漫長的兩天

聽日諗起都累透既schedule.....

8am 同Ivan應裕利老頂邀約既Breakfast Meeting @ Butterfield

9-12:30pm 開Budget Meeting講數

12:30pm-2pm 同Ivan & 多多口水既鬼佬Martin，約埋奶粉sales dept吹水晏 @ 鴻星

2-6pm 繼續講數

7pm 帶第一次黎香港既上海finance同事Selina往鯉魚門食海鮮

早餐後將會進入英文及國語既世界。

都未敢諗後日繼續做"三陪"既行程。

應該先隊枝Red Bull先好出門。

DOGA














顧名思義：狗的瑜珈

其實應該係主人同狗狗一齊做瑜珈至真。

睇真d，咪即係烏烏平時伸懶腰既動作囉(真係咁relaxing？)

"狗狗練習的瑜伽動作與人們所練的瑜伽動作大同小異，主要以具有伸展作用的狗式，兒童式，以及眼鏡蛇式為主，美國人甚至還給狗狗練習的瑜伽取了個專有名詞，稱為「Doga」或「Ruff Yoga」，甚至也有本專門為狗狗瑜伽所寫的書，「Doga: Yoga for Dogs」出現在坊間的書局，可想像這項新興的寵物運動不久將會流傳到其他地方。"

唔知香港幾時先興起呢？不過睇怕都係落得只係我做晒所有動作，而阿烏望住我奇怪做乜野扮佢!!

炒埋一碟的韓國燒烤

同美國開完webex之後，join埋卡生約左英國返黎既朋友Louise，同埋佢老友Amy去「金羅寶」食韓燒。原來卡生好似我咁，喜歡將d朋友炒埋一碟一次過見，免得頻頻出街食而至肥。

Louise係英國威爾斯某大學既高級講師，先後去過北京同海南島，家陣黎香港"出trip"作海外函授碩士課程任教。雖然話就話係正港香港人，但口頭禪係："點講呢？"，成餐飯repeat左不下50次。

Amy剛響印度出trip返黎，佢一個單身女仔去印度已經夠勇架啦，仲自己坐個半小時的士去不蕪之地見客，好鬼掂。

食就唔係太多野：雜錦燒肉拼盤，炆牛肋骨煲，蛋煎魚，石頭鍋飯，兩枝韓國酒(春菊同勁咳水feel既梅酒)；反正Amy同Louise都係健談之人，傾偈係主菜，食物只係配角。

Facebook古惑仔

呢排密密收到朋友邀請，一推再推但"盛情難卻"下，終於尋晚新加左facebook既"古惑仔Online" application。

短短一晚內，任務由"代客泊車"，升格到"賣翻版DVD"，"幫財務公司收數"，最近連"麻雀館睇場"都做埋。








擁有地盤包括足球場，大排檔及網吧各一個；各有唔同定時收入。








利用賺來既"污糟錢"，添置裝備如接凳，士巴拿，菜刀等.....

不時仲要周圍撩事鬥非搵人幹架，今次真係除養狗外有排忙啦。

鳥巢頭木村？!!
















24小時內煲完呢套木村新劇"CHANGE"，非常痛快。

唔知是否響應北京奧運，新型像竟然係令人倒胃口既鳥巢頭。

雖然第一集開得有d悶，但第二集開始就越來越有戲味。

35歲既鄉村小學教師，誤打誤撞被推選為議員；繼而被老政客計劃任其傀儡，一躍而成為日本史上最年青總理。

本住一棵赤子之心，原來有名無實既總理，漸漸令身邊人改變以往官僚既陋習，慢慢倒向呢位滿腔熱誠既總理。

最後一集木村一take過無間斷既20多分鐘演說，中途有本事感慨到飆眼淚，果然係好戲。上星期日本播大結局時，再創收視神話。

卡士依然係群星拱照木村；連平時係一線男主角既阿部寬都淪為大茄。

片尾曲日本仔把炮地請到娜姐獻唱"Miles Away":

Debbie，呢套無"華麗一族"咁沉重，放心睇。

終於現真身

只聞樓梯響左一段時期既SONY ERICSSON W980i，終於今日都出左喇。

Debbie下午call我，話響旺角已經有真身；當然我唔會放過第一時間落去shop度"見佢一面"。

講真，實貨唔夠張相高貴，但比相像中細同輕。透明acrylic面，底部係防滑膠；手感唔錯。開售價$4280，比C902i貴(不過預左)。

換唔換機？暫時忍得到，因為比較下都係用緊部Sharp SX862賣相吸引，完全滿足到我想要部淺色日系摺機既要求。

等一論W980i落價先再爭扎過。

Email大屠殺

全公司電腦部推行一個名為Email Optimization Project既鬼方案，實則係要我地由CEO到clerk都要為自己個Groupwise mailbox黎一次大清洗。

11月前首先要將容易刪減低過4G，明年1月更要連同archive左既陳年檔案都唔可以多過1G!!!!!

