再一次証明.....

當年去Istanbul開會，買過幾盒當地名物Turkish Delight糖返港，大家都嫌好甜只係試左一粒就放棄；唯一會稱此糖果為"極品"的，只有裕利陳生。

聖誕期間，發現超市會引入一些平時唔會carry的貨。其中屋企樓下惠康竟然有久違了的Turkish Delight!

之前索價$68，記得唔好食，所以唔捨得買。聖誕過後，清貨價$19.9.....好，用平價重溫土耳其那異國風情也不錯。打開時真的要十萬個小心，以免糖粉四散；試了一粒，再一次refresh了memory，真的太甜!!!!

真係有d野，只有回憶中先會覺得回味。

估佢唔到

同事Johnny一番好意響上環買左盒外母推介有口碑既臘腸，諗住比我地試試。明知平時帶乜返去都會被梁師奶彈到一肚氣，為免浪費同事的好意，唯有心領了。點知返黎提起，佢竟然話正想買條靚臘腸食吓，問我點解唔要喎！

黐線，我做左佢個女幾十年，從未見屋企會有任何醃肉出現，如果我唔提起，根本佢都唔會真係買吧。 到我真係帶返去，佢又會嫌肥，嫌防腐濟，嫌紅色素，嫌致癌物質........天蠍座真係難服侍！

忽然好想食

尋日食緊個傳統pound cake之際，就想起小時間好鍾意既"雀目牌雪糕蛋糕卷"(Birds Eye Artic Roll)。

以前係淺黃色外盒，見網上話2008年英國relaunch過，但印象中超市好耐好耐都未見其蹤影。

到底香港仲有無得賣？

自製Green Tea Latte

無印買的即沖抹茶粉($32一大包)，本來可以齋落熱水，但今朝買了高鈣奶，叮熱了加3羹，奶味重了點，但冬天感覺不錯。

$16的一片Pound Cake

余經理不時都借d意請我地食野，下午開完會返黎見到有個b仔cafe盒，就知又有食神。

一打開，吸引眼球既唔係各式花巧mousse cake，而係"實而不華"的傳統牛油pound cake!

"乜Agnes b會出d咁普通既cake咩？"忍不住衝口而出。

既然咁"特別"，就揀佢黎試試，到底$16一片的pound cake是否好味d。

答案：同莎利蛋糕無乜分別。














不過都係要多謝余經理，唔係佢買，平時絕對唔捨得以呢個價去食件咁普通的蛋糕。

有得回樽

聖誕節Charlotte比左兩張近期MilkTop coupon換領香滑北海道牛奶布丁。

雖然好好味，但食罷對住個小玻璃瓶發愁：環保箱唔回收玻璃的，留起來又無用，扔掉又對北極苦苦求生的北極熊唔住........

結果打了去MilkTop詢問，原來他們可以回收返廠消毒再用。我寧願帶返去比佢自己心安理得一點。



















其實化妝品牌Cle de Peau同IPSA都有回收自家空瓶的service，雖然唔會再用，但起碼送去另外的設施recycle；我亦都不厭其煩地用完拿回去比佢地。

其實每人做多一步，北極熊就唔駛餓到食自己同類了，點解香港人可以大大聲宣言"我好唔環保架!!"，而毫無慚愧兼唔臉紅呢？

"自導自演"簽書會

元暢的寫真"自導自演"舉行簽書會，3pm開始，2pm已經要落樓下排隊了。

場內fans唔算多，百多人左右，而且無乜靚妹，所以全程無尖叫聲；大家都太"文明"了，少了氣氛。反而係d記者哥哥又企梯又舉機，阻住晒。

好準時開始，玩了兩個所謂遊戲，文字訪問媒體採訪，真正附合商場消費$800可上台簽書的，只有50個上下。到底係商場宣傳唔夠？定係佢人氣不如當年？

但相對地，無Secustar，人唔多唔駛太趕既情況下，感覺好似台灣function咁，可以同佢多點交流多講兩句。無準備到Centrum送比佢，唯有整句：剛看完你的"歡迎愛光臨"，很讚! 搏多點eye contact。

整個function 4:30pm就完了，送走埋佢先施施然返上去放狗；多左本簽名版寫真(同之前買的連DVD特別版只是封套唔同)，無花任何冤枉錢，正!!

