Kitchen J

晚餐又和表妹出去搵食。試了東港城新開的Kitchen J，日式西餐。

咖哩豬柳飯($68)，偏硬的肉醬意粉($58)，加$10可以跟沙律及飲品(選了抹茶梳打)。

汁都清埋

早上帶阿烏去PAVC覆診脊骨，基本上下星期他可以每日出來行20分鐘，一日兩次；跟住慢慢加時間了。

和表妹去金羅寶午餐：

炆牛肋骨($85)她激烈讚賞，連汁都清埋；雖然好味，但飯後唔喝先出奇。但那牛肉和蘿蔔真係好入味，多倫多好難食得到。

那泡菜炒飯($68)雖然味道唔差，但賣相跟menu相差甚遠。

晚餐三部曲

昨晚和表妹的晚飯，分了三part完成，真係飽到上心口。

Part 1：

誠品樓上的"元八拉麵"，先share了一個"極黑，野菜醬油拉麵"($74)，麵質彈牙，當然那極黑的醬油偏鹹。

Part 2:

盛八燒肉。
表妹覺得牛角味道雖不錯，但太細碟遍貴。起碼"盛八"9:30pm後宵夜時段，除和牛/海鮮外，其他有八折；飲品除清酒，紅/白酒外，半價!!

松露極黑豚露筍卷($53)，岩鹽青檸燒手羽先($38.4)，果味牛肋骨肉($69.6)，鹽荵牛舌($58.4)

柚子森之凍(白酒/柚子蜜/蘋果汁)($19)，巨峰PLUS($17.5)

Part 3：

食完燒肉，我們還有胃口到後面渣甸坊share了粢飯($15)+凍豆漿($8)!!

把鬼Tiffin

還有幾日就會多倫多的表妹，臨別在即，既然佢咁好甜品，訂了君悅的Tiffin Lounge來個Dessert Buffet。

以前$200有找的，8pm可以坐到12am，家陣加到近$300，只做到10pm，物價飛漲都算；最唔值係有一本地方是做晚餐buffet，變相把甜品款式減少了一半!!

以前有的souffle也刪了，waffle也太濕唔脆。

呢個價錢連餐飲都唔包，真係無下次!!

能量加油

多謝同事Johnny為我的貴州之旅作出"能量"支持…Power Gel Sachet(一包等於一碟干炒牛河既熱量)夠頂到一餐!

還要買多啲Soy Joy上去頂肚…萬一無啖好食時，都可以充飢。

呢個慈善刻苦之旅，真係"令人期待"!!!

軍訓教學生涯

下星期的4日貴州山區教學，真係慘過返工!!

見到那軍訓式agenda，加埋日日都要坐4小時小巴來回酒店與學校，仲要唔知那聲稱有寬頻的酒店衛生環境如何....

去程都話叫中國南方航空，回程時是坐深圳航空，唔驚就假喇。

原全唔期待呢個trip，希望安全回來。

摧花宵夜

Marinda又有新產品：

Apricot Jam w/ Vanilla Seeds, 和超靚cupcakes! 

雖然那cupcake真係靚到唔捨得食，但尋晚都變成我的宵夜了；面頭的cream唔太甜，唔覺滯。 

有咬勁≠硬

今朝又要帶烏烏去PAVC眼科覆診；基本上發炎情況已經消除，但cornea那個洞需要數月才有機會自己癒合；如果唔識自己生番埋，就要再動手術修補了。希望唔駛再麻醉動刀吧。

反正要到坑口永安pick up週六去澳門及水舞間的票，順道到厚德商場的Pokka Cafe來個lunch。

"唐揚蝦蒜香意粉"($65)，那午餐還要加$18才有餐湯及咖啡，貴了點吧。雖然我喜歡較有咬勁的pasta，但那意粉實在太硬了。

秦俑真身

歷史博物館內有一個3D的短片介紹，企在當中，真的有如置身秦俑的坑洞中，很立體。

秦朝文物

秦俑

秦俑製造過程的模型

因為玻璃的反影，而甚難影得好的馬車；而且還要是仿製品。

秦始皇的永恆國度

早一個月前訂了入場票，和阿丁及丁妹阿Cat到尖沙咀歷史博物館睇兵馬俑展："秦始皇的永恆國度"

館外有Q版秦俑，而且樓梯也舖上了主題的貼紙，幾有心思。

入場後，先有一些模型交待秦俑坑洞發現經過，等我哋可以有基本概念才入內。

由一跳到四

剛看了"冰河世紀 1"備課，前兩天在銅鑼灣皇室堡就見到Ice Age 4的宣傳。

雖然我無意入場睇此片，但都被吸引拍了幾張照。見到熟口熟面的character，過了10年後的第四代模樣，唔知中間發生了甚麼，但見到佢地造型有點"他鄉遇故知"既感覺。

平過自己執

同事Eddie幫我到診所買的旅行平安藥包($128)，很有驚喜。

細細個pouch bag夠硬淨，裡面基本藥品齊全，而且有晒服用說明及有效期限；連口罩，紗布，surgical glove，生理鹽水樣樣齊，真係平過自己續執。貴州用唔著的話，還可以帶去英國。

實用禮物

多謝各位廖太的生日禮品，實用為主，我杯茶!!

