綠豆椪

多謝Connie的台式月餅綠豆椪，內裡的鹹香黑豬肉很入味，今晚做宵夜了！

服務扣哂分

相約舊同事去Harbour Plaza Hotel裝修後重新開張的中菜廳逸龍軒飲茶。菜單伙計全部換哂，甚至不再屬於酒店旗下。點心如灌湯餃，迷你烏龜菠蘿义燒包等不錯；黑松露野菌花生苗也是第一次食花生種出來的芽菜。遠年陳皮凍糕也很特別。

但最扣分係服務，樓面嚴重缺人，伙計阿姐每次叫佢都抱怨做唔切……說實在，我寧願幫襯陸羽。

龍蝦宴

週末為食團再訪雞功房，八月係龍蝦主題私房菜。頭盤涼拌龍蝦及百花釀鮮龍蝦鉗有驚喜。日式慢煮鮑魚伴了鮑魚內臟做的醬汁，原隻泥蟹泡飯完全爆膏，薑葱霸王雞肉嫩汁香。甜品鮮淮山薏米腐竹糖水作結尾。

Camouflage

隻飛蛾將自己變到成隻亞馬遜毒箭蛙的顏色，好勁！

蛇流口水？

翡翠樹蚺都會瞓到流口水？(我估應該係噴水霧所致吧……)🤣

牛坑腩Fûhn

最後一堂意大利文初階，吃飽飽上堂。牛坑腩金邊粉，越南咖啡沙冰。

神奇小子

殘奧期間帶梁師奶入場睇「媽媽的神奇小子」，熱血勵志一番！

梁師奶出來連看更也話比人知：超・好・睇！

叮噹月餅

經過東海堂，真的被那個隨意門鐵盒同Tote Bag吸引，$148兩個紅豆兩個奶皇迷你月餅，買！

波佐見燒

又經過長崎県PopUpCounter，買多隻波佐見燒中碟；淡綠色花紋好靚。

Sensu

沙田新開的Sensu，裝修幾特別。暫時算係soft opening，餐牌選擇唔多。散點的蛋包飯賣相不錯，午餐豚肉盒子炒得太油膩。

帶梁師奶出城

天氣好，帶梁師奶坐巴士出尖沙咀逛逛。HKMOA一個新以禪為主題的畫展，同樓下龐比度的超現實藝術品一樣……一樣咁難明。

長崎遇上沙米

將軍澳中心的長崎県Pop Up Counter，用了觀光列車做Deco, 也售賣少量地方陶瓷，買了隻長崎波佐見燒的雙層隔熱瓷杯，幾特別。另外仲有叮噹50週年記念碟同叮噹九谷燒小碟。

同場有少量尚未正式出版的「鄉港人在日本」，講述6個移居日本港人的故事；還見到旅遊書作者沙米本尊聊了幾句。

以往出門也沒有在登機閘口前打卡習慣，估唔到冇得飛一年半，見到假的登機閘口也想影……

焙小日子

成個下午姑媽同小姪女合作整餅！

其實那是個自助烘焙空間，提供食材同器具，烤箱等等……每組一部iPad跟住做。那檸檬野莓晶凍蛋糕看似簡單，也玩足兩個多小時。賣相同menu頗有出入，姑媽煮嘢入得口己經很不錯，好唔好食就細佬今晚先知🤣

W28

成年冇見嘅小姪女，襯暑假尾聲來探嫲嫲。

探罷去將軍澳酒店西餐廳W28午餐。味道一般，叫做坐得闊落些。我點的香茅椰汁咖哩羊肩量很少亦唔夠香，反而周打魚湯同蝦多士比主菜出色。

黃昏入夜維港

由黃昏到入夜的維港……吃飽飯坐天星小輪回港島吹吹海風，舒服過繁忙時間迫地鐵在金鐘轉車！