抵食夾大碟









一行十位廖太飯局，銅鑼灣book位都有d難度。結果揀左成年無去過既中環「華商銀行公會」。

剛去完台灣返黎既奶奶阿丁，同埋攀車邊去九州IBM Conference"幫手"既Annie，都勁講旅行趣聞。我見阿丁個blog po既相，真係影得好鬼清(奶奶唔知等左佢幾耐黎對焦呢？哈哈)。

散叫既菜，味道碟碟都唔差，而且勁大碟。招牌菜"黃金風沙雞"必點，釀茄子，沙鍋腐乳唐生菜，琵琶豆腐，子薑咕嚕肉，南乳雜菜齋煲，蜜豆炒帶子螺片，福建炒飯，例湯.......同埋焗釀大響螺。
埋單每人都唔駛一舊水，食到我地個個攬住個肚，抵！

下一餐幫奶奶慶生，不如入黎新都城食啦。

地鐵 x Kitty陳列

本諗住放工早少少出中環IFC連卡彿買份禮物比三舅父，點知呢間所謂"旗艦店"，Burberry又無，Mont Blanc又無。

頂!!! 唯有過兩日出時代廣場連卡彿買囉(因為我有9折)。

特地繞道由中環站行去香港站，途中見到呢個大型地鐵Kitty列車，同埋唔同工作人員制服display。都見有唔少貓迷舉機影相。

如果阿丁阿二見到，一定撲埋去。

靚妹流落異鄉

Kerry坐傍晚機到上海，聽朝attend三舅父主持既marketing training。

晚上十點幾打黎，原定去機場接佢既公司司機小林無出現，打佢手機話office無人通知佢去接!!

靚妹第一次去上海，人生路不熟就要夜嘛嘛搭成粒鐘的士出市區。雖然上海頗安全，但我都要盡少少責打電話比佢確定佢安全到酒店。

剛才仍在途中既佢稱，個司機高速公路上開60km/hr，佢簡直想死......浦東機場咁遠，真係可能午夜至到呀。

換完，收工!!





日日都搭地鐵既我，答應幫阿丁換齊一套"地鐵精英Hello Kitty"。

呢個半月逢星期四都提自己切記要去換，上星期出trip不忘交托比Debbie呢個重任。

今日換埋呢架列車，好，收得工。

真係唔明地鐵做呢d推廣有乜意義，要搭就weekday日日都逼住搭架啦，唔順路者如阿丁既，咪叫d朋友幫手換囉。又要大賣廣告announce呢個推廣，又要徙額外人手去host個換領站，唔見得真係會好多人因此而特地去多搭左；就算個換購價夠抵消公仔既成本，會唔會只係做個noise出黎，但無乜實質收益呢？

衰完鈣片衰痔瘡膏

早幾個月裕利已經衰過一鑊，將d遠期Caltrate+Soy拿去repack，唔係用"First Expire First Out"既模式出貨，結果write off左二千多枝。因為佢地一個小小員工既疏失，加上operation department監管漏洞，結果害公司算失廿多萬。

言猶在耳，今次衰既係sales department，肇事產品係白宮痔瘡膏，涉及6000多枝添。對方sales manager未經我地同意自把自為出d遠期貨比上個月既trade promotion。

都唔知係咪我同裕利個八字相沖，鑊鑊都check到佢地d疏失出黎。

如粗口般好用

余經理不時會捉住Michael訓話，今朝亦唔例外。

佢嗓門又大，真係隔幾間房都聽到。正當我埋頭做緊個Brand P&L時，不時聽得見佢訓話內容中將我個名平均每30秒repeat一次；直像d爛口一族將粗口助語詞，每句都好順口咁夾雜著一樣。

大哥，唔好成日躂我個名出黎先得架，sales forecast要做得準，唔係純粹要fullfil我掛。

我個朵睇怕除左裕利臭晒外，惠氏都唔香得去邊囉。

頗罪過的一餐

今日論到細佬女友Sharon請我地一家去星光行「北京樓」，餞行星期四就返西班牙既細舅父。

黎到呢間野人人都會叫招牌北京填鴨，起碼要有數個人先有可能消滅咁大隻鴨(點解唔可以點半隻呢？)。

味道非常得，但多油到唧得出黎，一邊食一邊心理覺得條血管好似收窄左，哈哈。呢d美味但罪過既野，真係幾年食一次好啦。

鍋貼都係驚喜之作，非常脆口。其他既雲腿津白同炒拉麵都唔差。

飯後乘機坐天星小輪去灣仔碼頭轉巴士；講開失禮，自小只坐過Star Ferry去中環，灣仔線都係第一次搭。

兩條女撐枱腳

本來約左卡生，Ellena同佢朋友阿谷放工去飲野，結果阿谷病左，卡生又下午以公事為名，閃左入機場偷懶，結果instead of改期，我同Ellena飛甩佢地照食飯。

