La Vie Avec Amusement: 10/01/2007

個Marketing Plan真係"值錢"

自上次去Istanbul未present完個Centrum marketing plan，大老細話要響Boston再見我後，經我一再追問阿John Boston之旅既日子之後，今日終於都收到個日期喇：Dec 4th

向travel agent訂機票，簡直有d嚇親，上次既機票$40000已經好誇架啦，今次去Boston既商務客位係盛惠$70000!!!

哇大佬，加埋酒店十幾萬落樓，可以響chain store做一個月promotion喇；個plan有無咁值錢呀？!

東京鐵塔 - 我的母親父親

電視版非常感人，電影版日本一樣非常賣座，11月15日香港上畫，必看。

科學方法

今次12月去日本(如果唔撞trip的話，求神拜佛)，有兩晚可狂浸溫泉。

屈指一算，日子非常危。如果班friend落晒去浸，得番我響房無所事事，感覺一定想死!!

做人唔可以望天打掛咁消極，決定把心一橫，用科學方發解決呢個"危機"。

要用，當然用番自己惠氏產品啦。

名符其實蘇州屎

去蘇洲果然會惹到一身蘇洲屎。

上星期臨上機前接到呢壇屎，就算響蘇洲開緊會都不停同各方周旋。今日返到公司更係全日同Martha玩執屎!!

不過既然公司請我番黎，除左幫公司生財之外，包埋執屎服務，所以受人錢財替人消災，唯有多d黎，密d執啦。(如果你發覺我近排身上有陣異味，唔關阿烏事，係公司既錯)

六本木聖誕 

呢幾年睇見六本木既藍白聖誕燈都流晒口水，恨左幾年，終於有機會如願。奶奶同佢個女及女婿聖誕前會去東京幾日，Connie & Jeffrey跟去，咁當然我同將會聖誕返港渡假既Shirley都報名啦。

已遞假紙比John，希望唔會撞去Boston既business trip啦。

下午約左奶奶同Connie Jeffrey去銅鑼灣Cafe Eos黎個late lunch，大蝦凱撒沙律同甜品Apple Crumble with Ice Cream都頗掂，環境亦適合hea。順便傾一傾呢個日本之旅既細節，中間會有兩晚去附近郡馬縣一個叫"水上"既地方泡兩晚溫泉，第一次去，新鮮喎。

「相約星期二」重演

自早前梁師奶睇過盛讚後，襯佢十月尾會再重演，約左Connie & Jeffrey，Ophelia，露姐去睇；而Annie因為要出trip，所以派佢阿媽做代表。

入場前先同Connie & Jeffrey去新世界既UCC醫一醫肚：帶子鮮菇意粉同蒜蓉包。

準8點大家到文化中心坐低，都仲未見Annie阿媽蹤影，原來佢因為唔識兜隧道過去而遲到，結果開場15分鐘後先有得進場。

兩個鐘頭既舞台劇，得兩個人由頭帶到尾；不得不佩服佢地唸得晒咁多對白。但廣東話翻譯得唔夠傳神，做唔到原著既感動，我不時都會對眼瞄上面既英文對白。雖然鐘景輝做老教授好稱職，但因中段有好多佢既人生大道理教悔對白，背景又無配樂，講真會有d催眠架。

上海返港要10小時？

係，真係辛苦過上次歐洲飛返黎。

話說個會11點多就開完，我連下午安排左去周莊水鄉參觀都唔去，一心諗住早d返香港，或者趕得切同阿烏食個飯。結果人算不如天算，由蘇州坐左兩個小時limosine去到浦東機場，港龍下午班班機都overbook!!

2:30pm到機場，自己班機8:30pm，嘗試等左個多小時standby早d既機位，都覺希望渺茫。眼見check-in counter開始大排長龍兼有d淪陷feel，咪喇，寧願早d投降，照原定班機check-in，都好過戇居居響外面同人迫多幾粒鐘。頂，淨係check-in都又再排左個幾鐘。

入到去等左數小時，食左碗得個辣字既牛肉麵同唔凍啤酒，黑到連自己班機都delay到9:30pm；港龍甚至要派餐券比我地。剛好撞到韓國兩個同事(佢地仲要係去埋周莊趕到出黎，怒爆)，把心一橫用左張券請佢地飲生啤；兼夾講吓d國際是非。

到港都過左午夜，踏入家門係一點多........對浦東簡直留下陰影。

古城運河 

飯後到古城區，坐一隻"龍船"遊運河。

全程個多小時既船河，兩岸有射燈影照既楊柳及明代城樓，真係幾古式古香。加上船上安排左二胡琵琶既平彈，及昆曲表演，都別具地方特色。

聽講明年二月底既Regional Marketing/Regulatory meeting又係黎蘇州，極可能會再遊一次。

40樓的魚翅

6點咁早就食晚飯，係因為飯後還有節目。

晚飯於酒店附近一商廈40樓一間標榜魚翅既酒家，除左個湯底頗濃既招牌煲仔翅外，其他既味道都值一讚。

少不免席上都有互隊紅酒，好彩矛頭唔會指向我；大家不時"乾"來"乾"去的互相敬酒，哈，如果唔係Kerry一附"未成年"外貌，一定走唔甩。

重踏蘇州廠 

第三次踏足蘇州惠氏廠，依然係同一個會議室開左一day會。

好多介紹之前已聽過，中間有個多小時入內參觀製藥，如果唔係陪Kerry，我未必會遊第三次。不過對Kerry黎講應該非常新鮮吧。

下午我只有短短15分鐘presentation，今次黎開日半會議個agenda唔係太packed，所以五點就可以返酒店梳洗，準備食晚飯去。

Cafe Soo

晚飯比較casual，只係落酒店大堂Cafe Soo食dinner buffet。

食物種類唔夠香港多，但特別在連蒸原隻大閘蟹都有(雖然好細隻)，韓國同事連掃3隻，又唔飲薑茶，希望佢今晚唔會寒得滯啦，哈哈。

我就坐響一向合作無間，出貨準時又好交帶既廠customer service代表Linda Hu隔離邊食邊嗲；兩年無見，每次我地黎佢都好好招呼，佢地自己一年到晚都鬼咁多visitors，真係難為佢囉。

蘇州街頭 

比香港海關充左枝hair mousse既Kerry，一到步就急住去買mousse。結果兩條女就度去轉角一條商店街衝入一間當地便利店。

結果mousse就買唔到，竟然轉戰各種唔同既內地版零食，哈哈。

我都唔執輸搜括左特別既青瓜味薯片，同Glico出品既"星奇"藍莓朱古力小食。

蘇州Shangri-La

之前黎過參觀蘇州既惠氏廠兩次，但就重未住過當地酒店。

今次Regional supply chain黎此地開會，集合一眾有產品source from Suzhou既國家。

同第一次踏足蘇州既Kerry，由上海機場坐成兩個小時既hotel limosine(都唔平，成RMB1,400架)，先到達入住既香格理拉酒店。