直入大排長龍免費的大教堂。

酒店早餐

之前一天day trip太早出發吃不了酒店包的早餐，熱食唔多但很多口味的Cornetto(意大利版本的croissants)....這兩天試了杏脯和開心果味，口感鬆軟很不錯。另外開心果乳酪香港比較少見，大讚👍

Gilli

酒店對面的百年咖啡糕點店Gilli，連續幫襯了三天呢。al banco站在counter吃在意大利平一截，每次來都是立食。還試了意大利人喜愛的Cocktail Spritz。🍹

近在咫尺打卡

另外兩個銀優佛羅倫斯景點，一個在酒店樓下拱廊，另一個就轉兩個街角而已！

Pisa

Day trip最後一站：Pisa。

沒有意欲咁辛苦爬上斜塔，買票參觀了內裡不及外觀，但名科學家伽利略在哪裏洗禮的洗禮堂。随票附送的大教堂反而更精緻。

San Gimignano

Day Tour第二個Tuscany山城係San Gimignano。

冬天淡季手信店有一半都唔開，遊人少反而好逛，如果唔係落雨更好。

導遊推薦的所謂2024 World's Most Famous Gelato店也不用排隊，試了味道特別的Crema di Santa Fina & Michelle。

酒莊午餐

非常飽足的Tuscan酒莊團體餐。其中當地有名的Chianti紅酒大受歡迎。

飯後shopping沒有買酒，反而買了幾枝Morena Balsamic Vinegar。

Costarella Gelato

在意大利吃gelato係每日指定動作吧:Creama+Pistachio

Siena

Join了整天的Tuscany Day Trip，但雨也差不多下了一天；另類的Under the Tuscan Rain旅程。

第一站係同佛羅倫斯仇家Siena。

夏天用來賽馬的Campo大廣場，外面宏偉，裡面更宏偉的大教堂及圖書館內室。

冬天淡季來遊人唔多，雖然沒有陽光但行得舒服。