如果一星期後才出發.....

睇怕我同Connie都好唔得閒!!

話說台灣去完永康之後我地路經中正紀念堂。當時見咁中式既建築前在搭一個大型白色布幕。我地已經奇怪點解會有d咁唔協調既佈置。誓估唔到.....竟然係星期五LV既function；嘉賓仲有元暢同阿Rain添!!!! 如果遲幾日出發，我同Connie都可以撈埋佢兩個囉。

今日見到報紙既相，赫然發現LV竟將外貌莊嚴既中正紀念堂攪到.......只可以用一個服字黎形容!!!

一公升的眼淚

之前聽細佬話呢套日劇勁好睇，去台灣買左VCD同小說。返黎襯long weekend立刻開黎煲。

套戲唔算韓劇式既催淚，但不其然令我會更珍惜生命，珍惜自己擁有既健康。

本劇根據真人真事改編而成，劇本來自原作者木籐亞也(附注一)生前的同名日記小說《一公升眼淚》，本劇描述了現實中14歲就患脊髓小腦變性症(附注二)，到後來不能說不能動的木籐亞也的前半生。劇中麻生遙斗陪伴著池內亞也慢慢走過，實際上是根據木籐亞也的母親木籐潮香女士，因女兒生前希望結婚談戀愛卻未能如願要求劇組添加的架空人物。

今年15歲的池內亞也出生於一個平凡而幸福的家庭，一家六口每天的生活雖然平淡卻很幸福快樂。從小就是好學生的亞也考上了自己心儀的高中，原以為從此光輝燦爛快樂的人生正等著自己，沒想到卻患上了不治之症─脊髓小腦變性症。慢慢地，亞也的身體機能開始不受控制，走路無法保持平衡，經常跌倒，甚至不能好好寫字，看著這麼沒用的自己，亞也哭了一次又一次，當她哭著問醫生“為什麼病魔會選上我？”的時候，更是讓所有觀眾潸然淚下。

在家人，以及喜歡的男生麻生遙斗的支持下，亞也下定決心努力無悔地度過每一天，不給自己的青春留下一絲遺憾。

另外，此劇的目的並不是讓觀眾一起哭泣流下眼淚，而是希望通過亞也，讓觀眾從中得到勇氣，努力生存下去，學會珍惜生命。

附注一：原作者木藤亞也(1962～1988年)14歲患上不治之症“脊髓小腦變性症”，身體機能逐漸開始衰退，到18歲家人才在萬不得已的情況下告訴她真相。亞也24歲的時候，即去世前一年，她母親整理的亞也的日記本《一公升眼淚》正式出書成冊。

附注二：脊髓小腦變性症是以運動失調為主要症狀，病理學上是以小腦及其傳入、傳出途徑的變性為主體的疾病，臨床上是以肢體共濟失調和构音障礙為主要特征。大量臨床資料報告研究表明：小腦萎縮的大多數患者是屬於遺傳性的，且病情呈慢性、進展性惡化，若得不到有效的控制，很快就會危及生命。所以，一旦發現應及早用藥治療，有效地控制病情、改善原有的症狀、提高生活質量、延緩生命。但卻沒有徹底根治的辦法，屬於不治之症

台北喪食之旅後遺症

係4日內肥4磅呀!!

不過d朋友見到我地食物相，咁樣食法，話4磅算肥得少喎。

仲話難為同行日日陪我喪食既"團友"。

真係要食一排草至得喇。

4/25台北喪食之旅 - 西門町最後衝鋒刺篇

臨出機場，當然係買手信最後衝刺既時間 。西門町附近原來都有"台北牛乳大王"，大家先入去整杯啦；我就捨木瓜奶而揀左特別d既"胚芽薏仁牛奶"。












手信唔少得既係老天祿既鴨翼。一盒十隻，我足足買左5盒咁多呀!抬得我呀!!

2xDaisy姐，1x惠氏CHC同事，1xYY，1X梁師奶(當然我都有份啦，兩母女成3日至食得完呀)

其他既最後斬獲，係好多赤西仁既相；甚至買左副52張唔同相既啤牌。無錯，係KAT-TUN，唔係F4(實比Annie鬧死!!)

