魔幻8號風球

沒期望下一覺醒來的8號風球，套舊同事在臉書的一句：普天同慶過聖誕節！捱得過12:30pm可以放足一整日，更加可喜可賀。

無線明知大家早上也會開住電視留意風暴消息，特意播"魔幻廚房"，我地呢班當年入場睇過N次的旭迷，重溫呢套差不多可以話"陪佢一齊拍"既電影。
 
如無記錯，當年應該有睇咗11次之多，其中三次係言生在坐，再當中一次更加係遠在台北京華城粉絲包場，剛巧和奶奶及阿丁當地旅行時無啦啦撲到票進場，攪到身上台幣用盡返港......總之就係對個故事厭到，買咗DVD都只係塞埋一邊，無興趣開既地步。
 
事隔多年，颱風假下重溫，反而覺得好懷念；雖然對言生熱情不再，但當年那些蒲在Ritz Carlton的夜晚，凌晨在拍攝現場睇拍片，參與黃埔的宣傳活動，一班廖太入場多次撐票房，都係很好的回憶。

2012巧婦

去完溫哥華present budget後，老板都一早講明要等所有國家交晒條數，先會決定我地明年既數字。明知有消息都只會係壞消息，果然明年要我當一個超級"巧婦"，怎樣在"無米炊"既情況下做到有增長......

呢個只係第一步，唔到12月隨時再變，睇睇阿公今次比幾多家用我明年煮煲大鑊飯吧。

Late Lunch/Dinner

梁師奶整日都忙教會既野，我就順應要求告假一天看狗。懶得落樓下食野，等到6pm帶烏烏到西貢時先到Ali Oli Bakery整左個Bread & Butter Pudding($28)當late lunch(真的很late那種!)

返去服侍完皇帝仔吃粒粒後，閃出銅鑼灣約了Annie和Virginia又到飯堂SUN晚餐。三條女不約而同都點了冷麵：綠茶冷赤麵($53)，泡菜冷麵($68)，稻庭冷烏冬($76)。

其實今晚主角，係用SUN VIP卡分數免費換的冷賞松葉蟹腳和原條鯛魚刺身，另外的也是海鮮為主：端上來時有點腥的鹽漬燒鯖魚($58)，鮑魚天婦羅($78)，和甜品牛奶布甸($29)，芒果布甸($32) 

半價的假像

因為阿二有VIP卡可以5折點a la carte menu，所以少有地到世貿中心10/F Ruby Tuesday幫9月生日的舊同事慶生。價錢係半價discount前的餐牌價，但碟頭無如意大利式餐廳Fat Angelo's或Amaroni's Little Italy巨型，所以其實唔算平。

超高卡肥死人不償命的美式食品：Jumbo Lump Crab Cake($158)[這個係唯一較有水準之作，條條蟹絲真材實料]，Potato Skin($98)，Caesar Salad w/Garlic Sauteed Shrimp($168)，Clam Linguini($188)，"Triple Play" - half rack ribs/fried shrimps/chicken nuggest($288)，特價Deep fried squid($38)

還有甜到爆既飲品dessert：Hawaiian Sunrise Smoothie($62)，好彩飲到一半佢肯拿去加碎冰溝淡d；Warm chocolate cream with ice-cream duo($88)，5個人share到嫌大件，甜味掩蓋了朱古力香。

當香蕉遇上拖肥....

Starbucks新出的甜品：Banoffee Pie($26)，banana+toffee，聽見都覺得肥；但外型實在吸引，點都要試食一次吧。

其實個朱古力mousse幾香，無預期中甜；中間的幾片香蕉也甚薄，不過頂頭的一團cream，無比罪惡。個批底同美心的芒果撻如出一轍，大家也是美心集團，相信Banoffee有$11是那梳化/租金/品牌的代價。

博多道場

世貿中心3樓的九州風食肆。

同Annie兩個人因為較早食晚飯，沒有點小食，簡單點，來個

溫泉蛋伴牛筋飯($78)，Annie話感覺好漏，幾番努力下仍剩下小半碗飯。

麵豉湯拉麵($68)，湯底濃厚，麵也直直的似麵線多過似拉麵；唯獨叉燒有點敗筆，雖然厚切，但肉質一點都唔鬆化。

舞台劇"月老"

拉闊劇團改篇九把刀的"月老"成話劇，雖然是小本製作，班底亦都是二線，整體算做有誠意之作。

完場後各主配角也出來讓我們合照。最愛這個配角刀疤男的造型，原來佢係拍安信兄弟廣告的，唔怪得知有點臉熟。

現場有售刀大簽名的"月老"小說，雖然我已經睇左，而且索價$100/本，當支持劇團，再買來收藏吧。尋晚刀大有去撐場，怎麼今日下午不來呢(小失望)。

一盅兩件摸茶壺底

週末下午約了Debbie到上環看話劇，先到附近老式廣東茶寮"蓮香居"來個一盅兩件：鴨腿湯飯，馬拉糕，炸雲吞，沙翁，唔想食真翅都唔怕既碗仔翅，腐皮夾；香港還有推點心車既地方唔多，呢度價錢好親民，但老伙計同點心阿嬸就好有"傲氣"!