似乎識左咁多年，大家都熟知我脾性，唔會太花巧，哈哈。

Chocolate Wand

多謝Ebby由倫敦華納Harry Potter片場帶來的手信：Chocolate Wand!! 

睇造型似是Harry那枚，很期待她整理片場相片後可以等我和tripmates先睹為快。我去到還要試Butter Beer, Chocolate Frogs, Every Flavour Beans.....

縮水套餐

昨晚的廖太聚會，係為8月份的我和Jacqueline慶生。地點係無新意，但就腳既皇室堡迎囍。因為我要先回梁師奶度幫忙打理烏烏，所以遲了點要大家等候了。

那$1118套餐今次有點新意，就係用料縮皮，連那裡平時蒸魚火路剛剛好的口碑也打破了，條魚既韌又唔新鮮：碧綠爆炒貢片黃金蚌(貢丸切片都諗得出？)，脆伴紅梅玉貝，富貴鮑粒釀玉環(我地只食到冬菰粒)；沒有單尾，甜品改了賣相怪怪但味道還不錯的紫米糕配椰漿。

全晚最好味係廖太們送的LUNA咖啡味cheese-cake!!這個size聞說只有員工才能訂到，面頭咖啡糖漿內有金粉，靚!!裡面係double layer，原味芝士和咖啡芝士，咖啡味蓋過芝士味，未完全解凍，所以還有點硬，但很香濃。

花花頭罩

多謝Piann幫阿烏買的花花軟頭罩，亦都唔該晒Annie百忙

中幫我上去拿!!

要帶埋去問問獸醫protection和重量是否OK才敢決定更換，不過也感激她們那麼關心烏烏。 

慘過去非洲

同事Sinmei借我去貴州用的行山背囊和睡袋，我似去露營多過似去做義工。

還要借電筒，買游水快乾毛巾，防蚊貼，平安藥，Soy-Joy....真的要帶食用水去嗎？

另一同事取笑道，佢去肯雅都無咁誇張。

電影備課

貴州的電影課堂要放影這套卡通，問同事借了DVD來"備課"。

昨晚睇了"冰河世紀"第1集，說實在的，幾悶；畫面唔係特別靚(當然唔係同"阿凡達"比啦)，故事亦都太平實。可能山區的小朋友會OK，香港的小學三年級應該都未必覺吸引吧。

如果有得挑，我寧願選狄士尼的3D"魔幻聖誕頌"(The Christmas Carol)，或哈利波特第一集。

Pokka"早餐"

今朝又帶烏烏去PAVC睇眼科，有ulcer的右眼無之前咁fragile，但那大窿要數月先會慢慢生番埋(即係個喇叭有排帶，暈!!)。 

另一隻左眼呢兩日有白色分泌可能係少少敏感/發炎，唔係大件事，醫生開了steroid/anti-biotic眼藥水一日兩次滴三日，不過佢呢排咁扭都唔知滴唔滴得到。

睇完醫生還可以趕得切到坑口的Pokka Cafe吃"早餐"：溫泉蛋西蘭花火腿南瓜湯通粉($46)

乏善足陳x疲累心情

呢兩個月真係盡量減少了見朋友，上星期出差也取消了，週末長時間磨在梁師奶家中，為的就是照顧手術後的烏烏。

上星期還乖乖的比我地滴眼藥水，呢兩日隻右眼好番啲就扭住唔肯比我滴，好彩眼科獸醫話佢右眼應該穩定了點，如果太掙扎就唔好迫佢滴。但好的那隻左眼呢兩日偶然有奶白色分泌，為免受感染而延醫，明天早上又要提早帶佢去PAVC眼科覆診；希望不要再有壞消息。

