保育門檻

又係做2008 budget既時候。

因為Devon House既租約明年底到期，以防太古加租太利害被迫遷，我地都要預埋搬遷費落budget度。

今朝同finance & admin telecon時，見預左100萬裝修費，我多口問早兩年搬過黎Devon既費用諗住做參考，點之比finance manager寸：

你點可以用上次黎比呀？上次你地連舊既房門/門檻都搬埋過黎，呢d邊叫裝修？跟本就係皇后碼頭式既拆卸重建。

哈，吹漲。

如果今次再搬，我就發揮保育精神，示範個門檻點樣經得起再度拆卸重建！

殯儀












原來Michael同我都有一共同興趣：就係鍾意d死人塌樓野!!

佢響書展竟然買到呢本台灣出版既驚世巨著「殯儀」，睇完借比我公諸同好。

內裡有好多死人習俗，另類但有趣味。最頂引係後面有幾頁原本seal左，為免引起公眾不安既圖片，例如化死人粧實錄。

如果我響地鐵舉起呢本書睇，一定遭人白眼。

升"仙"....nior









同我同年入惠氏既細dee，今日升做Senior Sales Rep。佢入公司之前，大家響Upjohn都做過短短幾個月同事；哈，不過熟還熟，升職點都要照屈。
我地尋日都未通知當事人發生咩事，就已經叫晒d同事唔好買早餐；同佢製造一個"勢成騎虎"既局勢。

不過少少地，佢唔介意既。咁既理由請食早餐，我都想被屈多幾次。

超級失落

由尋日凌晨睇埋最尾既一句，合埋本書，一個星期天昏地暗，日日捧住本厚如牛津字典 600多頁Harry Potter既日子終成為歷史。

雖然都叫做幾大團圓既結局，但隨之而來既，係一陣陣失落。

太沉迷？我就未至於會由第一本再讀一遍，但就冇左每年期待新一集到手，急不及待翻開第一頁既興奮；一附"你咪阻我"表情掛於面上，日日開工等收工繼續返去Hogwarts；人在香港心在英國。

今日睇到明週講到出書後既瘋狂：

英國新任首相白高敦讚揚羅琳(作者J.K. Rowling)以一人之手，對打擊文盲而出的力比任何一個政府做得更多；然而在上星期六，她再作了另一個創舉：閱讀從來都是最最單獨進行的活動，但在那一個週末，世界千萬人在同一時間一起捧著一模一樣的一本書，一同與哈利踏上最後一個征途，分別而公同地對著書歡笑，驚嘆和灑淚。

講得好。

交響情人夢@無線












無記繼悶蛋「白色巨塔」後，就會接住播呢套去年尾日本收視冠軍既「交響情人夢」(のだめカンタービレ )。

超級爆笑，而且不乏古典音樂。

下星期日，8月12日晚上10pm。

唔好錯過(我都應該會有翻煲既可能)。

順壽司
位於城市花園，係我週末既飯堂之一；之前阿二，Alvin同Hudson都黎幫襯過。其實我尋日自己至黎過.......哈哈。

朝早做facial時，得知Connie下午都係book左黎做facial，心血來潮臨時約佢過黎炮台山食個晏。

Lunch set算抵食，$65-$100；加上我長有9折coupon。









仍然要返半晝既Connie，黎到時我地差不多係last order。我既咖哩炸蠔飯好快手，反而佢既天婦羅冷麵就等得比較耐。

以前壽司都唔錯架，不過轉左師傅後就失色左；家陣我都係多數食熟食為主。

Neither can live while the other survives......

第5集既預言，形容Harry同Voldemort最終命運：兩個只能活一個。

一個星期既不眠不休埋頭苦讀，終於都刨完第7集。

追左呢套書7-8年，由當初返加拿大度假悶極無聊，竹昇表弟Stephen借我頭3集開始，沉迷至今；睇到最尾一章，想快d睇完但又唔捨得。

Debbie, and those who want to read the story yourself，I suggest you do not read on.

早就知道主角Harry Potter唔駛死，既然兩個只能活一個，無理由兒童讀物結局會係大壞蛋Voldemort變最終勝利者，主宰全世界咁另類。

問題係：隨住故事越來越黑暗，繼上兩集既義父Sirius Black，同校長Albus Dumbledore之後，到底今集要犧牲邊個主要角色先可抗戰勝利呢？

好彩，傳聞中既Hermione & Hagrid唔駛死。

原來Dumbledore亦唔係大家期待中咁完美，今集會披露佢悲慘既家庭背景，同埋軟弱既一面。

我既至愛，亦正亦邪既Professor Snape，雖然上一集殺死Dumbledore，自己今集亦難逃一死，但最後100頁都為呢個"無間道"式烈士黎個大平反。誓估唔到，佢自小時就愛上Harry個阿媽！

今晚再睇明珠台播既第二集電影......