飽到上心口!!

住在東龍

除夕台北很多酒店也喪加價，如果近101附近的，有房都會係之前一晚的兩至三倍！

好彩比我網上查到，早兩年住開的西門町東龍，唔單止有房，價錢超抵：雙人房NT$2100(Sun - Thurs)至NT$2240(Fri - Sat)，除夕那晚都是NT$2520！就算要付30% deposit，也很合理的價錢（還包了上網呢）！

二話不說，立刻傳真了Reservation Form hold了間房；現在要研究的是，除夕那晚要怎樣迫去信義區，看罷煙花又怎樣回酒店吧。

台北誇年

拷定了!!

12月中Shirley返港度假，約埋佢到年底到台北誇年，睇101煙火!!繼續用mileage換機票，時間比較好的要12月30號到，1月3號下午返港(也好，買鴨翼比梁師奶晚飯；呢樣係唯一佢唔會彈既手信)。

接著落黎要煩訂酒店，因為年底會好爆，而且31號會喪加價。如果唔住近101週邊，淨係回程迫去坐捷運也要花幾小時。機票攪掂就好，住的總有辦法!!

拷金蛋

老板們今日到了蘇州廠，一來慶祝那裡的科研中心開幕，另外內地的Caltrate Plus(他們叫"金鈣")今日launch。

所有經理和大秘書們都到了蘇州嚴陣以待，早上先來個開幕禮(借秘書們上傳的微博照一用)；下午3pm我們更會有個多小時的視像會議，和蘇州及美國連線添。

電腦哥哥早兩小時的現在，已經開始忙碌做set up及測試連線了。

紙藝主題餐廳

梁師奶今晚無飯開，4條女出中環搵食。西龍纤味，香港唯一的紙藝餐廳，位於中環士丹利街陸羽對面。主打健康上海菜，少油少鹽。但大部份人黎呢度，都係為佢既特別裝修。餐廳內大部份擺設都係carton紙造，天花水渠頂都藏了幾隻carton cats!!

五香牛肉五穀拉麵($49)，健康紅米炒飯($53)，牛肉皇帝菜紫米麵($58)，花雕醉雞($53)，雞絲拉皮($42)，古法燻魚($55)，加$10的甜品：紫米蛋卷。對食慣濃味既Annie黎講會覺得淡，但我地3個就唔覺無味。反而大家都認為那carton椅子坐得唔舒服，食罷hea唔耐就散了。

辣辣年糕在百佳

去年在樂天超市見到班架婆們爭相搶購的人氣小食：辣炒年糕脆條。

比我發現樓下百佳super store都有($7.9)，貨架上剩番3包都比我掃哂!!

亮亭

公司附近新開的拉麵屋，之前試過其拉麵，今次試梅子飯糰($22)+炸雞塊($26)。

飯糰size唔細，但紫菜唔夠脆(即叫即包我expect塊紫菜會脆口d)，中間的梅子醬頗酸。炸雞就做得幾出色，雖然少不免有點油。串燒只有晚市供應，但個位其實有點靜，收工要去居酒屋都未必留響太古坊啦。

早食晚餐

Annie同Moly特地入嚟club house游水和玩按摩椅，之後又到那"激安"日式意大利家庭餐廳Saizeriya醫肚。呢間排隊舖我們早到5:30pm入座先可以免卻苦苦等位，上菜又奇快，6:45pm便埋單走人了。

蟹棒沙律($22)，邦哥尼蜆肉鐵板煮($16)，水牛芝士比薩($26)，田園雜菌比薩($28)，海鮮意大利飯($24)。

無新意，但好味！

堂妹明日返溫哥華，約佢出銅鑼灣我"飯堂"Japanese Dining SUN食晏。

雖然唔能夠點晚市的鮑魚menu有點可惜，但我推介那很豐富的東京小町便當($125)仍甚有看頭，加埋海鰻蜆肉釜飯套餐($98)，很飽肚(個胃)很滿足！

要等到幾時？

闊別年半，吸血最終章上集11月中美國先開畫；香港慣例一定遲一個月排聖誕檔期，今次可否破例同步上影？

等到頸都長！

圍村$68小菜

9月廖太聚會慶祝大眾奶奶生日，有點新意去灣仔大榮華食傳統圍村菜。到步時老版韜韜正坐響隔離!!沙律收工趕到來時我們已經開筷，所以無入鏡。

榮華的懷舊圍村菜，很多都是均一價$68：圍頭五味雞(1隻)，南乳燒雞(半隻)，淮山雞茸魚肚羹，雞蛋焗魚腸，咸水檸蒸烏頭一條，圍村煎蜆肉餅，燒汁家鄉炸釀茄子

南乳生炒蓮藕片，家鄉蒸芋泥，金菰扒鮮腐竹，鮮魷馬蹄剁蒸肉餅，奶皇馬拉糕(4件); 那碟藕片初頭來的只有半碟，我們投訴比經理時，初初佢唔打算理我地，後來大家齊聲話po上blog謂"點解大家都係$68，蓮藕竟然會貴過雞？"佢先幫我地拿回廚房"加碼"! 

