唔識都追，追左至算

估唔到臨返香港，響羽田既國際航班Terminal都有段追星小插曲。

話說坐Shuttle Bus臨落車時，見到一眾架妹忽然發足狂奔，呢D咁熟口熟面既舉動，對過氣追星族既我，當然會特別敏感。

班架妹響門口列隊手持禮物韓文手牌，已經印證左我既推測。

入到禁區，細到連Business Lounge都無，等我地毫無難度地遞住呢五條韓國死靚仔。眼見其中一人頭帶冷帽黑超，行路姿態一副"我係藝人"模樣，盲既都估到外面等既係佢地。

佢地又大模師樣地坐響人群中，雖然唔知呢隊係乜鬼，但本住"既然送上門，追得唔好徙"既心態，我帶同Connie & Jeffrey兩位坐響佢地前面，借角度偷影；要影到面貌唔容易，因為大部份時間都耷抵頭。

返到香港一開電腦，Jeffrey效率極快地已經identify到佢地：ftISLAND，一隊年齡16-18既韓國少男。

Website: http://www.ftisland.jp/ft2/index.html

唔止佢地，是晚同一個terminal，甚至見到日本二線明星山本耕史登既添；真係星光熠熠耀羽田！

Q2H：私と卵

無錯，對蛋包飯有點情意結既我，臨出機場前，3pm都要再接再勵黎到Lumine 7/F既蛋包飯專門店。

我同Jeffrey點既係，近期推介既"冬野菜Demiglace Sauce蛋包飯"；而Connie更加挑戰滯既極限，黎個"芝士Hayashi Sauce蛋包飯"。

雖然係下午茶時間，小店一樣座無虛席。唔知是否本身完全唔餓既關係，蛋包飯魅力略減；話雖如此，香港實在搵唔到一間見得人既蛋包飯，所以點都唔想錯過。

Q2H：藏太鼓

奶奶既推介，位於新宿南口高島屋對面；出名既係喜多方拉麵。

1:30pm，第一餐咖哩都未完全消化，就隊碗普通既鹽味拉麵；麵質湯底係其次，靈魂係隻糖心蛋。

Connie & Jeffrey點既係野菜豬骨湯拉麵，望落去都應該幾濃味。

Q2H：中村屋

日圓實在太貴，所以消費意欲好低。

最後一日行程，反而係響新宿食、食、食；而且仲係每隔兩小時添，所以個主題係Q2H(註：藥單中"每隔兩小時"縮寫)

第一餐，係11am於新宿東口附近既中村屋本店。呢度出名既係咖哩，唔係日式，而且係已有80年歷史既印度咖哩。

一上二樓，就見到唔少人好似我同Connie & Jeffrey咁，等佢開門做第一批食客。

冒名而黎，當然係試佢既名物印度咖哩啦。咖哩由銀壺奉上，雖然料唔算多，得幾舊雞，但咖哩汁極香，微辣；日本米粒粒圓勻有光澤，為碟咖哩加分。

Jeffrey試新野，叫左時令既牡蠣咖哩，細細既蠔係由宮城縣產，咖哩味道有點唔同，略帶酸而且有點椰子味。

惠比壽：Bar Gianni

以前同奶奶合資意大利料理「繼之介」既光頭日本partner，自因收樓結業後，又響過兩個街口，開多間"Bar Gianni"；我地又係捧場，又係踩場。

地方唔大，以白色為主色；形造比較cozy既聊天環境。

間Bar由三個後生仔主理：店長，酒保，同埋一個大爆炸頭配羊咩鬚廚師。

是晚奶奶交帶落，寫左Set menu：

頭盤Sampler - 迷你蛋批，餓肝醬on toast，醋醃墨魚，香菇，洋荵煎鯖魚

黑豚肉碎義大利粉，硬度剛剛好

主菜：香煎黑豚扒，好香軟有豬味，但配菜略嫌簡單左d

甜品：香草Pina Cotta，配酸酸既暖紅莓醬

是晚飲料：蜜桃汁

細微地方見到心思，例如有貓有狗既叉托，杯杯唔同設計既咖啡杯.....

惠比壽：Baccarat Eternal Lights

步出JR經過長長既電動行人通道，就係惠比壽Garden Place。

本來以為個拱形頂會有燈光點綴，但意外地竟然無。反而下面吊左盞有250燈泡組成，全球最大既Baccarat水晶燈。加埋兩旁既樹燈，又係另一種聖誕氣氛。

花樣男子貨車

其實係東京街頭既流動廣告，宣傳電影DVD出版日期。

獻給睇左呢套電影後，中左松本潤毒既Jacqueline。

渋谷

對呢個區既印象係：永遠人山人海。

行人既年齡層比新宿細，但又無裏原宿咁潮。

JR駅前，老好"忠犬八千公"像，亦應節地被人帶上聖誕帽。

與其行百貨公司，寧願逛逛街，欣賞個別有心思既型舖門面。竟然比我地發現，「小肥羊」開到過黎日本，而且店舖有兩層，門面一點都唔失禮。

本來一心想黎參觀新開的地鐵「副都心線」，安藤忠雄設計既太空船型地鐵站，但因入錯入口，所以只可到達太空船底(即月台上)，無得一覽呢個超cyber地鐵站，有點失望。