Grappas Luncheon

約左鬼佬business lunch，懶得行就樓下意大利餐廳Grappas黎個lunch meeting。

周圍滿滿的落地玻璃窗，夠光猛。

Set lunch選擇唔多，意大利菜大都碟頭大，所以為免太飽肚，食魚至上：

Salad: Cherry tomatoes, artichokes, bell peppers, fetta cheese

Main Course: Red snapper, green pea mashed potato and sun-dried tomato pesto ($168)，魚肉比較實，反而底部的青豆薯蓉幾特別。

Coffee

台版b仔Catalog

日本雜誌送袋差不多已變成必然，大家為左買贈品多過買書。

家陣連台版Agnes b catalog也大玩呢一招，就當地The Flying Heart呢個logo，隨Catalog附送個上膊袋連鐵扣。












旁邊個"招牌"，係Agnes b女士本人既相，幾特別。
無拉鏈依然敗筆，更敗筆係個袋闊度需夠，但唔夠深!!
唔車番條拉鏈真係有點難用。

要錢定要套？

廣告中，我的新Fujifilm F300EXR相機首批送價值$399的"真皮"皮套。

買後等左幾日個套先到貨，結果發現膠盒上印了製造物料為"PU"，上網一查，人造皮是也。

做開Marketing兼身位消費者既我，打去Fujifilm的Customer Service反映廣告誤導讀者，結果今日CS回覆，批廣告稿時確實疏忽了，提議有兩個方案：

1：唔太介意個套既物料唔係真皮的話，繼續用

2：拿去灣仔的快圖美會代收返富士，等Fujifilm出cheque refund廣告上呢個機套既價值(即$399)。

(我隨口問有無第三個方案，個CS好攪笑咁話：接受佢地誠心既道歉!)

掙扎左好耐，個皮套確實幾型仔，雖然大部份時間我都係用另一個雜誌送機套放入包包中，但偶然去旅行吊響頸上，呢個套好good fit。

但$399對原價$2880的相機黎講，係15%discount，又唔係經常用呢個套，回贈幅度幾吸引。

到底要錢定要套？比你揀，你地話呢？

伊籐

Regional Regulatory的老朋友Glenn黎香港一日，數月無見，請佢落公司樓下日本料理"伊籐"；此店一向刺身壽司都頗有水準，只係店面較細，平時好難book位。
刺身定食($200)，附小型雜錦天婦。
壽司定食($200)，十件黎講，唔算平，但用料賣相巧究。
附送的甜品：牛奶布丁。









12:45pm前埋單有85折，計落平過湖舟。

銀善存帶你"奔向彩虹"

鳳飛飛為台灣銀善存拍的新廣告，殿堂級阿姐改篇手本名曲，有綽頭。

中國時報【葉宜欣／台北報導】

「帽子歌后」鳳飛飛最近拍的善存、中秋禮品廣告熱播，其中〈奔向彩虹〉歌聲及華麗舞群，令觀眾大感懷念。她擔任年度代言人千萬酬勞，死忠歌迷的支持讓客戶對她寄予厚望。

兒子港腔國語化為喬段

要求完美的她拍廣告也毫不馬虎，善存廣告改編〈奔向彩虹〉一曲，廣告公司花了兩個月和她討論，她說：「歌詞要文雅，用台語念要合韻腳。」她還與編曲老師一小節一小節的確認，和聲、配器都要經她審查。廣告服裝量身訂作，知名舞蹈老師張勝豐編舞，她指定在香港錄音，「歌是我要唱的，這樣唱起來才有感覺。」製作費高達500萬，工作人員說：「這已經是在拍MV了。」

拍中秋禮品廣告在兩天內跑遍桃園機場、九份等６個景點，還是走「兒子國語不標準鬧笑話」的路線，她說長年住香港，兒子國語有港腔，「豬隻不分」，因此與製作團隊討論出這支廣告。原本希望她帶「鳳子」演出，但她認為兒子不是專業演員婉拒，導演特地找香港年輕演員扮她兒子。

中年粉絲收藏人形立牌

雖然合約載明一天工作不超過８小時，但她擔心戲服、舞台裝易縐，拍攝時幾乎全站著「防縐」。她的廣告人形立牌、海報都是她已經中年的粉絲收藏品，早向店家「預約」，活動結束就搬回家。善存導演吳念真讚她青春不老：「我相信歌迷看了廣告，也跟她一起重返美好年代。」