多謝









生日禮物加奶奶澳洲既薑餅人手信......哇哈哈，滿載而歸。

多謝晒，Annie/Daisy竟然搵到條純銀閃石既狗骨頸鏈，沙律既小波點Head Porter iPod nano cover，Connie既黑色Sports b靚靚黑tee(我真係未見過呢個款).......當然唔少得早在5月已經響大阪收到奶奶/阿二/丁丁既Agnes b黑星星化妝袋。

廖太@藍納泰

去澳洲風流快活左兩個多星期既奶奶終於都返左黎。龐大既11人廖太聚會，今次選左Lanna為我同Annie一齊慶祝生日。
初初比張好難傾偈既長枱，好彩後來醒半開放式間隔內既大圓枱比我地；雖然樓底太高有ｄ回音，但起碼大家都望到大家。

清邁乳豬，大蝦柚子沙律，炸蝦蘋果絲沙律，黃咖哩蝦球，青咖哩豬肉，芭堤雅燒餅，炸軟殼蟹米紙卷，“包羅萬有”炒金邊粉，海鮮炒粉絲，泰式海南雞，鹹魚炒通菜，雜菌炒椰菜苗........最敗筆係臨尾等左好耐既一味燒鯖魚，一放落黎已經聞到陣陣腥味攻埋黎。

$200 Coupon

多謝臣哥醒的$200 The Sun現金券，我同卡生晚上去食飯時平左一大截。
差不多9pm至入座，walk-in都好彩唔駛等好耐。

食物雖然唔係好食到誇啦啦，但以價錢比較，佢比「魚一丁」好味。




軟殼蟹拼大蝦牛油果壽司，紫蘇葉壽司，牛肉火鍋，雜錦串燒，松葉蟹腳蟹膏釜飯，再加多枝白酒同熱sake.......釜飯今晚比較失色，因為太濕唔夠煙韌。
轉左做新客忙到一頭煙既卡生，家陣對貴價錶品牌既認知朗朗上口；唔講唔知，估唔到Seiko都有過萬既手錶。

值得一讚

上星期梁師奶跟教會去outing前夕，至發現我過比佢既Sony T-1相機畫面全黑。見2004年買當時有同豐澤做埋延長3年保養，剛巧未過期，星期六就拿拿臨上銅鑼灣東角中心放低部機比Sony整(維修費事後可claim豐澤)。

唔駛兩日就已經有sms到，話部機有得取。今朝襯放假取機去。

放低到領取都唔駛等多過5分鐘。

職員有禮貌係預左，但最impressive係佢免費幫我換左個感光器，根本唔駛我動用豐澤既延長保養。

雖然細佬當時響旺角既Sony維修中心做時，話公司刻薄到媽媽聲，但對顧客黎講，就極讚賞喇。

中場休息

比3個男人用數字"蹂躪"左3日後，聽日誓死放自己一日假作中場休息。

Budget instruction剛出，黎緊一定更天昏地暗。

問我明年有乜比較有把握既新idea追生意，真係想提議不如將所有費用襯六合彩金多寶黎個大包圍，包中.........到時就成年都撟埋手啦；唯一既risk就係要搏是否一注中頭獎，起碼風險幾大有數得計。

呢個2008到數方案，有創意，不過一定比老細"小"。

困獸鬥下集

尋日聽完d唔同既ideas後，今日再深入d研究每個idea到底有無錢賺。

老細立場分明，亦都非常challenging。一句講晒，細微細眼野又無肉食既，慳返攪兩三濟大野好過。

岩既，我地人唔多，專注d去諗幾個大型campaigns，好過辣太多火頭，兩頭唔到岸。

個個都話新老細阿John同Paul少作風好唔同，佢個人睇野仔細好多。無話邊個style好定唔好，Paul比既自由度大d，但只比大襠而唔會指點我地細節；John就肯花時間睇唔同層面既野，要求比較深入。

我永遠覺得跟唔同老細都會學到唔同既野，挑戰雖然升級，但樂趣唔同。

下個月都走唔甩要飛兩次上海，月底嗰次仲會參加大陸office既team building activity：睇索拉奇藝坊!!之前我只睇過Allegria同Saltimbanco，今次上海公演既係Quidam.........YES!!!

困獸鬥

今日只可用"開會"二字黎形容。

老細John，三舅父Keith同財神爺Ivan一齊殺到。我一早8點返到公司清Emails，余經理已經響度，睇黎佢非常緊張呢。

因為人多，我地book左奶粉部樓上，CR&D (Clinical Research & Development)位於Lincohn 13/F既會議室作困獸鬥。除左我外，John & Ivan都係coffee addict，我就假公濟私地叫Debbie order一壺Starbucks坐陣，不停為我地加油。

我就當然係近乎全英對白，一個上午就將2007 First & Second Half Review做完。下午係Kenny & Michael既表演，不過用廣東話；其實阿John聽得明廣東話，只要唔好講得太快。

準5:30pm收工，明早再埋身肉搏。

下午既working lunch只食左半份三文治同一枝水，餓得我呀.......

