$9.9洗霉氣？

沙律今年超黑，早排睇報紙廣告見華潤堂竟然有碌柚葉沐浴露，攪野兼應節，一於買比佢一洗今年衰氣。

家庭裝實在太重，好彩有旅行裝做緊promo，一set shampoo+body wash都係$9.9，真係由頭洗到落腳趾尾。Popo用過話味道都幾好聞，賣點夠晒gimmick已經係歲晚送禮佳品啦。

仔仔賣的關東煮

好耐無見仔仔賣電視廣告，新的Family Mart關東煮，整整一分鐘，好溫馨。

身在高雄的Connie，要試試噢；均一價NT$10。

人有我有之藍貝

公司附近，如果話食blue mussels，大家都會想起比利時餐廳Belgoes。早排經過後街的麵包小店Pumpernickel，門外落地玻璃張貼出Winter Special供應"Mussel Hot Pot"，好奇心推動下，連同Debbie & Pauline食晏食豪d，一試虛實。












此Mussels Hot Pot索價$98，無薯條反而跟法包。下面象徵式有個小蠟燭暖著，鐵鍋細細，但塞滿鮮嫩藍貝；汁底捨傳統白酒cream sauce，用蒜香洋荵清湯，好味!!
另外既午餐，不過不失；最吸引都係個麵包籃。
Cream of Broccoli

Risotto with Sliced Pork Loin, Honey Ham & Bell Pepper in Truffle Sauce $80
Raviolo with Mixed Mushroom in Truffle Sauce $76

Daily dessert: Apple & Raisin Muffin with Chocolate Sauce
Coffee

味道雖則唔差，但侍應咀臉真的有待改善。

年會團體照

剛收到澳門年會的大合照。本來響酒店大禮堂影既，經退地key落個澳門主題背景後，感覺好剪貼feel；而且個個出黎個相貌都怪怪的。














個個仲要手握拳頭，黎個"1234567，多勞多得feel"，非常老土。














中間砌了個PCH字樣，即"Pfizer Consumer Healthcare"的縮寫。比去年哈爾濱的"雪地上的星星"，造型及創意略遜。

YY綠楊慶生

二月初生日既YY，連屋企養尊儲優的少奶奶Martha都蒲頭，我同Debbie，Ophelia及余經理伉儷也順道出黎聚舊。

多得奶奶借出的$200 coupon，同靠佢面子先有既免費甜品香滑腰果露湯丸，慳番唔少。除左每次必點既梅菜包，同encore了上次的蔥油薄餅，脆皮素鵝，蓮香一字骨，清炒河蝦仁，東筍片塔菜之外：

特地留了綠楊丁香雞($95)[其實似鹽水凍雞，細細碟索價近百，唔抵食]，外面難食到既工夫冷盤瑤柱荳板酥($70)

既臭又香口的炸豆腐酥炸千里香($90)，有點鮮亦有點腥的鍋塌魚塊($90)

煎素餃($80)

金平糖

無印既零食，價錢唔算特別平，但感覺係高質數同埋偶有佳作，今日發現有$9的日本懷舊金平糖，細細包，非常可愛。












金平糖是日本一種傳統的糖果，日本人通常多用在送禮的用途，祝福對方能有黃金平安深切又特殊的涵義， 就像折星星一樣，讓收到這份禮的親友們都能願望成真。

製作的過程也是需要繁雜的技術，師傳完全以純手工全程專注用心製作, 須隨時注意糖果的色澤、氣候的變化並加以不斷翻轉，讓形狀能呈現出凹凸像星星般, 每一顆的金平糖皆需要花費1-2個星期才能製作完成一粒一粒純手工的金平糖。
作法如下：
1、冰糖加入水小火煮乾製成蜜
2、在回轉鍋中加熱，邊放入金平糖果實的罌粒(現在是用大顆的白砂糖)
3、在罌栗糖中放入少量的蜜，一邊轉鍋子，會出現凹凸状大小的形狀。

雖然唔知道無印造的金平糖手工是否一樣咁繁複，但無得去京都買傳統包裝，黎個無印版過過引都唔錯。

IRIS

好少睇韓劇，除非套劇收視高企，心想差極有限，會好奇心驅使下買黎八掛。













呢套剛大結局不久，聽講人氣爆燈既韓劇，就係咁樣攝入左我日台劇既煲碟檔期中。

整套戲都係李秉憲既英雄主意特輯，佢型唔型就真係見人見志，個人覺得佢似北京周口店我們的祖先。但有如占士邦咁打不死就有點吃不消，大佬，幾枝槍加埋飛機霹擊炮射佢都唔受傷，太神化了吧。












而且個女上司比李生一個強吻，就由口口聲聲高叫："辦公室嚴禁戀情"，即刻發晒姣咁響會議室用腳撩人，真係無里頭。

南北韓懶高科技間諜片，整套戲有大半時間槍戰及追車，睇到好累。劇種有d似台劇"痞子英雄"，但老實講，後者處理呢類片種比較高明。須知道"虎膽龍威"+"叛諜追擊"既橋段，拖長廿多小時黎拍，唔係個個頂得順。

仲差5集，聞說個結局超級爛尾，係會令人爆粗；早已無乜期望，但求快快解決左佢。

"想入飛飛"演唱會DVD簽唱會

場地去到葵芳新都會廣場咁遠，而且仲要係室外!!