多過又點？哈，夠晒絕，實行唔比你收發Email，死味。

呢個project令所有入公司數年以上既員工都個個鬼哭神嚎；到底有幾惡劣？我地Division check過，未計archive files，淨係server上面個個都差不多過10G.....高踞榜首既Sinmei竟然有成19G咁利害。所有Email剷之前都要先filter，呢個行動簡直係驚天地泣鬼神。

我個mailbox又如何？托賴，好彩"得4G"，唔駛剷咁多。

懦米雞以外......

Pauline今日牛一，lunch時拉大隊去炳記賀一賀佢。
早兩個星期食滯左攪到又屙又嘔既余經理，戰鬥力減半，當然唔敢encore好食但亦好漏既原隻"糯米雞"。
大暑前後，捨招牌杏汁豬肺湯，寧願要消暑既冬瓜煲西施骨。

其他惹味選擇包括：燒汁鱔球，椒鹽鮮魷，馬友煎肉餅，啫啫生菜煲，瑤柱野菌扒白菜仔，蛋煎蠔仔餅，咕嚕肉。

阿二，睇怕八月頭我地都係repeat以上既餸菜；可能要靠廖太們既戰鬥力先可以再挑戰隻糯米雞。

新1388

星期五生日既Annie，為左我地既荷包著想，提議encore個$1388套餐。

「迎囍」有酒席，所以個booking扔左我地上樓上「 稻香」；不過地方窄好多之餘，環境噪雜得同街市無異，傾偈往往要嗌，差在未駛讀唇咋。

新既"薛家宴"套餐轉左既味：芝味大蝦球，原隻鮑魚玉掌都幾得，條東星水準依然穩定，不過脆奶拼花姿球，同蟹肉竹笙扒雙蔬就感覺有d削。

Annie收既禮物，來來去去得幾個theme：紫色，波點，史迪仔。差在未有人送蟹腳......

虎頭人

正構思緊做個Centrum巨型樽，比個人著住做road show生招牌吸引途人。一件咁既馬騮衣都唔平，差不多要一萬大元。

個vendor為左比我地睇睇間製造商既手工，send左個"跳跳虎"頭套黎；哇哈哈，我同Kerry立刻爭相做虎頭人。

日後如果行街見到Centrum巨樽，記住手下留情唔好衝埋黎，分分鐘裡面係我黎架。

特盛3色刨冰(配白蜜)

自從銅鑼灣「麻布茶房」 服務態度急遽下降後，好耐無響香港食過刨冰。

康怡吉之島裝修過後新開左麻布，lunch行過去就有d遠，所以響公司樓下海光街搭免費穿梭巴士5 分鐘即達。

地方好窄，但侍應頗多；最緊要係態度比銅鑼灣店好好多。

為左留肚食甜品，只係點左個五色梅子冷烏龍麵。周刊上coupon附送芥末鮮蘆筍豆腐沙拉添。
甜品出場：哇哇哇，巨型3食冰!! 芝麻草莓抹茶topping，加埋紅豆白玉同鮮奶軟雪糕，頗有台灣既份量。又係叔叔表演5分鐘擺平刨冰既絕技喇。

飲上癮

無錯，又係「紫星軒」 ，又係下午茶；皆因地點就腳，點心選擇多兼價錢公道。

阿二今個週末唔上去會老公，為左整個超平負離子頭，順便約埋我地去飲下午茶。雖然朝早要入將軍澳babysit阿烏，都撲返出黎銅鑼灣赴會。

天時暑熱，好彩呢度冷盤花款唔少：桂花糖西紅柿，梅子涼瓜，當歸蝦，蒜泥牛脷，涼拌腐皮絲，柚子蓮藕片....
哇哈哈，今個週末又confirm多兩個12月東京/草津之旅既tripmates：Annie同Charlotte。今次九男女又浩浩蕩蕩出門去，奶奶，你帶既日本團有口碑過蔡san呀。