老乾杯

Charlotte的台灣朋友Marco響呢間燒肉店打工，促使我地四條女臨入場前時間唔算太充裕都坐小黃黎幫襯。

地址有點難找：光復南路280巷44號，大路落車要穿過其中小巷先別有洞天，安靜的小路上有數間特色食市。呢間日式燒肉店集團，因其中一間分店"大乾杯"在台劇"敗犬女皇"中出現過數次，而最近多左好多港人黎朝聖。

帥哥Marco見我地趕時間，主動過黎幫手由頭燒到尾；而且整張單打個8折，每人NT$950，香港食唔到既抵食高質數澳洲和牛：

厚切牛舌(NT$480)，本日限定和牛組合(NT$1180)

背身肉牛排(NT$580)，霜降豬肉(鹽味)(NT$220)

海帶芽海苔沙拉(NT$150)，乾貝海苔燒(NT$260)

乾杯泡菜三兄弟(NT$120)，鮭魚親子釜飯(NT$250)

特雞3種組合(NT$380)，菇類組合(NT$180)

飲品數烏龍茶Sour既大大顆冰球賣相最吸引；雖然令到飲品volume減低不少，但可減慢冰塊溶化而溝淡杯野。

甜品係帥哥私人醒既：豆漿布丁，芝麻布丁，鳳梨雪葩。

網址：http://www.oldkanpai.com.tw/index1.html

台北小巨蛋

下午4pm就到達演唱會地點，台北小巨蛋。

因為飛輪海身為觀光局代言人，但凡海外粉絲黎台聽演唱會，可憑護照/登機証，及演唱會門票排隊換取飛輪海既悠遊卡(即台版八達通)，和佢地既為觀光局錄製既CD"Famosa"一張；限量3000套，唔駛錢兼唔算排得耐，算係好康贈品。

隔離更有飛輪海紀念品賣，我只係好selectively地買左製作精美，又有實用價值既樸克牌。

入場門前既7-Eleven，更將以佢地為封面既Men's Uno推埋出黎以獨家贈品清埋d貨尾。

整個演唱會，雖然同澳門既歌一模一樣，而我同阿二亦都係坐右邊側台第一排，但今次係超級無敵握手位。莫講話有機會佢地4個輪流響我地面前close-up獻唱，甚至大東及吳尊先後坐落黎欄杆上；你地兩位送上門，唔出手抽水我仲係人黎既？

吳尊一家坐在我地後4行：老爸，家姐/姐夫及一對小外甥。

演唱會嚴禁攝影，放眼望去亦唔見有人舉機，所以我都打消影相既念頭，安心欣賞個show及索油。唯有Charlotte兩晚下來冒死影左數十張放上facebook，要睇大東既白髮魔人look，唯有借沙律facebook的wallphoto一用。

樂麵屋

演唱會當天Charlotte念念不忘永康既牛肉麵，所以我地再到食市臨立既永康區黎個"連環食食食"。

永康牛肉麵既清燉半筋半肉高級黃牛麵不用再介紹，反而首次試既"粉蒸排骨"雖然有點辣，但排骨肉質捻，而且底下既地瓜好入味。

冰館，叔叔我必點既芒果草莓冰。

「樂麵屋」

呢間又係阿John既好介紹，連日本人都讚地道。特地設計菜單，讓客人自行勾選湯頭濃度以及自行選擇麵條，可說是為每一個客人量身打造專屬的拉麵；如果有選擇障礙的人，真係會研究大半小時都order唔到碗麵呀。

好大碗既原味豚骨拉麵(NT$180)，湯底"濃厚"，1.6mm細麵，中等硬度。另外可免費追加麵條，只要留下湯底，師傅就會加上現煮細麵，以免麵條泡軟；非常細心呢。

另外，東京一口餃：名符其實的一口，小巧又精緻。餃皮酥脆，內餡還添加特殊食材，咬下去香嫩香嫩。(NT$60/6隻)

下次到底要帶既多個胃去永康區？

好記擔仔麵

玩左一整日，行程最後一站黎個地道擔仔麵。

以往只係識度小月，呢間遊客絡繹不絕既「好記擔仔麵」原來係另一間古早名店。

地點有點隔洩，位於吉林路長春路口；捷運由忠孝新生都要坐小黃過去較方便。

門口一大堆人對住d餸菜樣本點菜，有點似打冷的感覺；但樣本標明當天即銷毀，好唔環保，如果日日都用既display，與其用新鮮食物，倒不如花點小錢做個樣本好過。

此店主打的擔仔麵，賣點係用50斤草蝦熬製的鮮味湯頭，而且20年來不加價NT$35(咁廿年前咪好貴？)。日賣2000碗，免費續湯續肉燥(如果續埋麵就真係變"吃到飽")。一上麵就先試啖湯底，果然好鮮既蝦味，不過肉燥就唔夠度小月味濃。

另外點既送麵菜，都好新鮮：

大蚋仔冰(全國最大的7號蚋)，五味九孔(台式古早味.活九孔蒸熟急冷.沾台式五味醬)

海峽透抽(即墨魚)，石頭活海蝦（鐵鍋）浸泡好的活蝦再用火燙的石頭再30秒內悶熟.建議原汁原味免沾醬料味甘甜

超嫩粉肝(是熟的，但口感好似食刺身咁滑，唔粉亦無喳)，燙山蘇野菜

環境懷舊得黎好娘，最緊要係食材新鮮，讚!!

網址：http://www.hawji.tw/main.php