呢排頻頻請假心情又差，話無影響工作就假嘅；好彩同事都supportive。九月頭的貴州之旅推不得，盡晒力唔該比條路我行吧。

宵夜拉麵

昨晚誠品開24小時，當然要支持"讀書不打佯"！

行行吓肚餓上樓上Food Court的"元八拉麵"來碗宵夜：味噌拉麵($65)；那半熟蛋太硬，味噌湯底太多七味粉偏辣！麵質倒是不錯。

密密Talk

香港"誠品"的講座真的很多，差不多每天晚上都有，不同的主題，人數限50個。

喜見誠品的進駐，帶來了新的文化，希望這不是初開業時的三分鐘熱度，可以持之以恆的將香港人唔鍾意讀書，只沉迷線上遊戲的現象改過黎。

明晚歐陽應霽的"台北好吃，好吃台北!"真的很想去聽，不過要幫烏烏滴眼藥水，7-9pm無可能去了，但他的新書"味道台北"一定會買!為冬天的台北之旅看看新食點吧。

貴一貴地墊

因為烏烏遲些出籠行走時，獸醫叮囑要在家舖一些放滑地墊，免得佢跣腳弄傷脊骨，梁師奶去過幾處地方看些嬰兒地墊，看看日後要怎樣舖在家中主要通道。

本來都被我和表妹說服，肯買普通的二百多元大大塊。點知昨晚同教友一個電話下來，立定心思買最貴，表面標榜顏料合乎甚麼國際安全標準，閒閒地都$1900一塊那種!!

而且舖一間屋，10塊8塊都走唔甩啦；暈.....

真係夠換個晒成間屋既地板咁滯，而且那貴價嬰兒地墊，中間薄薄海棉芯，如果烏烏的爪弄穿一個小洞，清洗後內裡唔發霉先奇。

明知係一個很昂貴的錯誤，但梁師奶一意孤行，可以點？

貴州頭痕之旅

9月2號到5號，要跟內地的管理層到貴州山區小學教3日書。雖然係有意義活動，但香港來回貴陽航班很疏落，去程要在廣州等4小時transit已經想死，去到貴陽又要miss左其他同事既大巴，坐4人小Van去山區，諗起都覺得危險。

雖然話會有酒店住，但望見那兩日的小學三/四年級的教學Agenda，更加想死：

 

要放映電影"Ice Age"，帶領學生討論；英語課堂教他們唱英文歌，閱讀繪本"木偶奇遇記"等，還有繪畫課堂，和每天早上自寫自講的"外面的世界"(我除左日劇，食物和老狗護理外，還可以分享甚麼？)

還要，

每晚30分鐘討論"個人成長報告"。

還不好意思問，那裡的食水和食物乾淨嗎？如果小朋友在課堂食午餐，你坐在他們當中唔敢食，會否太樣衰？

多得表妹

今個星期如無意外都可以正常地上班，都係要多得表妹在梁師奶家坐陣。

烏烏的眼藥水亦由每兩小時滴一次，到一日三次；就算下星期表妹去了旅行，我早午晚過去幫梁師奶滴，都未至於handle唔到。

月尾想帶臨返加的表妹來個澳門一日遊，和到君悅Tiffin吃她至愛的甜品Buffet，希望烏大少生生性性，唔好再咁多complication，我同梁師奶呢排都心血少，被他弄至身心勞累了。

婆婆拉麵午餐

早上同烏烏去PAVC眼科覆診，得知佢情況穩定了下來，梁師奶總算安心點。

下午返工前到樓下"上海婆婆"吃了兩個上海拉麵套餐($51)：

"蕃茄牛肉拉麵，拼素菜蒸餃"，和"上海雲吞麵，拼紅油抄手"

呢度係梁師奶難得無彈的地方，其實我就覺得味道同服務都很一般。

兩小時的時限晚餐

這個週末，每兩小時要幫烏烏滴一次眼藥水，所以出去食飯都只能在附近商場。

昨晚和表妹到坑口的Pokka Cafe晚飯，好彩唔駛點等位：

日式野菌咖哩奄列飯($88)，焗麵包布丁配草莓醬($48)，熱香橙夾餅配雪糕($60)，仙人掌蘋果汁($49)

份量頗大，似乎嘗甜的表妹會再次來encore呢!

劣版韓燒

同表妹到樓下的"漢陽樓"吃cheap版漢燒，$58的套餐可以拼兩款肉，跟飯，一碟小菜和生果。

很大一碟肉，但味道同service都唔得，平都無用。

Popcorn一平安

雖然今明兩日都大部份時間留守梁師奶家，每兩小時幫烏烏滴眼藥水，但都可以中間偷少少時間，同表妹到附近Popcorn商場吃個拉麵。

"一平安雞蛋拉麵"($68)，"叉燒拉麵豬骨湯底"($78)；味道其實普通，只是比味千好少少。

Bday Dinner Chez Piann

多謝昨晚幾位舊同事請我食嘅生日飯，佢地話好耐無去Piann度，當然我都樂於探吓波士同阿Moon啦。

Duck Liver w/Apple, Bilic Salmon w/ Peach Salad, Cream of Green Split Pea,和食到唔停得口嘅自家製麵包！

厚切和牛粒，焗鮑魚，特別為唔食牛又怕鮑魚難消化嘅Debbie而設嘅焗蝸牛；夏日清涼嘅西瓜雪葩。

Stuffed French Quail w/ Risotto, Aust. Baby Lamb Chop, Chocolate Mousse Cake