倒塌咁早

為左測試聽日全球同步播放美國總部Town Hall Meeting既video conference設備，今朝6am前已經要到奶粉Lincoln House office既會議室standby。

電腦仔唔到，我連IT technical support都要做埋。

天寒地凍得9度，好耐都無食麥記早餐既我，第一次整份熱辣辣"碳燒雞排扭扭粉"(廣告話4am開始有售)。

6:30am先有人接通，只見畫面同一陣陣鬼佬聲，甚至中段見到上海既會議室添；玩左一小時，見無乜作為就閃人。

咁早返工真係第一次。

神之水滴












近期雜誌都有介紹過，吸引好多平時唔睇漫畫既人追看既話題漫畫。

點解？因為裡面滿滿係紅酒既世界。

出到13本，仍然連載中；雖然裡面好多名詞對紅酒一知半解既我，一定無班紅酒發燒友追得咁入神，但以故事而言，唔難明而且畫工算細膩。


















可線上閱讀：http://www.8comic.com/html/3999.html
(而且裡面可供整套壓縮檔rar下載)

農曆年假不失為一個消磨時間好節目(雖然我應該之前追晒13本.......)

團年兼慶生

臨近年尾，加上就係踏入2月，阿丁幾忙都要拉佢出黎同魔蠍座既佢慶生；一月忙旅行(奶奶，Annie)，出trip(我，Charlotte)既終於都返齊，好耐都無試過咁齊人一圍10人坐到滿。

為左唔想被迫食貴價團年餐，所以揀左去經濟抵食既中環「華商銀行會」。

散叫碟碟都係幾條野，每人除開一張紅衫魚有找，最貴都係隻脆皮金沙雞($150)：五代同堂炒飯，京荵年糕醬烤骨，香芒子薑咕嚕肉，啫啫蝦膏生菜煲，南乳茄瓜雜菜齋煲，粵式大千蝦球，羅勒肉碎煎蛋白，素蟹黃燒豆腐......

阿二當然襯人齊繼續佢呢個派帖既艱巨任務；話題亦繼續圍繞呢位準新娘。到底廖太當日會唔會高興得滯，聲浪嚇親人呢？

神探伽利略

實在太凍。

本想朝早躲懶臨時告半日假，但真係唔多似樣，所以下午先返屋企煲埋呢套追緊既日劇。

由"靚仔中坑"福山雅治所飾演，一個滿腹經綸博學多材的物理狂人；專門協助警察偵破多宗離奇案件。搭檔既係惡女柴咲幸，飾演一個性格熱血的新人刑警。

每集邀請唔同嘉賓，客串案中疑犯或受害人：香取慎吾，釋由美子，廣末涼子，崛北真希，深田恭子等。有d「古田任三郎」feel；不過就每集都加插ｄ似是而非既物理理論。

呢ｄ戲碼勝在唔會拖泥帶水，而且可以拍Ｎ咁多續集。

伊利沙伯I & II


原來Connie鍾意西洋古裝片，為左今晚睇呢套"傳奇女王伊利沙伯：黃金盛世"，所以尋晚我倆先後補一補第一集電影"傳其皇后：伊利沙伯"，以免入場後對前聞一頭霧水。





9:50pm UA太古城。

















戲內裝束的確華麗，無法國"瑪莉皇后"裡Rococo風既奢華，非常英國式既含蓄。

對宮廷爾虞我詐戲碼無甚興趣，兩套戲都係Roman Catholic vs Prostestant之爭；而且覺得影后Cate Blanchett過淡既眉毛覺得有d嚇人，不過佢既演技確係值得一讚。

無無聊聊
哈哈，估唔到新都城中心連呢隊過氣台灣樂隊5566都請黎攪簽唱會；反正今日梁師奶跟教會去狄欣湖"旅行"，我又要充當保母，就如樂隊名稱一樣，"無無聊聊"地落去hea。
當年呢隊野同F4打對台，加上佢地經理人既小家言論，F4粉絲大都對5566毫無好感。不過聽左佢地今日現場唱左兩首歌，不得不承認唱功比四仔好。

但呢四位兄台個樣真係不感恭維，過多十年，真係會變動力火車呀。

不落俗套

一般新年裝飾都好俗艷，因為要營造喜氣洋洋既氣氛。

新都城商場既新年deco配合張志清水墨畫展而設計既桃花源，春意悠然得黎又不落俗套。係聖誕精靈森林後又一nice job。

阿二派帖

做完facial約左廖太們去「順壽司」食晏；連下星期就過澳門on board既奶奶個女Janice都黎襯熱鬧。奶奶仲心知我心地送左大大包東海地區限定既鰻魚味薯條，包裝仲係可再zip既設計。

本來大家都諗住食花魚，結果變晒食日替定食，得番Connie試呢條迷你花魚。

姍姍來遲既阿二，一坐低就派帖；哇哈哈，終於都等到廖太既第一單喜酒；唔知下午婚宴有無玩新娘環節呢？嘻嘻！

超級難約既Bernice

去年大家係同事時，想約HR Manager Bernice食lunch都已經好難，晚飯更係難難難!!