 

唯一一碟唔係$68的海鮮扒魚鰾($90)，和很美味但極罪惡的豬油撈飯(缽仔飯DIY撈頭抽及豬油)，送的甜品：麥米粥

殼多過肉

堂妹Anne溫哥華回來度假，約佢到梁師奶唯一滿意既跑馬地街市銖記晚飯。

 

 

 

 

 

 

 

 

 

 

 

 

 

 

 

 

 

 

 

 

  

梁師奶發的辦，幾乎同上次一模一樣：粟米魚肚羹，半隻風沙雞，椒鹽九肚魚，菜遠班球，楊州炒飯；我加的"怪俠一枝梅"($78)(話梅汁豬仔骨)，同因為梁師奶恨食蟹，點的薑荵白蟹($168)，其實用肉蟹咪好囉，佢又要慳d食細細隻既白蟹，細隻到殼多過肉，同百佳孰食檔貨色無分別。

瀰月屋

之前雜誌介紹過，既然行完維園從天后門口出，去清風街只係數分鐘，就去那裡黎個懷舊日式甜品。

室內一半係榻榻米，另一半洋式桌椅。牆上貼滿幾十年前的日本poster，播山口百惠的秋櫻，整個環境頗用心經營。

甜品雖然唔算平，但有特色：

我的琥珀冰流($38)，是冰鎮滑葛粉條，配以帶點話梅味的黑糖醬，透心涼!!

Annie的超吸引迷李西瓜果杯($48)；當中有幾粒西瓜果凍，不過唔夠冰涼。

維園中秋綵燈會

梁師奶早上要做義工，和烏烏兩姐弟在家煲了一天日劇，晚上閃出來陪Annie晚飯兼去維園追月。

今晚有點雲，月亮乍隱乍現，好彩手機都拍到張似樣的。

那綵燈晚會其實沒有想像中大型同靚，大部份主題係荔園我無乜共鳴，因為只去過一次，而且那時候已差不多關閉了，又殘又舊。(小時候去多數啟德遊樂場，和天光道壘球場)

只有那條話題的巨型燈籠金魚比較有睇頭，燈光會隨住音樂轉動。

八月(芳)中秋午飯

今日按公司慣例放3pm，但1pm食飽飯後其實可以散水。近近地，到樓下八月芳黎個"中秋午聚"套餐($1980)；基本上今日呢d公司飯多既日子，唔叫散點應該有排等。

點心拼盤：水晶鮮蝦餃，甫魚滑燒賣，家鄉咸水角
碧祿蝦仁蚌片，花膠瑤柱海味羹，清蒸雙老虎班，上湯杞子浸脆苗，玫瑰豉油雞，蟹籽海鮮炒飯，紅豆沙湯圓

最好笑係呢個蟹肉蟹膏燴飯係最先上，大家都肚餓地一輪衝鋒掃光，正想罵點解12人餐個飯細到每人只得兩啖......後來見樓上個炒飯到，先知呢碟應該係黎錯的，個侍應未回收得切就被我地班餓鬼擺平!!

因為余經理聽日牛一，特地為佢點個巨型拿破倫!!($58)真係有兩本牛津字典咁厚!!酥皮做得好脆，8個人食也夠。

十年前

十年前今晚，在香港攪的budget meeting，正在和鬼佬及新加坡同事到鯉魚門龍如晚飯期間，好友Gigi打電話來告知：紐約世貿中心被飛機撞上了......大家聽到也馬上停下了拆蟹的手，靜了數十秒。初初還以為是小型私人飛機意外，鬼佬老細立刻道："Let me call my wife"然後就打比美國的老婆用西班牙語了解情況。
 
在回程的士途中，陸續收到電話稱Pentagon也撞上了，還未到家細佬就好激動打嚟：家姐，世貿整棟塌下來了！今晚這一刻，當年電視機內新聞報導員一再強調："大家見到呢個，唔係電影片段！"還歷歷在目。
 
每個人也有對911的回憶，但試問那驚天動地的殺人行為，除了自此大家搭飛機時手提行李有液體管制，去美國過安檢時要脫鞋，在飛機上戲言"炸彈"二字也會來個緊急降落刑事起訴......世界又改變了甚麼？在地獄的拉登，你有反思過嗎？

魚的意大利發現

讀過台灣魚系列的德西，希臘及捷克旅遊手記，深深被佢既細緻插畫及親民的旅遊記事吸引。早前的巴黎及意大利版，因為上一間出版社已絕了版，到台灣誠品揾過都無。

無意中click入佢之前的網站，發現還保留了意大利手記的電子版！

http://www.fish019.com/travel_go.htm

每一個意大利城市，也在左手邊的tab分得很清楚，而且每個tab也有好幾章節，就算比書的內容精簡了，但已經令我興奮！

很想到意大利來個深度遊的我，下午開始慢慢細閱。真希望她的早前的巴黎及荷蘭遊記也可以上載就好了。