Keys to My Heart?

無聊做的test..... 幾準，得閒可以click下面的link試試：

The Keys to Your Heart

You are attracted to those who are unbridled, untrammeled, and free. In love, you feel the most alive when things are straight-forward, and you're told that you're loved. You'd like to your lover to think you are loyal and faithful... that you'll never change. You would be forced to break up with someone who was emotional, moody, and difficult to please. Your ideal relationship is open. Both of you can talk about everything... no secrets. Your risk of cheating is zero. You care about society and morality. You would never break a commitment. You think of marriage as something that will confine you. You are afraid of marriage. In this moment, you think of love as something you don't need. You just feel like flirting around and playing right now.

What Are The Keys To Your Heart?

把鬼「海天 」

又一間被我Ban既餐廳。









約左Upjohn班女去E-House 4/F海天酒樓。阿二個衰婆自己book枱發Email，但我見佢過晒鐘刮人時，佢先至如夢初醒完全忘記左！

好彩等既期間有Marinda既香趣home-made Coffee Cookies頂肚。









叫左個$540既6人套餐，有翅有凍蟹；但味道真係一般茶餐廳水準！咁都算，服務態度奇劣，連臨尾埋單個部長都夠膽死一邊遞張單比你簽，一邊自己拿住個mobile講私人電話.......簡直係一個奇景。

銅鑼灣巧遇流克














路過見Sogo後門人頭湧湧，一望之下........撞鬼囉，MK版「死亡筆記」造型！

流克，雷姆，2x夜神月，2x彌海砂，2xL。

雖然睇到有ｄ打冷震，但大家又不約而同舉機拍喎。流克本來雄偉既身型(胸大腳長寒背)，都被呢個演譯者攪到不倫不類。

我都係想睇松山研一做既L。

又一間 Agnes b la pain grille

本來book左舊店，千辛萬苦打電話去，booking去到4月尾。









今日發現又有一間ｂ記餐廳會響百德新街京士頓街交界，即轉角舊Camper鞋店位置二樓；4月中開張，地方亦比舊店大。貪新鮮既我，第一時間打去新店訂枱。新店電話有人聽，但就好surprise點解我會搵到去，結果由對方marketing覆返黎幫我book位。

同一日，同一時間，去新餐廳踩踩場，幫臣哥慶祝佢"三十大壽"。

孤島診療所

又係另一個日劇+漫畫同步進行既個案。

下午仍然係清假中，開左套新日劇「Dr.五島診療所」。呢套劇分上(2003)、下(2006)輯，都係我2月由台灣抬返黎。








故事描寫一位名叫五島健助的年青醫生，特地服務位於離島的居民。他對醫學的熱誠，對生命的尊重，漸漸打動了頑固的村民……

去梁師奶屋企樓下租埋原著漫畫「孤島診療所」同步追。今個Easter會響"古志木島"渡過。

先辣後甜

續灘去登龍街既「糖人街」食甜品，13位減至6位。









仍然係encore有超甜原個芒果既"甜蜜蜜"。感覺上比之前份量細左，但嚷著要減肥既我，正中下懷啦。

Cross-Over@滿江紅









好耐都無同班同事出黎食晚飯。之前講左去「滿江紅」一段時間，一路都係只聞樓梯響。的起心肝擇左日，約埋一眾嚐辣，或有興趣一試聞名已久既"水煮魚"既同事朋友，柴娃娃殺上去。









又係一個13人既大型cross-over飯局。因為大家都係我個blog既常客，就算無見過真身，都會好似識左好耐咁。

其實"水煮魚"真係得個樣，見到滿滿一盤辣椒初頭會被佢嚇親，但底下既魚真係只覺香同少麻，唔覺辣。水煮羊，口水雞，夫婦肺片等都只係小兒科，對Michael或Annie可能會有ｄ失望。當然都要照顧吓ｄ唔食辣既人：乾扁四季豆，蒜泥白肉，雜錦窩巴，鹹蛋黃豆腐煲......

開左兩枝平價紅酒，百多元，入口OK，但杯內有泡就有ｄ怪....... carbonated red?????

執倉

下午Kerry同阿Temp Pauline都將手頭既野做晒，Debbie同Michael又未搵到野比佢地做既情況之下，我就落order去"執倉"。












Office內既warehouse越來越似一個亂葬江，d箱頭堆到周圍都係，有時連我行入去搵野都覺得舉步為艱。我同Michael先夾手夾腳搬晒d箱頭出黎，等阿姐仔易d執。

Kerry著晒西褲斗零跟尖頭鞋，初初我真係怕佢會扭親，點知佢中段時間又除鞋又坐地。幫我地整理左ｄgimmicks/detail aids之餘，仲搵番好多絕版gimmicks添；例如Centrum Jr小童吹氣頸枕，inTOUCH軟尺，Stresstabs木底座枱鐘，Chapstick黑Tee，Caltrate小型化妝鏡.........