今個星期剛上新工既佢，襯未開始忙時，我同阿Y拿拿臨約佢黎個dinner；地點係時代廣場The SUN。哈，入去時剛碰到同事Johnny同佢個靚女女友撐完枱腳出黎，可惜佢唔知有Email discount coupon呢回事，白白浪費early bird晚市時段既八折。
雖然得三條女，好在呢度樣樣細細碟，可以試多幾樣：三文魚米紙卷，雜錦串燒，薑燒魷魚，雞五目釜飯，辣軟殼蟹豆腐鍋，炸南瓜餅。









第一次黎既Bernice，似乎對呢度食物質數同價錢都頗滿意；不過我都覺得呢度好過「魚一丁」。

新享受：$8000真皮梳化床

唔係我同梁師奶，係買比皇帝烏既!!

話說呢排梁師奶都話烏烏大個仔唔鍾意黐個老母訓，自己自成一角；有意買多張梳化床比佢專用。我本來因客廳地方淺窄已經極力阻止；但點都敵唔過呢個習慣先斬後奏既梁師奶!!

真皮白色2-seater，同現有梳化床打成直角；應該幾日後送貨，到時入房門要側身添呀。

佢就真係識享受，而且條友臨訓會偶然刮梳化，我都唔知呢張"龍床"last得幾耐!!

充當Promoter

星期一同今晚放工後都到旺角雅蘭中心同個醫療診合辦既心臟健康講座幫手。地方細細，只容納到40人；不過可以比我地放cash counter賣貨確係吸引。












搵到個斯斯文文既心臟科李醫生講書，事後為左唔想班客一窩風閃人，唯有使出留客絕招：提供免費即時膽固醇測試。
我就當然負責soft sell Centrum優點，經我手共賣左4盒，都算係咁啦。

今晚班客踴躍發問，加上測試須時，成9點先收得工。
本約左卡生旺角晚飯，點知佢比我更夜；結果返太古城等埋佢10點收工，先過隔壁澳門茶餐廳整個二人餐。唔知是否太耐無黎，總覺得銅鑼灣店好味好多。

抵買

半年前，有邊個諗到匯豐會再回落到$104？

當然之前買落既都變相貶晒值(不過家陣有邊個手頭上有股票既唔係一樣？)，但呢隻野係應該買黎長揸，短期波幅唯有當"時運高，睇佢唔到"囉。

不過今日都忍唔住$106入多手，價錢實在太吸引。

或者過幾日如果跌到雙位數字(矛盾地都唔知想唔想佢再跌)，會忍唔到手都唔定。

九把刀：殺手系列

之前經Charlotte介紹讀"等一個人咖啡"開始，慢慢被薰陶追讀呢位台灣多產作家既作品。

有別以往睇過既愛情系列，最近新出幾本殺手系列充滿黑色幽默。

當中不乏略帶血腥既畫面，例如對臨盆孕婦硬生生抽出胎兒，將一隻活貓縫進血淋淋肚中既幼稚殺手"貓胎人"。

下面係殺手經紀"九十九"既經典受託個案：

(摘自：殺手，夙興夜寐的犯罪)

(委託人係一個剛遭負心男友拋棄既女子；在"九十九"的幫助下，換上紅旗袍既委託人帶住"愉快心情"，響有服食安眠藥熟睡既前男友床頂天花上吊)

"沒有掙扎，沒有乾咳嘔叫，只見委託人兩隻美腿不自然的踢搐甩動，雙手想找住繩索卻竭力與繩索保持距離。不到半分鐘，旗袍美女眼睛爆凸，長長的舌頭像假的一樣淌了出來。

刻意吃得很飽的委託人，如她期待地脫肛爆糞，失禁拉尿，把地上和床腳弄得又臭又髒，更把自己的死相攪得很糟。非常非常的糟。

但還不夠糟。

這就是我待在現場的原因。

我帶上口罩與塑膠手套，用手術刀在委託人的肚子劃開，再小心翼翼拉出血淋淋的腸子，嘩啦啦啦的，把它們亂七八糟垂晃在肚腹之外，只留下最長的一截拖到床上。

我站在椅子上，用手術刀修飾著委託人的面貌，更把她軟軟的舌頭拉得更長，把嘴巴張開的角度往上斜斜切開，使她的死相變得更猙獰、更邪惡。更重要的，我把瞠大暴凸的眼睛調整了角度，讓委託人能正視著熟睡的目標。

最後我隨意在委託人動脈切了幾刀，還沒凝固的血液頓時滾湧了出來，地上湯湯水水腥紅了一片，跟糞便尿液混在一塊。

我走到目標身邊蹲下，以他的角度仰看吊在天花板上的委託人。

-------沒錯，當你下次睜開眼睛的時候，這個畫面將成為你一生的夢魘。

「女人，真是輕惹不得。」"係作者的結論。

哇哈哈哈哈哈，有夠變態有夠爽吧。

有興趣的話，九把刀自家的網站，上載了整本小說：http://giddens.twbbs.org/index1.htm