一年前的除夕

聽日就出發去中山開年會。還好今年有咁多人陪我過除夕。唔會覺得咁傷感。

去年除夕，Daddy已經病到連吞藥丸都好困難。除夕夜我陪佢到11點幾至走。臨走時Daddy叫住我，伸出手一邊同我握手，一邊同我講: "女女，Happy New Year"。

其實當時每晚我走幫佢熄燈既時候，佢到底係乜野心情？

可能係本年度最爛電影

因為MCL贈券諸多限制，喺揀無可揀既情況之下，迫住同梁師奶下午睇情癲大聖呢套垃圾！

論特技，同西片差幾皮；但又太賣弄ｄ爛特技，有ｄ位真係攪到似卡通片。檸檬同阿Sa更加不之所謂。如果我要比錢入場，真係劃凳都似！！

睇完出黎都係３點幾，陪師奶帶阿烏烏去行公園。個衰仔要抱到差不多坑口至放佢落黎，然後行返屋企。真係少ｄ臂力都唔得。









結果都無買到假髮，因為連ｄSalesmen都無乜興趣；總唔可以得我同Martha兩個發癲架。都係玩水晶紋身算啦。

1/2日工

清埋d假，今明兩日都放半晝。

下午返工d野好似有d陌生咁，放左太多日假啦。

過兩日中山年會晚宴既主題係"Fashion"；總之你認為潮既就可以，無特別dress code。於是Martha提議我地一齊帶假髮!!臨放工我地兩個閃落去海光街旁一間party配件既小舖試左好多款假髮。我鍾意dread lock(即古烈治頭)，覺得好型；但佢地話太似大種乞兒，否決左。有個黑白既Rod Steward頭比較自然，我唔駛扎起個頭帶都可以。
















Martha則鍾情金黃爆炸頭。

但因Debbie & Daisy誓死唔帶，所以都係睇埋聽日d Salesmen玩唔玩至買啦。費事徙錢。

帶假髮都總好過真係要扮Lolita呀；一把年紀，仲獻世咩!!

Rain加盟百事家族記者會
鳴謝Jeffrey的Rain相









Connie真好彩，寄兩封去百事抽獎兩封都中晒。所以8pm佢同Jeffrey，再加我&Jacqueline一齊柴娃娃去會展Hall 3睇show。









Annie都有去，但佢唔係變心，只係幫萬人迷老版揸機影DV。

個function遲左成半個鐘至開始，只有50分鐘左右。不過睇得出百事好落本。出場企喺巨型百事球體加煙火效果；中段既懷舊街景再加阿Rain坐住藍色飛機出黎，比起F4既場景真係正好多（同９星見面會有得比）。









講真，Rain本人比言生識做人。自動自覺做好多posts+表情比傳媒影相。有幾幕甚至唔駛Derek同宋芝齡在場自己帶班dancers跳。

進場時見到Xaxa，後來至知原來Popo都有去。

散場後Annie仲要留埋錄記招，真係難為佢， 揸機揸到手指尾抽筋。

日本之旅行程

都差不多係時候要決定一月既行程。

睇完戲約埋奶奶&阿丁，4位tripmates去The Sun食lunch兼商量東京既行程。基本上都係我同奶奶講既多。不過去之前點都要介紹同行既我同學Annie佢地認識。

裏原宿，表參道，新宿，吉祥寺，下北澤，六本木山，銀座，築地，池袋，上野，淺草........比晒心理準備佢地，會行到死；有得抖好抖。

希望到時唔好咁凍。

Harry Potter

實在唔可以帶住無睇呢套戲既遺憾去開年會，所以就算早場都殺啦。

9:30am皇室，零願同Annie坐隔一行既單邊，都好過一齊坐頭兩行咁辛苦。











新既校長Dumbledore，搵魔介個白頭佬黎演，真係唔多慣。身形瘦左之外，對眼無左前人既慈祥，亦無左Hogwarts Headmaster既威嚴。最抵死係耐唔耐有d講美國音添呀(汗)!!














仲有，肥仔Neville Longbottom呢集瘦左好多，長得仲高過Harry!!

