北乃寮旬の料理

水明館的懷石，無論賣相同味道，都比早兩晚的優勝；當然房價亦較貴。









每一道菜的秋味甚濃，紅楓葉裝飾，銀杏葉形狀的炸物，最特別的，都係天婦羅上的整條生稻米拿去炸，令到生米變成爆谷，點鹽來吃!!












味道有點似冬瓜，又似節瓜的蕪，伴鮮蟹肉和本菇。









水壺舞茸魚湯，加點青檸汁吊味，鮮!!












當然唔少得刺身，燒三文魚，同鐵板燒飛騨牛。










相比之下，反而甜品的果物顯得最無心思。
食飽無耐，都有能力黎多罐Suntory Premium Malt!!

下呂溫泉

日本三大名泉之一(另外兩泉就係有馬，和之前去過既草津)。

由飛騨坐個多小時巴士就到達下呂。今次住的水明館，位於JR火車站旁，規模頗大；連大浴場都有三個，除左可以分散人流之餘，各有特色。有的具備露天觀音池，有的位於最高的9/F，有點展望台的效果。
老板係奶奶日文老師的朋友，屬家族生意，有數十年歷史；走廊掛滿數年前日皇夫婦到訪下呂入住水明館的照片。

襯未入黑，到附近所謂的溫泉街逛逛。先要經過一條頗大風的橋，加上當日得幾度，真係好寒。橋上望落去，竟然見到有個露天風呂無遮無擋，而且竟然有人赤裸裸地浸緊!!雖然佢手握雨傘，但真係佩服佢好勇氣，唔但止係無懼途人眼光，更加無懼寒風刺骨。

五十客限定手作蕎麥麵

手信店內舖，寫明限定手作soba，每天50客(那我地都去左佢1/10量了吧)。












門口有的式陶瓷soba set的模型，其實menu選擇唔多。個人喜歡坐tatami蓆，舒服點；其他人就懶得脫鞋，寧願排排坐木凳。
冷Soba (800yen)，份量唔算多，但食得出多蕎麥，因為麵質鞋口。當然食罷老板娘會比一壺煮麵水，等我地加落食淨的醬油當湯喝。

高山陣屋+朝市

陣屋係加賀時期的政府機關，入場要420yen而且唔係特別多野參觀，所以只係門口望兩野，無入內。









陣屋門外每朝7am-12pm都有朝市，擺賣的多數是生果漬菜，而且價錢同舖頭賣的差不多；對遊客而言，都係望既多。

高山SUPER Hotel

住高山兩晚，第二晚大家都慳少少，唔住一泊兩食的溫泉旅館，轉去車站旁新開的連鎖hip旅館SUPER Hotel。












差不多乜都係自助，登記比現金的話，可以過隔壁那部機自己入房錢；出的收據上有房號及門口密碼，唔駛拿住重鎖匙。

門口同時有枕頭同浴衣架，唔岩房內枕頭的話，可以自行落黎揀，唔同質地唔同軟硬度齊備，好貼心。而且女住客更可以挑選5款小禮物，由travel size洗頭水/護髮素，facial care，面膜，起泡綿等乜都有。









房間超的式，所謂2-3人房，其實係張double bed加碌架床；未睡過上格既我，感覺新鮮。不過走廊位極窄，兩個人住轉身都有點困難，真係好難想像3個人點住。












麻雀雖少，五臟俱全。早餐有點似學生飯堂，但buffet選擇唔算少，有部自助熱飲機於早餐時段免費供應咖啡/可可/綠茶等。而且，更細都有個溫泉水hot bath，誠意可嘉。但就只得一個細池，男女要分時段浸。









房價？2-3人房盛惠6980yen，想點？