本來想搵阿誠俊哥(權相佑)呢張早幾日士林見到既超級嘔飯相。哇大佬，簡直一見難忘啦。食飯前拎出黎淪一淪，真係隔夜飯都嘔埋出黎。減肥寶物黎架。不過細相搵唔到，無理由比咁貴買張海報掛。 結果都放棄左，網上搵黎做wallpaper，一樣勁反胃。

5pm就坐返車我地去九份既陳生架車出機場嚕。

4/25台北喪食之旅 - 一風堂篇

未去一風堂之前，先逛一逛附近既微風廣場。地牢Breeze Super對出見到有勁吸引pastry shop，滿滿既草莓甜品!! 唔整件都對自己唔住啦。

食完入內supermarket買個台灣白玉苦瓜比梁師奶做手信。佢平時咁鍾意食苦瓜，香港買白玉苦瓜又勁貴；最佳手信啦。

一風堂由微風行過去兩個街口左右；我地臨離開微風時問門口information既哥哥仔，唔望清楚由自可，哇頂你呀，幾鬼高大靚仔架。早知我扮唔明方向，等佢同我搵地圖時可以哄埋d啦!! (幣!有d姥姥feel添)

一風堂係元暢既飯堂。店內有塊版，有滿滿既元暢私伙相加獨家手寫message。老板娘一知道我地係fans，好鬼熱心囉埋私伙元暢相簿比我地睇添呀。

黎呢度唔係完全為左元暢既，因為上次同Connie黎既時候，覺得佢d炸物同日式咖哩好得。價錢比銅鑼灣世貿中心とん吉平一半唔只。服務又好。當然，元暢幫佢draw左生意係真既，否則點會摸黎呢度食？












真係羨慕阿丁，因為女廁剛好有人，可以入去男廁。同元暢用同一塊廁所版喎，幾intimate幾sweet至得架!!

4/24台北喪食之旅 - Wasabi Buffet篇

聽奶奶講左好耐，我前一晚已經打電話黎預約。
Wasabi位於全世界最高既台北101內。係日式buffet，晚市都唔駛HK$200一個人。

比起臨出發前同哥仔去既君悅，呢度好食同抵食好多!!
適逢家陣櫻花季節，Wasabi推出左好幾款以櫻花做主題既野：櫻花素麵，兩款櫻花味既飲品(Sakura Calpis Drink & Cherry Blossom Tea)，最頂引係個櫻花朱古力fountain!! 督住d生果同佢沖個粉紅色櫻花浴，好好玩。

4/24 台北喪食之旅 - 喫茶篇

一日之內去左兩間茶館，真係有ｄ阿太feel.....

話說食完冰之後Annie猛話好凍，我諗佢本身寒底唔受得咁生冷掛。我一話"不如打邊爐啦"真係嚇親佢地！路經一間好可愛既"阿爾卑斯花園"，就入去整杯花茶等Annie暖一暖個胃。

裡面主要serve花草茶。但佢地改ｄ名好鬼抵死，我叫左個"成功戰痘茶"，呢幾日食咁多煎炸野，希望對ｄ痘痘有幫助啦。

之後行左一段東區地下街，再hea上忠孝敦化一間叫"一茶一坐"既台式茶店。因為之後仲要留肚食buffet，所以揀左個北薑紅棗茶。經Annie提點，原來加少少附設既糖漿，會更吊起薑既辣味。

4/24 台北喪食之旅 - 永康公園篇

永康其實唔近捷運站，要由忠孝新生坐小黃(即台灣的士，因為全車黃色，所以當地人叫小黃)去。朝早仲落大雨添! 點解會去？因為有鼎泰豐總店同冰館。

之前幾次去台北都係去忠孝敦化既新店，聽講老店永遠大排長龍就怕怕。今次特地11am前到，所以唔駛排直上2樓。食唔到總店同新店有乜分別；不過都係非常美味。

奶奶同阿丁離隊返光華補飛掃vcd同舊書。我地4條女行去後面冰館食最出名既芒果冰同綜合冰(因為夏天無淨草莓冰)。加左淡煉奶既芒果冰，真係好得。食冰對我毫無難度。小朋友唔好亂學呀，叔叔係有練過架，哇哈哈!!