搵番既野，真係夠開檔夜冷黎賣呀。

咖啡配爛片

早前一推出就第一時間申請左張Starbucks Card，今日收到兩張香港國際電影節既免費戲飛!!

心諗："咁筍？"

今個星期六10:30am，一套叫Autohystoria既電影。上網一睇個電影簡介.......頂，菲律賓片，中文名叫"大瘋民"，仲要係題材有夠冷門。

http://www.hkiff.org.hk/chi/programme/show_detail.php?fi_id=16

要走到過海去香港科學館演講廳睇，算吧啦，唔駛錢都蝕過開車費。

好心"兜巴星"係出手送就送套hit少少架啦。

唔飲綠寶有乜好食？









雞肉/羊肉/牛肉沙嗲配花生汁
紅咖哩北京燒鴨配荔枝及白飯
脆炸鮮蝦磨菇春卷
嫩菠菜沙律配乾荵洋醋汁伴風乾牛肉及暖窩蛋
半島公司三文治伴炸辣薯條
德薩司牛肉漢堡包
意式有機糙米野菌飯配青葉沙律
帕爾瑪火腿配蜜瓜

再追加多客炸薯條添!!

誇？未算!!









每人再黎多個甜品。我揀既係賣相勁靚，近排香港人氣幾勁既macaroon.......玫瑰軟心曲奇餅配桑子及荔枝慕司。淨食macaroon會過甜，但配帶酸既raspberry sauce，甜+酸比較balanced。

成日把口話要食草既我，無次做得到.......

The Lobby

去半島唔再係飲綠寶(弊，暴露左我年齡添)，而係同班廖太們去食個晚飯。今餐都要多謝阿二個老細，佢醒左張$1000 coupon出黎，等如贊助左我地一半。

6個女人，柴娃娃兩個墟，所以揀左地下The Lobby，一來抵食d，二來無咁拘謹。食物份量頗大，而且價錢同Ruby Tuesday差不多；不過幾個waiter就比較新丁feel一d，幸有禮態度搭救。

氷壁

去年既6集過短篇日劇。因為想今晚還返比奶奶，所以尋日下午開始發力狂煲；哈，一整個weekend既玉木宏。



不得不佩服日本仔拍呢類大場面之逼真。頭兩集攀登既世界第二高峰K2，真係會令人覺得面前睇緊既係海拔8611m，比Mount Everest更險要既高山。

8000米上玉木宏好友既意外墮山，隨之而引發既登山用品財團同主角之間既訴訟，都係令我尋晚挨夜，今日下午放假煲劇既動力(故事有d似「白色巨塔」)。

其實我絕對理解唔到點解人要以身犯險去挑戰高山。比你上到去插枝旗，影張相又如何？萬一遇到山難，會令幾多親友傷心難過？如果有咁多體力無處發洩，不如幫d貧窮地區修橋補路，仲黎得有意義同讓人敬佩啦。

The Pursuit Of HAPPYness

食完飯，就岩時間同Annie去UA太古城睇7:40pm。

睇電影海報，以為係講對一貧如洗既夫子，點樣挨盡鹹苦，最後個老豆憑意志帶個仔走出貧窮。結果我只係估岩左一半........因為整整個多鐘頭既戲，都只係講述對父子點樣三餐不繼，露宿街頭；個老豆點樣一邊抽住部古董Bone Density machine周圍向醫院兜售，一邊做投資經紀學徒。辛酸十分，但同快樂扯上關係都只係最尾30秒，當個倒足霉既老豆終於被經紀行錄取一刻。