最無走樣都係Hagrid, Prof. Snape & Prof. McGonagall。

同上集一樣，片長關係故事cut左好多。原著Triwizard Tornament好多緊張既細節都無講到。如果無睇過本書，都唔知跟唔跟到。

不過as a Harry Potter fans，點都會繼續支持。

Agnes b - La Maison sur L'eau














銅鑼灣利園附近開左呢間賣travel items既店。La Maison sur L'eau 法文譯作The House on Water。有d如luggage tags，note books，眼罩等都係其他Agnes b無既。仲有花店Agnes b Fleurists（糧尾婚禮既花都係呢度出品），外面有個小露台。Store design係好似ｄ歐洲小boutique；雖然carry既貨品唔多，但上去打個轉都既好feel架。

小肥羊-勁羊的一餐

聽YY講左好耐，始終都未試過。因為如果有唔食羊既人，唔會忍受到咁酥既味。

約埋Connie, Annie, Jeffrey & Nicole(Connie朋友)一班食羊既人去銅鑼灣廣場小肥羊試。









羊既選擇好多，不過其他野就好似謙記特色d。叫左個清湯底，都落左好多藥材落去。d味濃到連醬油都唔駛點。另外仲叫左個特價既烤羊排骨，好似新疆菜帕紗既水準。












結果成晚連平時必點既牛肉都無叫過。

之後仲落樓下試埋一間叫Gusto的gelato。無XTConIce咁creamy，但無木田園咁甜。

聖誕日，安息日

渾噩了大半日。

想了一些事情，或者應該放棄一個唔值得珍惜既朋友。對別人好唔一定要有回報，但起碼應獲得尊重。嘗試過去溝通不滿既地方，但換來的不聞不問，失望難免。

買左Vanness的猛龍VCD，雖然唔覺得會好睇，二叔既戲，點都支持吓啦。

同大猩猩＆杰倫過聖誕

約左Annie & Charlotte去Palace APM睇6:10pm King Kong。坐到第一行呀，好在ｄ位夠闊至無咁辛苦。套戲真係無乜冷場，但頭兩個鐘都算誇張，除了隻大猩猩外，連恐龍同巨型蜈蚣都出埋；加上勁多特技，我以為睇緊Jurassic Park添呀。

哈，我真係覺得隻猩猩幾似演台版白色巨塔既吳孟達噢。









坐到腰骨都直埋後，同廖太Annie碰頭一齊去APM內的Teppan食late dinner。












兩個Annie終於都碰面啦。因為唔係有好多時間，飯後我地再到老好Starbucks食甜品同飲杯應節既Gingerbread Latte。









11pm APM已經濟滿人。 我地只可以在樓上一層望個大電視。 人多到企左唔駛一陣就汗流浹背啦。隔離仲有ｄ死靚妹，成晚把口都未停過。如果 Carmen響度，一定發左火喇。









先出場既鄧穎欣，唔單止唱兩首歌，再玩兩個低ｂ遊戲拖延時間。係南拳媽媽同杰倫出場ｄ人情緒至開始高漲。倒數完後，杰倫再Solo左兩首至散。









多謝晒Annie同Charlotte既禮物！

惠氏X'mas Party

好耐無著過裙返工，應該都有2-3年喇；今年既dress code係"Dress up"，但因為呢兩日太凍，所以都係咁意著件閃d既top算數。其實好多人都係同平時返工無乜分別。












今年喺深灣遊艇會外面搭建既帳幕度攪。好彩有暖氣，唔係想像中咁凍。而且感覺幾特別。適逢今年惠氏20週年，門口仲每人有枝印有"Wyeth 20th Anniversary"的Waterman原子筆；真係大手筆！












西式自助餐。同往年唔同，就係今年有慈善籌款。練GM Penny都唱左首“我的驕傲”黎籌左$2500。仲有位新同事著長衫表演琵琶添呀（真係好似連女子12樂坊都出埋）！

竟然輪到我今年囉10老人獎座啦。抽獎我就無份喇，不過Michael, 無去但有捐款既YY同Debbie都有抽到。

姐弟裝

每年一度都會拿呢頂數年前同公司去加洲迪士尼買既米奇聖誕帽。 都咪話，真係每個人見到呢頂帽都會笑架（其實可能係笑我白黐！）












哈，Connie竟然買左頂小型既聖誕帽比烏烏。 我晚上同佢搏鬥左好耐至幫佢帶上。












順便晒一晒梁師奶既溫暖牌頸箍

千辛萬苦撲戲飛

因為做冬，全公司去西苑包左間房開6圍食晏。食完就可以散水。

第一件事就係飛撲去Palace IFC排隊買戲飛。點知24號Harry Potter得返d好散既位。唉！無計，馬上再坐地鐵去Palace APM。轉完呢個九曲十三灣既自動電梯上到去，簡直比條人龍嚇親！打晒蛇餅仲要條龍一路伸延到十幾米外。咁都要排啦。我真係未試過為左買戲飛排足一粒鐘隊。

皇天不負有心人，結果都買到King Kong(雖然係第２行前座）。本來對隻猩猩無乜興趣，但口卑好似好好咁。

睇完都會成９點多喇，順手訂埋食飯既地方；費事到時餓住去同阿Jay倒數。

又多幾罐「氷結」

上星期阿Paul喺度唔方便，今日下午閃左出去中信既海都同Alvin食晏。哈，又收多８罐「氷結」；都唔知訂幾箱黎香港，到底係比我定比醫生做gimmicks！雖然我下兩個星期去東京可以狂飲，但咁遠水路攪咁多手續＋酒精稅運過黎，寧舍好飲ｄ架。