匆匆忙忙訂左時代廣場「藍納泰」。





兩個人唔敢叫太多：大蝦西施柚沙律，三文魚粉絲米紙卷，黃咖哩鳳尾蝦(可惜已經無左燒餅)，同埋味道有ｄ怪既椰香水晶糕。









話題都係圍繞住工作同人事，雖然我倆唔同field，但又唔可以話完全無交集，所以唔難理解。

襯尚未到9月中，去將軍澳"入營"前，真係要多ｄ出黎見朋友。

微笑的魚

無記7pm做幾米特輯，後半part播呢套足本既繪本改編動畫"微笑的魚"。

喜歡幾米繪本中用既鮮明顏色，雖然佢用字唔多，但好多時讀完我都未必明佢想表達d乜。"月亮忘記了"就係我反覆讀左3次都唔明既作品。

食飯時間，我都定睛睇晒整個動畫。

個人對呢個故事既理解，應該係"試用別人既角度想，好多之前既牛角尖都會豁然開朗"。



P.S.(原來作者係想表達"放手才能獲得")

料理新鮮人
我今個週末煲的日劇，日文ﾊﾞﾝﾋﾞｰﾉ(Bambino)，其實係意大利文，即小孩，亦可解作乜都唔識既初生之犢。

此片亦都係改編自漫畫，描述一個由博多到東京六本木意大利餐廳學藝，初頭不知天高地厚既bambino。

發覺日本漫畫好多都係以料理學徒為題，早年我都有追既"將太的壽司"就係其中表表者。而以意大利料理做背景既，呢套都係我睇過既第二套。

劇集裡比較多係pasta同甜品，不過意大利菜非我既favorite，因為好多時太"茄"。
而pasta一般既醬汁太漏，未食落口都有d滯。

惠氏版雪姑

多謝卡生幫我clip段片出黎，雖然唔係full version，但最攪笑既係阿Paul見到Michael呢個"如花"版雪姑既喉擒樣，完完全全地錄低左。

連Martha被誤說為"意外懷孕"都有收錄呢，哈哈!!

煲劇新架撐：Tempur




飯後陪師奶逛Sogo，經過見到丹麥製造既Tempur Comfort Pillow做$1200"買一送一"。

之前住過東京西新宿既Kadoya Hotel，都係用此品牌，超舒服；幫助舒緩肩頸壓力。

早前做七折時，阿丁同沙律都買左，今次再平到半價，一於買返去陪我馬拉松式煲劇，另一個益梁大少啦。

韓式家庭聚會

難得梁師奶咁有雅興，提議請細舅父去食韓國菜，7:30pm約埋梁大少同女友Sharon一齊到金百利既「金羅寶」食飯。

梁師奶一入到黎就扁晒咀話好大油煙味，大佬，韓國菜就算你完全唔點燒烤，隔離左右都會有啦。我地一於唔鬼理佢：雜錦烤肉拼盤，人參雞湯，石頭飯，韓式炒粉絲，同綠豆煎蛋餅。

反正佢下星期五都會連同教友們食韓國菜幫神父慶生，咪當熟習吓ｄ燒烤味囉。

烏烏都有會藉？

估唔到，西施狗都有個香港西施犬會。

http://www.shihtzuclub.org/index.php

有討論區好交換飼養心得，又有攝影比賽，靚相分享，訓練心理及行為專區。

等我都註冊入去交流吓先。

遲來的年會合照

去年底年會既大合照，今日先寄到(因為太大張，我懶得自己帶返黎)。過往都係排排企，一張長相過。上年攪攪新意思，大家響酒店大堂企到成個中國地圖咁，攝影師由3樓影落去。

我地企邊？唔係香港既位置，而係企響東北。

另"雪姑"表演既片段，就要等卡生剪輯，upload上YouTube後至可放上黎。

講掂數

9:30am開始，先睇條大數，再聽余經理present一d 2008年既Initiatives。

因為想早一班機返港見阿烏，所以好幾次忍唔住幫口，以我快兩倍既講野速度，"fast forward"般平衡佢"slow motion"式既解說。終於都agree到明年條大數，返去開工做其他相關既schedules & presentation。

準12點離開公司，由小林車我地出機場。

臨入閘前禁區內坐低醫肚，一d都唔平：無論賣相同味道都唔掂既公司三文治要RMB68，普通一罐Asahi都要RMB30，以內地消費黎講，同搶無分別。

神秘人

5pm今晚有份去睇"太陽馬戲團"既數十位同事，一齊聽老細阿John講呢個價值$880/head既"Team Building Event"到底可從中學到d乜野精神：團隊精神，相信自己，勇氣(明年去超越更大既sales target，哈哈)。

大秘書叫晒麥當勞外賣既我地，匆匆食完就出發。

阿John用自己架車接送我同余經理來回，Kenny真係有d受寵若驚呢。

場地位於浦東，個帳蓬比記憶中細。$880坐第5行，其實就算買平飛坐後面都唔會太遠。兩個小時既表演，外加30分鐘中場。Quidam秉承一貫Cirque du Soleil帶點詭異既西方法國風(個馬戲團來自加拿大法語省魁北克)。之前睇過佢既Allegria & Saltimbanco，所以或多或少預左佢會表演乜野戲碼；余經理就覺得頗讚嘆呢。

不停為我加油

個presentation defer左聽朝，8am照樣同余經理去公司做野。

會議室對面pantry有部蒸餾咖啡機，滴出黎既咖啡幾有d水準架，大可慳番唔駛朝早落樓下Starbucks朝聖。
佢既存在，為埋頭做analysis既我，不停地加油!!