La Vie Avec Amusement: 06/01/2010

HP7 Trailer現身

追左個故事咁多年，隨住小說年前出了結局，失落左好一陣子，電影變成我地一眾HP迷唯一期待既餘韻。就算明知電影會比原著刪減甚多，都一樣義不容辭地入場。

第7集因為本書實在太長，首部曲今年11月上畫，最尾既一半，就要等到明年7月。

Official trailer剛出街，先睹為快：

故事真係一部比一部黑暗，當然，兒童故事，最終都會大團圓。

紅樹林

Annie變成廖太既視頻供應商，為左"收貨"，約埋Virginia同Moly去上環文娛中心對面，338 Apartment地舖的港式西餐廳"紅樹林"小聚。

地方唔錯，味道普通，最大特式係平：晚餐$58-$128，但加$10多一份。洋荵豬扒大大份，寧願精緻少少份量少d，但埋單每人唔駛$50，服務又唔錯，不能太苛求吧。

整晚既話題，竟然係"美男"張根碩!! Virginia變超級fans，打算追到韓國，Annie話唔迷都跟人地住W Hotel，佢朋友響電梯口用英文讚了句"good show"時被人家開心地回了句"I will be back"(唔通阿美男細個時睇得Terminator太多？)

晚晚開波

商場真係識做生意，呢排世界杯，好多人屋企未必有cable，新都城商場就晚晚set定大電視招待街坊。

次次晚飯後落地鐵經過，一大隊麻甩佬企聚集，好不熱鬧；前排更有凳仔招待購物滿某個額既人客。都不失為一個帶旺商場，延長營業時間既好點子。

近在咫尺的檸檬愛玉

近月來周圍都開左好多"貢茶"既分店，梁師奶樓下新都城商場就有一間。台灣過江龍，款式多到有點似"天仁茗茶"，主打既貢茶，其實係以綠茶、紅茶、靑茶或烏龍茶為底，上面再淋上以林鳳營鮮奶打成的奶泡。價錢唔貴，大都是$15以下，而且大大杯，size大過Starbucks的vente，好抵飲。

吸引我既反而係檸檬愛玉，之前既珍珠奶茶店甚少有賣，台灣之外都未見過。$12唔算貴，甜度可以自行決定少甜或無糖，加上蓋印卡的買10送一，相信我會變成fans之一。

網址：http://www.gong-cha.com.tw/

映"雨"樓

台灣的阿佩黎香港，特地為左聽日上廣州參加吳尊的Ponds活動。有朋自遠方來，落更大雨都要抽時間食餐飯；冒住大雨，2pm到文化中心映月樓飲茶，貪佢週末有傳統點心車。

食既野其實都係傳統點心，美心集團味道會比稻香的好；可能呢度無下午茶時段，加上天氣奇差，全場只有半滿。服務態度算殷切，值得一讚。

無"肉"之夜

上星期布拉格食得太多肉，短期內唔想再見到；尋晚同奶奶，Connie佢地再上Piann度，向肉say NO!

Smoked Salmon Quiche，頭盤黎講有點飽肚

Cream of Pumpkin with Cashnut，同上次一樣，好creamy好滑

Sauteed Clam with White Wine，肥美的蜆，加埋白酒汁，好鮮

Watermelon Sorbet，夠消暑，如果遲d真係有日本白桃sorbet，更加要試

Fillet Fish of Grouper，肉厚；雖然望住奶奶佢地食美味鴨腿都好吸引.....

Chocolate Mousse, Coffee

成日比個妹蝦既黃波士。

仔仔的新Rejoice廣告

繼小豬同曾愷玹的愛情3部曲後，新版本的仔仔篇也在香港出街了：

其實Youtube更有內地的一分多的加場版：

奶奶，要轉用飄柔嗎？

送多16G

因為iPhone 4G將出，公司抽獎所送的3GS 16G全市斷貨；經Apple左撲右撲，終於secure到20部3GS，不過只有32G兼白殼。

唯有upgrade份獎品，每部多$500送多32G比得獎幸運兒。第一時間通知了已經中了獎的奶奶。

給自己的手信

捷克盛產石榴石(Garnet)同水晶，買手信比朋友之餘，無理由唔送比自己：

Garnet十字架鍊咀(約HK$500)，Garnet耳環(約HK$600)

Praha BLU買的鵝蛋型水晶，裡面好似有3朵深藍色Iris花咁，好靚(約HK$180)

猶太墓園前的小攤位買的鐵造玫瑰(約HK$60)

機場上機前都唔放過既深紅色手繪水晶小杯，好可愛(約HK$140)

另外，公司同國泰給的好康禮品：

為左今次Global Franchise Summit特別訂製的真皮文件夾

來回都有不同款式的Agnes b飛行小禮包，內有b仔眼罩同牙刷呢

意外地多一天

坐左咁多次飛機，第一次發生"撞機"意外(touch wood呢d真係可一不可再)。

話說架機響布拉格機場已經駛出跑道等起飛，忽然"chok"左好大一野，聽到後面鬼佬shit聲四起，跟住空姐視線向窗外望.....頂，有架貨機翼竟然撞到我隻既機尾，佢隻翼就90度撬起左，而我隻機尾更出現條大裂縫。

駛返terminal，大家好無奈地pick up件大行李，湧到Lufthansa的counter排隊等候法落。數百人等，開得兩個counter，如果我唔係坐business class排得前少少，真係幾個鐘都走唔甩。有d同事轉飛倫敦返美國，我同台灣GM Jessica則決定多留24小時，次日同一班機再飛過。