下午3pm開始，11am就同Charlotte，阿Man及粉絲朋友入去等待既zone排隊；好彩有樓梯左，係有點凍但唔算太辛苦。出去買野食同洗手間都算方便。

Josephine之前響商場銷費了$2000，拿了兩個VIP籌。好夠義氣既Connie，自己唔係粉絲放工都過黎陪Josephine，真係夠雷。

飛輪海遲左40分鐘先到。唱左兩首歌"出神入化"同"新窩"，同fans玩左個遊戲就開波簽名。雖然台上滿佈SecuStar，但都無乜暴力拉扯既場面。

本來話只收信唔收禮物，問Charlotte借個信封，將枝Centrum 30's飛盒套入去，果然順利遞到比汪大東。

佢初頭拿上手問我：甚麼來的？(邊問邊搖個信封，發出裡面的藥丸聲)

我：是善存

大東：善存噢......(跟住就被拿到身後的紅白藍收集袋) YES!!

另外吳尊都勁有禮貌，用廣東話對住我說：多謝，辛苦你們了。連Connie都話唔係佢fans聽到都窩心啦。

多得阿Man，特地響我前面力抗SecuStar既拉扯，同吳尊死講唔放口；等我可以多d時間響台上，多望大東幾眼。

魔鬼魚鰭

Connie被Boss同阿Moon的可愛近照吸引，一句"好掛住佢地"就安排左今晚去Piann私房菜的飯局；我地其實都係以食飯為名，探狗為實。
一段時間無去食飯，大廚Andy攪攪新意思，提供魔鬼魚鰭作主菜選擇；基於好奇下大家都點了新菜式，唯獨Connie穩陣地選黑毛豬。

1 . Bilic Salmon

2 . Cream of Broccoli with Gammon Ham
3 . Sauteed Snails in A Puff Case
or
Baked Scallop
4 . Tangerine Sorbet with Kumquat Peels，好清新。









5 . Iberico Chop of Pork 黑毛豬，Connie穩陣的選擇。
or
"Aust" Skate Wing 烤焗魔鬼魚鰭，美味。皮香脆，肉質一絲絲但好滑。骨軟到好似食雞軟骨。
6 . Apple Crumble with Ice-cream

Coffee or Tea
Cookies

Coupon自用

聖誕推出過$25 coupon後，農曆年出左$20賀年coupon；每疊10張價值$200，附送一張tall size free drink贈券。

一口氣買下3疊，唔係諗住封比人，而係留為自用。雖然個expiry date係May 31，但平時一杯咖啡加件muffin，或者夜晚口痕落去隊件cake都用得上。就係貪左3杯免費咖啡。














從環保角度，自用就寧願出張新年Starbucks卡每增值$200送free drink好過啦，唔駛用咁多紙。

泰豐廔

上次小菜王飯局既召集人，卡生既朋友Grace，再廣發英雄帖召集眾食客品嚐北京涮羊肉。

時間未到，等人時先同Grace到隔離黎個匆匆的Happy Hour：Frozen Raspberry Margarita $29；天氣又濕又侷，一杯冰落肚，超爽。其實贈送的snack Nachos都幾得，端上來的時候仍是微暖的。












泰豐廔酒家，40多年歷史的北京菜酒家；位於漆咸道29-31號溫莎大廈(赫德道入口)。高高的煙囪的傳統紫銅炭爐，望落都吸引，木炭來生火，感覺特別正宗d。
多款醬料唔算特別，但有花雕同白沙糖都係首次見。









有卡生在場，自攜餐酒就少不了。反而叫既食物唔算多：羊肉($140/小)，牛肉($140/小)，凍豆腐，鮮冬菰，枝竹，手拉麵，紹菜(各$28)，及一jar山渣茶($50)。

席中有人係熟客，送的前菜拍青瓜味道清新。另外送的高力豆沙就麻麻，皮厚唔夠鬆軟。
意猷未盡，再過兩街之隔，厚福街的"唐仁街"續灘甜品：宇時金治雪花冰($37)，抹茶雪花冰底，配抹茶醬汁，蜜紅豆，仙草凍，百香果椰果。 一餐晚飯轉3個場，都算充實；不過認識d唔同行業既新朋友，吹吹水感覺良好。