入住德宏

真正喺新Office返工既第一日。地鐵出黎行少兩步，不過真係有ｄ唔慣。例如電話未有Voicemail，同洗隻手都要出去廁所度洗。














用左一個上午已經Unpack晒。無左個落地海景都唔係太大分別，反正以前都係背住架啦。只不過門外靚女由Debbie變左做Daisy。

下午屈臣士送左水機黎。Johnny & 細Dee拍爛檔去百老匯買埋雪櫃同微波爐。終於個Pantry都唔駛咁吉喇。

剛剛醒起，今日係Daddy生日。去年一開完年會喺吉隆坡趕返黎陪佢食飯(最後既Home Leave)....好彩梁師奶好似無為意，唔係一定唔開心。

告別林肯

最後一日返去有海景既Office。









匆匆check左ｄ Emails後Jackie 9am就好準時咁過黎甩線。









Santa Fe亦好快手地開始搬。我同Martha & Daisy做先頭部隊去德宏等ｄ傢俬到。其實等既時間都幾無聊，前前後後我都落左7-Eleven３次買ｄ薯片，朱古力黎打發時間。下午更加有喜力+ 魚蛋。肥死！









攪到收工，剛剛好砌晒ｄ傢俬。聽日至unpackｄ私人野。
釣魚中的Johnny












同裕利做左鄰居........

最後階段

雖然喺上海岩岩返黎，因為聽日一早就搬屋，全公司同事都留晒響度執野。

一年前至篩選左好多垃圾扔掉，所以今次只係見野就搬晒過去。執得快好多。

放工時已經滿佈紅色Sante Fe塑膠箱。














聽朝都係早d返去check完Emails至比佢地甩電腦線。

磁浮列車 + 趕飛機









8am出發去浦東龍陽路站坐磁浮列車去機場。雖然唔算貴，40人仔，可能個站唔方便，所以唔係好多人搭。大部份都係鬼佬。










全程7分20秒。初初上海個秘書講我都唔信d時間計得咁exact，但架車真係踏正7分20秒停定。利害!! 最快時速係431km/hr；本來差不多一小時車程，7分多就到。因為距離短，呢個最快速度只係維持左1-2分鐘就減速。














有機會試吓真係幾過引！！

去到機場本來坐11:15am機，但見之前一班9:45am有位，就拿拿臨轉。不過代價係趕去閘口趕到褲都甩。海關勁多人，又要坐巴士出停機坪上機。我地幾個係最尾上機既人咁滯。

Starbucks Tumblers - 兩個新成員

















幫好友買隻「上海」Starbucks Mug, 見到出左隻X'mas雪花幻彩版. 今日竟然連豫園都有出自己既地區限定版............連香港都未出既薑餅人都有喇. 好似呢幾日買得最多係Starbucks的東東.

正宗陽澄湖大閘蟹

Damon三舅父Keith帶我地去一間叫王寶和, 食100%堅既陽澄湖大閘蟹. 毎隻成200多元;以大陸黎講, 算非常貴喇. 但仍然客似雲來, 要在走廊開D 2人枱;好似政府醫院開牀咁. 以我拆蟹既速度, 當然包尾啦. 差不多毎味都有蟹. 對唔食得蟹既Debbie黎講, 唯有叫碗青菜麵陪我地.









之後再車我地過浦東上東方明珠塔. 因為太多人, 我地無上到最高一層. 其實上海只有商業區至多D燈, 遠一點既住宅區連街燈都無. 唔値得等20多分鐘電梯上同落啦. Michael同 Johnny兩兄弟再継續出去wet, 我地都係返酒店, 明天早機.

豫園

市内有名的古舊庭園.









週圍有好多賣手信既小店鋪同小食店. 今日可能星期六, 簡直可以用人山人海黎形容!! 永遠大排長龍既南翔饅頭店就坐落九曲橋隔離. 我地去左緑波廊食傳統的上海菜. 老實講,呢間野真係食名氣;名人如英女皇同克林頓都有黎過.









其實外面的小食店好多小籠湯包, 羊肉串, 酒釀丸子仲吸引!!不過呢幾日食左咁多上海野, 幾想試都食唔落.真係有心無力.

上海城市規劃展示館+人民廣場

今日公司司機小林繼續做我地既柴可夫.









放棄酒店既早餐, 寧願出去永和食粢飯豆漿油條.









再到城市規劃展示館行左個round. 講真,唔係我杯茶. 我反而鍾意過對面人民廣場行吓公園曬太陽.

南京西路歩行街

晩飯後帶隊行歩行街. 條街好旺, 好鬼多人. 但會入去既舖頭唔多, 我只在UNIQLO買左件衫, 同在手信店買左D食既野.













最後都唔放過去埋永和食油條焼餅加豆漿. 咁食法,實肥幾磅返去!!

拙政園

蘇州最大的私人亭園. 400年歴史, 保存得好好. 今次嚟見到轉了黄色的銀杏葉,同轉紅的楓葉. 同加拿大的手掌咁大的楓葉唔同, 呢度小小的縮水版, 好可愛!!
天氣好好呢,無想像中咁冷.

蘇州惠氏厰

8am由酒店出發, 公司的司機小林開7人車載我地去.差不多要2小時的車.









在會議室厰長用成粒鐘吹吓自己間厰有幾掂後, 便好似鴨仔團咁跟住週圍行.









最過引係在倉庫時, 我可以坐上架巨型「積」車載我上最高既7樓, 一齊「積」版貨落黎!!好似去遊樂場玩機動遊戲咁.












工厰D同事好客氣, 午飯外出去返上次5月黎時食既酒店. 少説都有1o多道菜. 味道好之餘又幾有特色. e.g.西湖的特産白魚.