一睇再睇

卡生想睇Harry Potter，我亦都唔介意睇多次，於是隔一個星期入戲院翻煲。

1:40pm UA朗豪坊。

因為而家日夜捧住本第7集苦讀，有好多情節都係回應番電影第5集既場景，所以睇得份外投入。反而卡生頭一個鐘就要努力回憶番d人名。哈，書中人名個個都頗翹口，而且d魔法咒語又係用拉丁文，我讀過原著當然容易follow對白，但對卡生而言一定會有d亂。

如果電影同小書唔係相隔兩集而係相隔一集，一定會更容易幫我re-collect久違了既人物情節。

Thai Ochids@朗豪坊

約左卡生睇戲，先去朗豪坊搵地方醫肚。

公司樓下都有既Thai Ochids，大sell憑戲票星期日全日有8折，於是我地就係咁樣揀左佢。


商場內半開放式餐廳，我地由12pm-1:30pm既個半小時內，都係得4枱客咁大把，真係懷疑佢為唔為到本。$78任點任食，雖然味道好普通，碟頭勁細，但款式唔算少：炸蝦餅，春卷，魚餅，泰式鳳爪，柚子沙律，串燒沙嗲，臘腸炒芥蘭，冬蔭公.......如果食量大既人，都算抵既。

千呼萬喚
Harry Potter and the Deathly Hallows

3月中已經預訂，今日一做完facial就撲出去銅鑼灣「開益」取書。

預料中，成本牛津英漢字典咁厚。

一書在手，急不及待入將軍澳陪烏烏一齊苦讀(應該係我讀佢聽)。

未來幾日將會日夜攬住佢做人。

愛情，兩好三壞

台灣「誠品」買的九把刀作品。初初以為作者係個女既，點知原來係個貌不驚人既麻甩男。

撇開偶爾既台灣用語，故事結構比香港好多無病呻吟既所謂才女作家明快得多。





手心流汗。
面無表情的上帝已站在投手丘，向我投出兩個好球、三個壞球。
緊緊握著球棒的我已別無選擇，只能瞇起眼睛。九局下半。
我的人生是出局結束，或是上壘繼續，就看最後一次打擊的瞬間。
無論如何我都不能再放棄。即使那是個沒有觀眾，沒有掌聲的球場。

《愛情，兩好三壞》的主角只有兩男兩女，這是一段四角關係的故事，每個人用程度不一的心機，猜忌並追逐愛情。

當中更有之前讀既《等一個人咖啡》主角穿插其中，黎個小小既cross-over。

為左下午取既Harry Potter結局篇，今朝響Starbucks打躉苦讀埋佢。

德家

趕完下星期present既powerpoint後，終於都透啖氣出黎食個飯。
漫無目的地同卡生響金百利蕩左幾層，結果揀左8/F「德家」食一個日式燒肉。地方無疑坐得舒服，食物亦新鮮，不過份量超細。兩人叫個$188特上拼盤(牛舌，牛排，牛脊肉)同雜錦辣泡菜，都係細得可憐；追加既厚切牛舌，香荵牛脊肉，同雜錦石頭鍋飯，至勉強夠飽肚。
呢間餐廳隨左牛外，好似無乜其他肉類賣。

比較特別係叫既韓國燒酒"真露"，25%alc，餐廳建議飲前先湛過青瓜絲，果然係有淡淡香味；有趣。

15%的Mission Impossible


下星期一，二殺到既上海三兄弟(John, Ivan & Keith)，尋日臨放工比左個難題我：就係brainstorm有乜方法令明年net sales升15%!!

聽到第一個反應係有d想爆粗。

因為以呢兩年既艱難經營環境，15%=mission impossible

不過回心一想，任何老細都會比個自己心目中更高既數字落去，等大家榨乾所有既creative juice，先至摸到底牌。未嘗唔係一個附挑戰性既遊戲。

當然，呢兩日我地幾個就沉迷於數字遊戲中，玩物喪智，欲仙欲死，面無人色......

探病

堂大佬簡直好似受咀咒咁。兩年多前堂大嫂子宮癌40歲就過世，去年佢阿媽就患末期肺癌(好彩而家仲健在)，今日得知佢老豆即我五叔，剛從溫哥華返港就因氣促入左律敦治急症，初步段定有輕微心臟衰竭。

等梁師奶去完outing，我約埋佢殺上醫院探訪。

五叔一個人食緊女婿買黎既粥點，精神唔錯，瘦左一個碼。我都睇怕係有家族遺傳心臟病架啦，除我老豆外，大伯二伯都係心臟病死；四叔五叔亦係嚴重心臟病患。

患癌既五嬸因為身體虛弱，出入要輪椅代步，所以無法探望。

梁師奶一年多落黎既義工訓練，令佢對住五叔都好pro咁安慰之餘不忘傳教。睇黎師奶都係有練過的噢!!

佢有lunch食，我無!!
梁師奶今日隨教堂有outing去港島南區，為左唔想烏烏miss左餐晏，我就自告奮勇利用午飯時間撲返去將軍澳餵佢食粒粒。

唉，佢就有粒粒食，我就要遲d返到office至可以咬個包。

人不如狗。