到步
到達多倫多Pearson機場，因為早咗到步，所以要等舅父舅母15分鐘。

再次踏足多倫多，每一處都似曾相識，因為呢度真係無乜點變。

舅父駕駛老豆臨走時送佢既Ford Winstar 7人Van過黎接我地。對上一次返黎，呢架車剛落地，家陣再次坐上，司機已經由老豆變成舅父。
外公同舅父舅母住獨立屋，外婆同阿姨則住隔兩個block既大廈apartment。梁生梁太以前都有層樓響樓下一層同一單位，後來回流時賣左比阿姨收租。

我呢3日會跟阿姨住，出入方便d。

見過外公外婆後，家陣當然係jet lag。希望聽日出去時唔會烏吓烏吓。

15小時加航

下午4點半飛機，阿姨亦都係同一班機返多倫多，不過就係坐經濟客位。

Business class一樣係每個獨立位打斜既新機。原本以為15小時既機程，13個多小時就到步。真係快，以前返老家要差不多18個鐘，真係坐到腰骨都直埋。

機上既touch screen TV set，比國泰既先進。雖然有1/3時間都機件有問題要reboot，但都睇左3套西片：No Reservations, Nancy Drew, Underdog(連狄士尼片都殺當然係因為狗狗做主角)。

雖然d空姐老係老d，但並唔係Charlotte形容既無禮貌喎。

不知從何Pack起

聽日下午出發，上午仍然照常返工。

平時出trip既我，以輕便為主。但今次未見老細前先探親，行李內3/4容量都係幫人帶野。淨番1/4位置夠放一兩套business casual(波士頓用)，同埋tee+薄羽絨(多倫多用)。

住慣酒店既我，將會第一次踏足阿姨同外婆住既apartment(因為真係差不多7年無返去)，住人地屋企既問題係：應該當對方乜都有，所以日用品唔駛帶咁多？定係酒店房既amenities更加理所當然地用得心安理得呢？

出發前一"打"












呢個星期連降幾度，最好打邊爐。

約左臣哥話帶佢去「謙記」，差不多講左成個月，真係要拖到臨出發先成事。好彩呢兩日凍左咁多，對住個爐特別好feel。

揀左去吉祥閣新舖，有卡位坐得舒服ｄ。

叫左個清清地既皮蛋芫茜鍋，兩個人叫左雪花美國肥牛，筒蠔，水晶叉燒包，超彈牙蝦丸，手打墨魚滑，雜菌籃，黑柏葉，唐蒿.....剛食得晒但飽到上心口。
可惜轉左師傅，無左琵琶蝦福袋，有d可惜。

咪話，食完出黎，海邊風兜頭吹埋黎，真係幾寒架。

未有Feel.....

差不多踏入12月，公司勁忙。因為計落整個12月得5日左右返工，其餘時間係日飛夜飛，北美大陸日本.....雖然都係帶住部laptop+blackberry人機合一，但身處海外用VPN始終事倍功半，所以都係襯未出發呢兩日盡量趕起d projects，presentation，monthly reports。

暫時仍未有過兩日要出遠門既感覺，連星期四下午機朝早都排到9am返去開會咁喪。

可能要去到機場先會有d回鄉探親feel。

捨硬取軟












用開既Carlton硬喼實在幾重，梁師奶上次返加拿大時買左呢個Antler軟喼，今次等我借黎用一用。

雖然望落去軟趴趴咁，容量亦未必夠Carlton咁大，但真係輕好多。

黎緊多倫多 - 波士頓 - 東京決定帶住佢走天崖。

容祖兒Glow簽唱會

梁師奶呢兩日教會活動頻繁，所以尋晚我要負責烏烏既晚餐，今日一樣要晨早撲入將軍澳負責佢既午餐。

兩姊弟相依煲左大半個下午日劇，3pm樓下商場有function，點都無理由唔落去哄一哄。

同一個模式：例遲20分鐘，上台同司儀傾兩句，玩兩個低能遊戲，後台媒體訪問，出番黎唱首歌，簽名......