海南少爺

世貿中心新開食市，主sell招牌海南雞飯($88)同龍蝦喇沙($138)。

既然係主打，就試個海南雞飯睇睇有乜特別。

去骨海南雞，肉質算滑。除左酸辣醬，薑蓉同黑醬油外，另有一小碟蒸蛋，上面舖了皮蛋醬，好特別。

雞湯用茶壺上，自己斟落盛了幾粒杞子的杯內，唔油膩，不錯。

$88呢個價錢唔算平，世貿租貴，呢個價錢有$30係為左海景而付的吧。

安全地帶演唱會

本來對呢個演唱會無甚期望，因為早前玉置浩二完全不在狀態，香港站開得成都要還得神落的情況下，有得睇就好。

玉置大叔繼日本同台下歌迷鬧交，醉酒訓地發台瘟，台灣演唱會取消，香港站算狀態回勇，夠氣夠力。

新相機的15x果然真係唔同，但發覺要用埋閃光燈先會清析，否則no flash的話因快門較慢，會爆晒光；secu望實既情況下唔敢咁狼死狂拍，下次預先較好快門速度，入場再試。

博覽館著實頗遠，唔計車費，散場時人潮要輪候機鐵走都夠煩，但d"國際巨星"來港多數book呢度，真係侷住。

Simplylife @ IFC

要去博覽館聽演唱會，最方便容易就時間就係到IFC食飯。適奉奶奶生日正日，食好點，到IFC以前Canteen快餐的位置，另一間無敵海景Simplylife晚飯。

坐落既商場高尚左，當然價錢亦都"高級d"；無所謂既Dinner Set，但選擇無疑多好多，而且味道亦比太古城店質數好d。

Jumbo lump crabmeat cake with harissa ($138), Ceasar salad with soft boiled organic egg and herb coutons with grilled chicken ($127)

Frisee salad with mustard dressing, lardons and onsen egg ($112), Risotto with pear, walnuts, gorgonzola and rocket ($148)

Homemade squid ink tagliatelle with cuttlefish and bell peppers ($138), Fetuccine with truffles and mushrooms in cream sauce ($138)

接力排隊

被死人Wow的鬼安排，要10月1日參與飛輪海見面會，就今朝9am前到灣仔世紀酒店Neway排隊。

沙律對呢個function志在必得，早到6am多就到達灣仔排隊；咁早都排到上天橋頂，死味!!

佢個傻婆竟然最重要既Wow會員証都忘了帶，等到我8am接力後就衝返屋企拿証。足足響橋頂吸左個半小時塵，好彩今日有點風，而且有部PMP煲劇解悶。

9:30am拿到籌，245號，但每張籌可以最多4張証，分批返黎買碟兼劃位，我地那個號碼安排到1pm先返黎。經沙律人肉速遞到阿二office，第3棒交比阿二早點閃人過黎劃位。

一個function要勞煩咁多人力，4子最好做場好戲比我地睇!

新一季日劇入荷

秋季日劇陸續完結，襯lunch的士到筲箕灣一口氣買了11套；呢度買雖然轉接了點，但勝在平($15 vs 北角之前的$25)。

有排睇，努力!!

$500送三杯

無好著眼既promo，只係今日買咖啡時瞄到Starbucks卡上面的細字先知，呢期做緊推廣，為張星巴克卡增值$500，就送3張新出的口味Creme Brulee Macchiato中杯，計落都過百。














11月2日到期，可惜我10月份有一半時間唔響香港，所以只增了一次值，飲唔到咁多。

FEAST @ EAST

中秋節收3pm。下午黎個division lunch，到附近太古城開業數個月既EAST Hotel，1/F的"FEAST "食個半buffet(即頭盤和甜品自助，main course餐牌上選其一)。

可能假期前，滿座之餘頭盤區初期大排長龍，所以我同Kerry調轉個flow，先攻甜品：Ginger Chocolate Cake, Apple Pie, Raspberry Mouse, Bread & Butter Pudding, Creme Brulee.....

頭盤的Quiche和煙三文魚好味，但parma ham嫌太乾。比較特別的係用非洲couscous加烤雞作沙律，口感特別。

主菜portion非常大，雖然味道唔差，但大部份都係較油膩。

Roast Turkey, garlic mash, zucchini cannelloni, jus; Pan-Fried Golden Sole, roast sweet potato, chilli mustard yoghurt

Korean Stir Fried Baby Squid, white cabbage, Chinese chives; Lamb Kebab, chunky fries, garlic yoghurt

咖啡非常唔掂，得個苦字，毫無咖啡香。

$188/3course meal；個人覺得唔及Buttefield。呢個價錢，寧願去遠少少，到油街Hyatt Harbour Grand食buffet好過。