行出中信條長天橋都真係好鬼大風，又對住個海，真係難為日日要行去返工既人。

惠氏今年全球生意理想，所以今日全世界所有affiliates同時宣佈：凡唔屬於PIA (Performance Incentive Award, 即我年尾到數分既bonus)或sales incentive scheme既所有back office同事，今年會發放一個One Time Bonus，相等於一週薪 i.e. Monthly Basic Salary x 13/52。雖然唔關我事，但都好呀，大家都多筆大利是過新年。

仍在上海Office

朝早9:30am Leo Burnett來做pitch。佢地仲好過尋日間agency。7個裏面有6個香港人，仲為左呢個pitch，自發地做左一個200人的research來analyse concept testing；好認真噢！！而且毎個人的presentation skill 都好強，人人操流利英文&普通話；不禁懷疑：香港D人材唔通真係全部北上？！

不過佢地有個Creative Team既人講左兩次話之前見過我，但又唔recall邊度見過，可能大家有ｄ Common Friends喎.......咁奇？我完全對佢無印象喎！

這裏的advertising agencies，不單是doers，佢地簡直係business partners。幫你做埋strategic planning，唔單只係收order做野咁簡單。

最impressed係聽到Leo Burnett話：Ask yourself if this was your own business, would you do anything different?雖然惠氏香港既GM Penny成日都有講呢句，但出自廣告公司既口，真係有ｄ感動！

見到呢度ｄ人咁高水準，自己真係要多ｄ時間學吓做ｄValue-Added既野，唔可以再做operation level既野原地踏步。

因為下午3:30pm仲有Bates China，所以無同三舅父佢地食lunch，落去老好Starbucks grab個三文治同杯Toffee Nut Latte上返去會議室check Email。(呢個po頭一半都係喺嗰度寫架）
上海Starbucks的薑餅人












Bates 一有比較簡直比下去。Present得好亂，而且advertising platform毫無新意。我聽左一半就要出機場喇。

早左一班機9:45pm便到；但要落去好隔洩既港龍Office取回被沒收既Swiss Card......

又到上海

同Martha坐早機去上海.真低能,自己唔小心塞埋片「十字牌軍刀」入手提;當然被没収.回程仲要返港龍counter攞.

今次住古井的Holiday inn,比上次的酒店新.









上0ffice之前,我地先到隔離的梅龍鎮廣場勿勿食餐上海菜.









不忘去Starbucks買杯啡至上去.下午3:3Opm第一間agency係Saatchi & Saatchi. 連CEO一行7-8人來present.比香港我地用開既Bates認真同pro好多.連demo TV廣告都做埋.個會一開就4小時.當中有4O分鐘係Paul既意見.
Martha要趕夜機返港,所以要先走.












我自己在公司下面的南京西街逛左一陣,應該只有O°C左右,身唔凍,但對手好僵.坐的士去歩行街再去「永和」食牛肉麪和熱豆漿. 雙手至有返D知覺!!

狂煲日劇版的流星花園

日本星期四晚剛做完最終章，download晒襯今日出唔到銅鑼灣決定一口氣煲埋佢。

故事比台版更濃縮，將漫畫d情節抄埋一碟上枱。好多感動位刪減晒；例如花澤類由巴黎返黎攬住杉菜，連：點解我愛的人不是妳？咁經典既對白都無埋。直頭變左一個勾二嫂既花澤類。我唔係仔迷都覺得仔仔做得好好多。

為美嘉而駐足

本來只係想去萬寧買電心，店內Plasma TV突然奏起熟悉既前奏，原來因為美嘉新出album《BEST 最嘉精選》而Sony plug首雪之華既MV。呢首歌由上年台劇「求婚事務所」用黎做其中一個單元既插曲時我都幾鍾意。再加上美嘉今年做埋Nana，點都捧吓場啦。結果喺店內徘徊左成首歌至走。電心反而無買到。

警察叔叔辛苦了

真係唔明，玩到咁大，除了難為咗班警察同比足料傳媒交功課外，對會展內開會班人，有乜野大作用？!