媒體訪問時搵個細路女唱"明日恩典"唱到走晒音，實在頂唔順，即閃。

Fairies Paradise

新都城商場今年聖誕既佈置主題係"Fairies Paradise"，中央廣場有勁大棵紫色大樹，配襯幾個非常 Cirque du Soleil（索拉奇藝坊）feel既精靈人偶。

頗特別，而且帶點詭異，我杯茶。

波子棋/飛行棋/鬥獸棋

Martina既三個仔都開始大，所以襯我今次"返鄉下"，特地要帶呢三款你我他既"童年回憶"過去。

哈哈，除左波子棋，其餘兩樣都唔記得點玩囉。

好彩將軍澳商場既「天利行」一次過可以執齊。

講真，家陣香港d細路，NDS/PSP就識，十個都唔知有無一兩個識玩呢d咁老餅既玩意。

鹹味料理-和三昧
約左Connie，Jeffrey & Annie食晏。因為要幫我同Connie既共同朋友Martina帶d"私人補給品"去加拿大，Connie負責班貨，我負責走私。
2pm上到去，因為午市已做到尾聲，所以有個靚景窗口卡位。

呢度既料理唔係唔好食，但就偏鹹。黎左幾次大家都係同一comment，相信唔係偶然。







我因為實在餓，揀左個乜都有d既"松花堂便當"；兩層有齊冷蕎麥麵，蒸蛋，刺身，壽司，煮物，炸物。可能我個包羅萬有便當係最唔鹹架啦，試問刺身壽司soba可以有幾鹹？
甜品既蕃薯雪糕有好多細蕃薯粒，唔甜，好味。

炳記7x7
自從開年返工黎過呢間味味都係7舊(尤其是新年流流，真係大吉)既炳記之後，一直都未幫襯過。

但今日食晏時比「金濠」登記既扒女惡劣態度驅使我地行去後街再度幫襯。
Martha & Kerry更係第一次知有呢間隱閉"名店"。
先黎一鍋杏汁豬肺湯，超多鮮磨杏仁碎。燒風鱔，蒜蓉油蜜菜，同豉油皇吊筒都屬水準之作。砵酒焗生蠔就好重酒味，不過隻蠔略嫌細。另外既南乳齋煲同西芹雞丁就一般。









結果，我地竟叫左6餸1湯，都剛巧係7樣!!真係應呢間舖既主題。

下次可黎試煲仔飯同羊腩煲。

醫龍 Team Medical Dragon

未睇過套日劇，但先後聽阿丁同Carol都話好睇，所以租漫畫黎先睹為快。

而家變左日日地鐵途中都追一本。出到14集，可望weekend煲完。

故事有d似"急症室24小時"：

一位曾受北日本大學之託赴難民營醫療隊「Team Medical Dragon」指揮，擁有天才般醫術的外科醫師——朝田龍太郎，因違反大學的撒退命令留在當地，也因此回日本後沒有醫院肯聘用。後來受到加藤晶力邀朝田到明真大學協助她完成她有關BATISTA（左心室縮小形成術）的教授論文。

在教授會一手支配的醫院體制下，朝田組織他自稱「最後的隊伍」的BATISTA團隊，包含里原美紀（護士）、加藤晶（第一助手）、伊集院登（第二助手）、藤吉圭介（內科醫師）及荒瀨門次（麻醉師）。各人背後均有自己的故事，但因聚集在同一隊，並成為一隊異常團結的團隊，屢次完成艱難的手術。

家陣日本做緊第二輯，必看!!哈哈，邊個有第一輯既DVD借我？

又飛上去食餐飯？

年頭同余經理特地飛去上海食餐晚飯，都已經好誇。估唔到年尾會encore多次。

大老細們(President, Vice President, Finance Director, HR President) 12月中一齊由美國殺到上海/蘇州，結果阿John叫我同余經理12月12號飛上去一齊晚飯，之後直落唱K；第二日下午返港!!

唔係嘛，咁多老細面前，雖然我唔係五音不全，但唱K真係有d尷尬。

無乜英文飲歌，唱國語會否好怪？

Miniatures Exhibition

公司Devon House樓下大堂，今日開始有個"Hong Kong Treasure - Miniature Exhibition"。顧名思義，就係展出一d非常細緻巧究既迷你建築，傢俱等。

太古坊不時都有d畫或藝術雕塑展覽，就數今次最可令我駐足觀看。除左每一棟建築都係依照實物黎臨摹(灣仔街市，Anitque甜品舖，甚至連太古坊既Prêt A Manger都有)，內裡既details真係精緻到嘆為觀止。

我睇佢比大英既展品更花時間。