Will Smith算交足戲；我覺得反而係個故事太偏重於交待兩父子點挨苦，而無落筆於脫貧後回顧呢段日子既啟發。

周名模推介









上個禮拜「完裝入口」阿周名模剛巧介紹卡生早前帶我食過，位於鰂魚涌船塢里既「囍點」。梁師奶見sell既係無味精住家菜，就決定今晚約埋細佬同Sharon去晚飯。

因為無得book，本諗住6pm去都一定無死，我地差不多係最後一張4人枱，一坐低，門外就開始排隊。真係估唔到，咁偏僻難搵既地方，都會咁墟撼。

小菜價錢唔貴，$40-$55；就算係一煲老火湯都係$55。沙拉脆魚塊，豉蒜南瓜魚塊煲，紅油龍崗雞，台南三杯雞煲，鮮蝦瑤柱荷葉飯，再加煲老火湯。

挑剔如梁師奶，似乎都頗滿意，全晚無乜complain；仲話會介紹教友去添。

推Sales之最

熟悉我既人都知我好抗拒人sell我，最盡既一次發生喺去年：

地點：銅鑼灣Log-on

梁師奶係"一分錢，一分貨"既信徒，正被條女sell緊佢買枝過百元既hair mousse。

旁聽既我，已經有ｄ唔耐煩。

另一位sales想連我都sell埋，正想遞張leaflet比我之際，被我一句車埋去：「我反正轉頭都會掉落垃圾桶，你都係收番埋佢啦，環保ｄ！」

梁師奶馬上賠笑：「哈哈哈，唔駛理佢。我個女係有ｄ怪。」

我怪？！

找死

以下係今朝做body massage對話實錄：
Body師，我

Round 1

「梁小姐，星期日唔駛返工呀？」「係。」
(廢話，要返工又點會訓喺度比你按？)
「你識唔識打麻雀架？」
「唔識，但同按摩有乜關係？」

Round 2

「梁小姐，你試唔試吓熱石？」「唔試，無興趣。」
「點解呀？」「怕灼傷。」
「唔會好熱架喎。」「少少熱都唔要！」

Round 3

「你買唔買枝香薰油黎按？」「唔駛，我長期鼻塞(藉口)。」
「我地公司出呢隻唔會溝稀，鼻塞都應該嗅到。」
「皮膚科話未經稀釋既香薰油係唔適宜按摩架。」

Round 4(再接再厲，我都有ｄ佩服佢既毅力)

「梁小姐，不如今日我同你通吓淋巴啦，可以排水排毒；下身會瘦ｄ。」
「..................」(已經唔打算啋佢)
「我都係用手同你按咋，扣一張coupon之嘛。」
忍無可忍
「咪玩啦，淋巴線係免疫系統，裡面既唔係水黎架；亦都無可能你用手按會有野排出黎。再者，如果我有水腫，啪粒去水丸見效都快ｄ啦。」

K.O.

之後既一個鐘，我終於都享受到片刻寧靜。

自問係屬於非常難Sell既客，因為：

1. 我好主觀，自認為完全知道自己想要ｄ乜
2. 唔鍾意同陌生人攀談，工作除外
3. 唔多貪小便宜，鬼唔知買得多會平同送埋ｄ無謂野咩，但相對風險亦大；當年「KPS」燃燒套票就係一個教訓啦。

My Little Easter Treat

Starbucks出左幾日，比佢清清地既外型吸引。紅莓白朱古力慕司蛋糕，好似半隻害羞(面紅)既復活蛋咁，上面有一塊Starbucks人魚icon既白朱古力作點綴。

晚飯後百無聊賴，又踱去老地方試一試佢。

味道如外型般，清清地，唔會過甜。裡面既mousse只係2-3mm，其餘係滑口既清蛋糕；夾雜住微酸既raspberry。

日本就無得講，但總覺得香港既Starbucks，無論咖啡同糕點，都比大陸同台灣出色。可能統一集團真係無美心咁擅長攪飲食業啦。

反鎖

本來9點鐘響梁師奶屋企食完飯，正想閃人之際.......大門既鎖竟然完全lock死左!!

同梁師奶各自稍微使用適量暴力之後，結論係個鎖內應該有d野斷左；因為無論點扭個橫軸都唔郁。打電話落管理處急call開鎖佬上黎。好彩仲搵到人，15分鐘後兩位兄台就帶晒架撐上黎營救"兩位美女"。












兩位靚仔由外面落指示，我就由裡面用螺絲批接應；真係變左半個開鎖學徒咁滯。

同個死人鎖糾纏左十來分鐘，終於都將之拆下；裝番把新鎖就反而話咁易。

全程烏烏都好緊張咁監視，神色凝重，非常攪笑。

一輪擾攘，結果成10:45pm至走得。好彩我在場，如果梁師奶一個睇怕都會手忙腳亂。

"黑心"M&M

又係一個廣告效應引發既trial。

逢星期五d報紙就特別多chain store既減價廣告；而Michael就負責幫我地抽起d有competitor既廣告circulate比我地睇。

下午正當我scan緊萬寧今個週末既promotion時.......咦，紫色包裝M&M?

之唔係新出既黑朱古力M&M囉!!

中學時期，一大包M&M在手，陪我渡過無數個挨夜既晚上。貪新鮮既我，第一時間閃落去樓下萬寧整兩包。

味道只係比普通既略苦，但苦味唔明顯。細個鍾意食M&M，大個就比較鍾意食Smarties。