4/23 台北喪食之旅 - 西門町掃街篇


"卸貨"後行去台北車站既光南大批發hea左一陣。呢度文具好平，但文具對我黎講，係阿公會provide既野。反而買左隻KAT-TUN(阿"搭得杯落"赤西仁既團體)新出既single；裡面有首歌叫GLORIA，想唔買都唔得啦。

回程時開始落大雨，得奶奶一個有帶遮，我地去晒７仔買左便利雨衣至行到反去。

晚餐係酒店樓下掃街：謝謝的魷魚羹，阿宗麵線，老天碌鴨舌鴨翼，荵抓餅同即烤串燒。

好彩酒店夠近，可以舒服地帶返去房度開餐，唔會太"呢-hea"。

4/23 台北喪食之旅 - 光華篇

去台北既指定動作之一，當然係去光華商場掃日劇啦。

因為舊址拆卸，ｄ日劇同電腦舖搬晒去後面不遠處既臨時鐵皮屋。

人流唔算太多，日劇亦都無以前咁多喇。我只掃左4-5套。有ｄ奶奶買左就唔駛重複買啦，借黎睇咪算囉。真正掃得堅既係奶奶同Charlotte。無廿套都有十來套。

滿載而歸候就一車車返東龍"卸貨"。

4/23 台北喪食之旅 - 深坑篇

因為有車，我地將第三日既行程推前，去埋一樣比較遠既深坑。

呢度以豆腐聞名。一落車就聞到陣陣臭豆腐味兜口兜面撲埋黎。因為有棵大樹於當眼點，所以有好多食市用"大樹下"來命名。我地就二話不說殺入附近既"大樹下豆腐三吃"。所謂豆腐三吃，即紅燒豆腐，豆腐煮魚，同豆腐羹。仲試埋當地既土雞同大白筍添。我覺得最好食反而係後者。

食飽飽逛條唯一既老街。因為係遊客區既關係，而且又係週日，所以就算有微雨都有好多遊人。

途中見到有豆腐雪糕，我呢個嘗冰如命既人當然唔放過。分別試左雪糕杯同對面既軟雪糕；真係幾奇怪，竟然有炭燒味道!! 我就覺得似臭豆腐雪糕，奶奶話應該係用微燶既豆漿黎做。味道有ｄ怪！

4/23台北喪食之旅 - 九份篇

因為九份自己坐車去太唔方便，經Charlotte介紹，我地租架mini van去。司機陳姓叔台非常健談同爸爸feel。我地結果搵佢車我地下午去埋其他地方；玩足一日都係為起$150一個人，自己買d手信又可以放車內唔駛做咕哩，抵!!

九份為於半山上，窄窄既一條小路，兩旁有好多小食，工藝品舖，同特色茶館。

到步時間比較早，所以遊客未開始多。

呢度以電影悲情城市聞名，連我無睇過套戲都知道條石樓梯。
Charlotte帶我地上石梯頂一間叫阿柑姨食QQ芋圓。外貌小小既老店，原來店內別有洞天；設有開揚山景既露台，一排排矮矮既木長凳，好似小學生咁：排排坐，食芋圓!!

前臂咁大既碳燒雞脾菇，你見過未？!

4/22 台北喪食之旅 - 士林夜市篇

Charlotte遲我地2小時到台北，自己check-in左有complementary房既Grand Hyatt就到處逛；直到夜晚去士林掃街至join我地。

基本上去士林，掃完必食既幾樣：豪大大鹽騷雞扒，十全大補排骨，愛玉冰同大餅包小餅都飽晒啦。












所為大餅包小餅，就係將炸脆有涵既餅，包裹在一大塊類似北京填鴨薄餅裡，再用刀背敲碎脆餅；所以外面軟熟而裡頭脆。我同Connie share左個芝麻味，非常香口。

好在今次我地有6條女share，否則淨係塊豪大大都捽飽你啦；成塊面咁大喎。