非"常"一般的Lunch Buffet

十月生日既Popo，因為工作要輪更放假日子難就，結果要到十一月最尾既今日先同佢慶生；歹勢歹勢.....

既然主角想食buffet，網上search左一會，決定試試城市花園酒店2/F，綠茵閣既lunch buffet。$158兼有信用卡85折，價錢合理地點OK方便。

早兩年翻新過，所以環境唔錯；唯獨係落地大窗加上下午猛烈日照，我同Annie個背脊大部份時間都"慶恰恰"。

Buffet食物種類算OK，凍海鮮/魚生/燒牛肉/天婦羅/朱古力噴泉樣樣齊，但質數就真係好一般。魚生凍藍青口同印度脆片Popadums不錯，但最敗筆係塊燒牛肉同炸蝦，前者幾生都會柴皮，後者就被梭打粉醃到毫無質感，蝦唔似蝦。

雖然價錢唔算貴，應該無下次。

的式左，精緻左

今年Starbucks再度響聖誕期間推出"紅杯版朱古力布甸"。一般甜品都係$25-28，佢就因為多左隻瓦杯仔，身價上漲到$39。

Chocolate pudding依舊甜死人不償命，但今年既杯小巧的式左，而且有埋隻杯耳兼內裡有雪花圖案。拍埋去年既紅杯一拼，高下立見。

不過咪即係連裡面既布甸都縮左水？

日本feel聖誕樹

一向太古坊既聖誕裝飾都係偏傳統同無乜驚喜。









早幾日Lincoln橋上豎立左一棵新款既銀色聖誕樹，捨傳統假Pine Tree，用銀底雪花圖案膠板裝成；望落去有點cyber之餘，有d和風感覺。

哈哈，兩個多星期後，就可以置身於真正既東京聖誕繁燈中.......

街頭小食午餐

剛巧YY lunch time要去北角買野，撩起條筋跟佢落去港運城附近既馳名長龍雞蛋仔，諗住以雞蛋仔同格仔餅填肚。









之前響彌敦道分店領教過買雞蛋仔都要囉籌，等成20分鐘既經典，以為閒時閒日北角店會無人龍，真係跌眼鏡，十來人點都走唔甩。好彩老版娘數部蛋仔夾同時運作，增加efficiency。









兩底雞蛋仔($22 for 2)，一底隔仔餅($12)，再過同舖後面counter買炒麵+細碗仔翅($20 set)，整多兩枝檸檬薏米水($7 each)，連隔離排緊隊既四銀龜路人甲都大大聲話：哇，你排完雞蛋仔再排埋碗仔翅，乜咁利害呀？












雞蛋仔涼左都勁脆，炒麵少辣惹味，碗仔翅勁多冬菰木耳絲.......再黎個清爽既薏米水，呢餐另街頭午餐真係好滿意。

人頭買少見少

奶奶臨飛日本前約我地出黎飯局。好耐無打邊爐，所以當阿二提議book稻香時，我舉腳贊成。

唔知今日咩日子，好幾位本答應出席既廖太，都臨時話有事要爽約；結過得番5條女照打可也。人唔多打邊爐都無甚戰鬥力，肉叫得一碟，反而豆製品就唔少：炸腐皮卷，枝竹，山根同冰豆腐。

稻香水準一向都係不過不失，碟頭越來越細就真；反而甜品既"水晶蘆薈糕"夠凍夠清甜，係喜出望外之作。

味竹燒肉店

11月份既壽星係Debbie同細Dee，再一次試新地方，去太古城那霸隔離既「味竹」日式燒肉店食晏。

雖然係燒肉為主題既料理，但lunch time個個唔會有太多閒情慢慢燒，所以都係order Set Lunch Menu上既定食：吉列炸黑豚定食($78)，燒秋都魚定食($60)，豬肉生薑燒定食($78)，味竹稻庭烏冬定食($78)等。

我選既黑豚，雖然炸得一般唔算乾身，但肉質非常稔，比起之前既大戶屋還好；比起大而無蕩既稻穗亭，直情係好很多!!

財務部北移

真係跌晒眼鏡。

今年隔離奶粉西藥部形勢大好，正當佢地又話多日假，每人$10000大利是，明年一月埋完條數去公司旅行之際，今日竟然話摺埋整個香港財務部，美其名"consolidation"利用上海Finance shared service。

5位同事硬食肥雞餐，好彩可留任到明年三月底，有d交接之餘，過左年個Job Market都應該活躍d。

其實relocate個dept head去上海就頗常見，但真係無諗過整個back office dept都會北移。好多日常day-to-day既運作好難樣樣都隔老遠追上海架；唔通第時開張cheque requisition都要叫上海courier落黎？

呢個世界真係無論生意好同唔好都無保障，哎.......

籃球火

對呢套戲無乜期望，雖然有舊愛言生份，但功夫籃球式既老翻台式"男兒當入樽"，可以想像會有幾惡頂。

等到播完，仙樂出左$10隻DVD，先至施施然買黎支持吓。

呢個世界，無期望就偶有喜出望外。雖然唔可以叫好正，但起碼唔悶先啦。節奏算快，幾場籃球係有點誇，但尚算緊湊。













無疑小豬由頭帶落尾，的確有櫻木花道既影子。言生飾演既酷酷籃球手，莫講話唔似流川風，簡直集集好似未訓醒咁；把聲太過陰柔真係好難演得man，除非好似道明寺式既大呼大叫。

吳尊既角色一直都懶神秘，出鏡又唔多，如果係為左飛輪海而睇呢套戲，恐怕會失望。

反而客串幾集既張勛傑，先係全劇最酷；造型超mannnnnn。

你的愛情，我在.....

最近幾鍾意讀台灣作家橘子既小說。

佢無亦舒/張小嫺咁懶係自命才女，個個主角都係不食人間煙火，白襯衫卡其褲；又無林詠琛咁本本魔法掛帥，越寫越離奇。橘子小說雖然都係愛情為主，但就係地道台式小品，加上對白不時抵死絕核。

呢兩本兄弟作，其實係我先讀罷新作你的愛情,我在裡面，發覺故事係之前小說既延續，再去連其前作妳的愛情，我在對面都買黎"溫書"。好彩作者唔再打算就書中主角再寫落去，否則乜鬼"你的愛情，我在前面/左面/右面/下面"都怕有排出，哈哈。

『葉子的離開，是風的追求，還是樹的不挽留。』　　

當而我看到這段話的時候我只奇怪：為什麼他們都不問問葉子的選擇呢？　　

就連葉子自己也是。 　　

兩個本來就沒可能只是好朋友的人，反而沒有在一起，這才是刻意的錯過。

前作更多次提到小豬既"好朋友"MV，攪到我不得不去老好Youtube搵呢個有林依晨客串既MV出黎惡補：

"你寧願做她一輩子的好朋友.......還是勇敢的做一次她的男朋友？"

真正狗仔式

有乜正宗得過狗仔自己黎試範呀!!

呢兩日下午都好神心地帶阿烏去西貢逛海邊。連續兩日都遇見有狗主拋出唔同既野，如膠公仔或木棒比隻狗游出去拾。

尋日既金毛尋回犬就比較醒神，玩左十幾round都唔厭。唯獨是每次上水都上黎樓梯頂fing水，攪到所有觀眾都中招。

今日既三隻小狗就係咁意叫做落過去玩，其中西施更自己偷懶走上石上吹風轉做睇場添。