續灘：
High Tea Set @ Towngas FLAME

因為奶奶唔能夠join我地到尖沙咀食晏，所以飯後過返銅鑼灣的Towngas FLAME黎個英式下午茶($150/2位):












上層：鮮蝦牛油梨撻，意式甜椒蒜泥多士，牛肉咖哩角，煙鴨胸蘋果卷









下層：紅桑子凍批，迷你朱古力瑞士卷，蛋白杏仁餅，藍莓芝士蛋糕









Espresso









呢個價錢，論款式及質素，很合理噢。

奶奶的日本賀年版手信，謝呀！

Aropa

Boxing Day約了Connie & Jeffrey他們在K-11的這間標榜著地中海菜的西餐廳Aropa食晏。本來期待會有點特色菜餚，點知提供的兩款lunch set都只可以定位為味道不錯，賣相精美，價格略高的西餐。









Lunch Set ($128)

Crabmeat Chowder Soup(蟹肉周打湯), Seafood Risotto(海鮮燴意大利飯) or Baked Barramundi with Sundried Tomato and Tuna Paste(乾蕃茄，吞拿魚醬焗槽魚柳), or Coq au Vin(法式紅酒燴野雞), Chestnut Parfait(栗子芭菲), Coffee or Tea


Executive Lunch Set ($198)

Crispy Crabmeat, Vegetable Cake(香脆蟹肉雜菜餅), Baked Sea Bream with Candie Orange and Cream Spinach(橙香海鯛魚柳配忌簾菠菜), Panna Cotta with Lime Mango Sauce(意式奶凍配青檸芒果汁), Coffee or Tea









呢個組合，正正係黎緊5月尾的"旅伴"，討論左幾個目的地，結論竟然係我剛去完的布拉格！市內我真係可以充當步行的導遊，但今次不能隨行的奶奶，一定扁嘴吧。

Gaudi風黃金屋

去過西班牙巴賽隆拿，都會對Gaudi呢個建築師唔陌生。

K-11好有諗頭地用佢那獨特建築風格做今年聖誕deco既主題。

好浮誇，但好靚。

b仔cafe食龍島cake？

無錯，真係咁都得!!









尋日係沙律生日，阿二約左佢晚飯；我就飯後出黎join佢地甜品。世貿的b記cafe意外地無乜人，不過阿二手上已買了細細個龍島cake幫沙律慶生，無有怕既佢，竟然問b仔伙計："可否響你度食第二家的cake？"












結果我地只要各點了飲品，就可以坐低切餅了；而且他們甚至比埋瓷碟同鐵叉我地，真係好服務。

細細個的Hazelnut蛋糕，唔太甜，面同底既酥皮好脆，讚!!









臨時買的迷你薑餅b仔人比沙律，$138/12件，個個唔同造型。

我點的Turkey & Sweet Potato Soup，伴湯既小麵包好得，但個所謂湯就杰到似Baby Food，只能剩下一半，無能為力。









沙律送的Evian x Issey Miyake礦泉水，好"重手"，竟然要壽星女送禮物被我，真係唔好意思。

$800的簽書會入場券

元暢於27號響梁師奶樓下商場攪簽書會；近成咁，唔去都對自己唔住。

商場請得佢黎，當然要為商戶賺營業額；今明兩日消費滿$800(分兩張單，每張起碼$100)，就可以換活動入場券，獲贈佢本"自導自演"寫真(雖然我早已買左)，同埋可以上台簽名。

本應要買的卡巴斯基防毒軟件renewal pack，特地拖到今日先買；另外$600的單就靠之前落左訂買GF2的中原，比我多落點deposit刷多$600單。所以嚴格黎講，我都無為個function多花了冤枉錢。

到換領counter等開始換票時，帶埋烏烏去排隊；睇佢一臉無辜既表情，好疑惑點解佢唔迷元暢都要被拖落水般。