D農民比世貿欺詐係好令人同情，但害佢地既唔係香港警察。日日好似唔做場show就對唔住嗰7000幾旅費咁，跳落海游兩嘢仲要水警將佢救起包保暖氈送返上岸，到底achieve到ｄ乜野objective?就算好似上次自焚連命都唔要，亦唔會因為一個人犧牲而改變到會議既結果。

倒不如多ｄ利用媒體將世貿對貧困農民既禍害向世人宣傳，用民眾輿論壓力希望做到一ｄ改變好過啦。

真係難為奶奶呢個禮拜屋企同公司都無日安寧；奶奶，聽日無乜野都唔好出街啦。

臨近聖誕，銅鑼灣既零售業真係多得世貿唔少。世貿到底對香港有無實質利益就唔知，但好似未見官先打三十大板咁。

疑問：ｄ示威人士同警察對峙咁多個鐘，唔駛食同唔駛去廁所？

MS Duo

Scandisk 1GB剛剛減左價，都係$525咋。

今次日本之旅應該夠影啦卦。

阿丁部Sony T-9真係好正，防手震同我部T-1影夜間時有好明顯分別。

哈，可能今次我會對住ｄ食物狂影！！返黎真係要放日假黎ｐｏ相都似。

又去上海

無錯，係臨時決定既。

話說阿Paul臨lunch time時彈入黎問下星期一/二，上海office有3間廣告公司黎做Centrum pitching(即係我地share左d research info比佢地，等d唔同既廣告公司sell我地可以用乜野角度promote Centrum)，應該會有d新insight比到我。我都覺得會學到野，二話不說就應承左上去。單身寡女，誰怕誰!!

可能阿Paul來回上海香港飛得多，叫我飛上去好似叫我去新界咁隨意。Martha有家室，又就黎放大假，所以只有星期一day trip即日來回；真係帶個手袋同張回鄉卡就得。

上海而家-2至3度。夜晚都係向羽絨低頭出Sogo買左；搵左好耐至搵岩件slim D既。反正去日本都要買，是但啦。更唔怕凍都唔可能著件薄cashmere長褸應付呢ｄ溫度架。

元暢昨日"幸福"的簽到

我簽 故我在 幸福 與大家分享 呵呵(好久沒有寫文章嚕)
昨天 07:10 下午

幸福
多數人能一起感受到快樂
平凡之中有非凡的幸福
愛，不等於幸福
付出愛，也不是一種幸福
感受到到付出過後的感動，是一種幸福
幸福其實很簡單，也處處可見
只是我們懶惰
我們習慣於對小幸福視而不見，而盲目地追求大快樂
要幸福喔 不是祝福
要幸福喔 是ㄧ種求生本能
如同呼吸，是ㄧ種每ㄧ個人都應該要會的生物本能
我不要忘了如何當一個人，因為我要幸福

奶奶的玩具

今個月係Daisy & Moly生日；有d新鮮感去杏花村稻香食飯。









奶奶帶左佢剛買既新玩具Fujifilm Pivi，可以將手機既相用紅外線射過去print張2R出黎。真係幾好玩架。香港買約$700+，但有鋰電同相紙送。計落同日本買差不多。相紙都係$40 X 10張；唔算太貴。日本唯一機身多d顏色揀。

第一時間將上面張相print返比兩個壽星女。










又一段大頭蝦小插曲：當我差不多返到屋企時，Manhattan credit card centre打比我，原來我連card都未簽就大安指意閃左!!! 結果咪好低能地坐地鐵返去簽card找數囉。差d廖太們食左霸王餐添!!(；°○° )

新Office越坐越凍

座數低左，已經無以前咁光猛。加上冬天4點多就天黑，余經理今個星期又比我一腳伸左佢過Bangkok上ELP (Executive Leadership Program，係比d senior managers上既training course；好野黎架，無點佢！)，office更加靜局。反而難專心做野。

下午閃左落去海光街Teresa Festival買蛋糕比班女食。見到薑餅人明知比Starbucks貴好多都引唔住買黎試試。雖然無咁甜，但我都係鍾意Starbucks既有Smarties。不過話時話，就算Starbucks既薑餅人都加價加得好離譜：上年＄８，今年係＄１２！！足足５０％。我Centrum/Caltrate都唔夠膽咁加啦。

同Mion姐慶生

遲左成個月先慶祝，因為大家都夾唔到時間。以前Upjohn既舊同事，仲有聯絡既，除左自己條舊草之外，就係呢幾條女喇。 我地每個人生日都會出吓黎吹水。自己入左惠氏都１０年啦，十年前既同事........聽到個數字都有ｄ驚！Upjohn被收購左兩次而家都變左Pfizer一部份，連間公司都無埋；所以我地咁多年都keep到一年見幾次，都算係難得。 Marinda係以前Sales Dept既秘書，Suki係我地Marketing既秘書，Mion係HR......至於癲婆Carmen，係我見過至惡既receptionist（亦係令我立志將來退休後做呢份dream job既人）。

因為唔敢去銅鑼灣，唯有去太古城食我見到都有d驚既上海野：王家沙!!
Marinda & Suki

Marinda由海怡出黎，巴士當然勁塞車啦；成個鐘頭有多先到。所以無乜事都唔好坐巴士經灣仔 嗰頭。好彩公司唔再返集成，如果唔係一定用多成倍時間坐巴士。



今個星期，都睇怕要喺東區出沒嚕。